உங்கள் கணக்கில் செயல்பாடுகளை அணுகுதலும் கட்டுப்படுத்துதலும்

உங்கள் அனுபவத்தைப் பிரத்தியேகமாக்க Search, YouTube, Chrome போன்ற சில Google சேவைகளில் நீங்கள் மேற்கொள்ளும் செயல்பாடுகள் உங்கள் கணக்கில் தரவாகச் சேமிக்கப்படும். மிகவும் பயனளிக்கும் வகையில் விரைவான அனுபவத்தை Googleளில் பெற இந்தச் செயல்பாடுகள் உதவும்.

'எனது செயல்பாடுகள்' பக்கத்தில் இருப்பிடம் போன்ற தொடர்புடைய தரவு உள்ள செயல்பாட்டு வகைகள் காட்டப்படலாம். மேலும், அவை நீங்கள் எந்த Google தயாரிப்புகளைப் பயன்படுத்துகிறீர்கள், எந்தச் செயல்பாட்டுக் கட்டுப்பாடுகளை இயக்கியுள்ளீர்கள் என்பவற்றின் அடிப்படையில் இருக்கும்.

Google கணக்கில் நீங்கள் உள்நுழைந்திருக்கும்போது செயல்பாடுகள் சேமிக்கப்படும்.

உங்கள் கணக்கில் சேமிக்கப்பட்டுள்ள பெரும்பாலான செயல்பாட்டுத் தரவைச் செயல்பாட்டுக் கட்டுப்பாடுகள் கட்டுப்படுத்தும்.

முக்கியம்: சில Google சேவைகள் செயல்பாட்டுத் தரவை உங்கள் கணக்கில் சேமிப்பதில்லை.

நீங்கள் தேடியவை, பார்த்த இணையதளங்கள் அல்லது பிற செயல்பாடுகள் 'எனது செயல்பாடுகள்' பக்கத்தில் இல்லை என்றால், இவற்றை உறுதிப்படுத்திக்கொள்ளவும்:

• கணக்கில் உள்நுழைந்திருக்கிறீர்கள். உங்கள் Google கணக்கில் நீங்கள் உள்நுழைந்திருக்கும்போது மட்டுமே செயல்பாடுகள் சேமிக்கப்படும்.
• உங்கள் சாதனம் ஆன்லைனில் இருக்க வேண்டும். உங்கள் சாதனம் இணையத்துடன் இணைக்கப்படவில்லையெனில், உங்களின் எந்தவொரு ஆஃப்லைன் செயல்பாடும் 'எனது செயல்பாடுகள்' பக்கத்தில் காட்டப்படாது.
• சரியான அமைப்புகள் இயக்கப்பட்டிருக்க வேண்டும். நீங்கள் விரும்பும் செயல்பாட்டு வகைகளைச் சேமிக்கிறீர்கள் என்பதை உறுதிசெய்துகொள்ள உங்கள் செயல்பாட்டுக் கட்டுப்பாடுகளைச் சரிபார்க்கவும்.
• ஒரு கணக்கில் மட்டுமே உள்நுழைந்திருக்க வேண்டும். ஒரே சமயத்தில் ஒரே பிரவுசரிலோ சாதனத்திலோ பல கணக்குகளில் நீங்கள் உள்நுழைந்திருந்தால், உங்கள் செயல்பாடுகள் இயல்புக் கணக்கில் சேமிக்கப்படக்கூடும்.

உங்களுக்குப் பரிச்சயமில்லாத இந்த வகையான செயல்பாடுகள் 'எனது செயல்பாடுகள்' பக்கத்தில் காட்டப்படக்கூடும்.

Google சேவைகளைப் பயன்படுத்தும் இணையதளங்களிலும் ஆப்ஸிலும் மேற்கொள்ளும் செயல்பாடுகள்

சில இணையதளங்களும் ஆப்ஸும் Search, Maps, Ads போன்ற Google சேவைகளைப் பயன்படுத்துகின்றன. உங்கள் Google கணக்கில் உள்நுழைந்திருக்கும்போது இந்த இணையதளங்களுக்கும் ஆப்ஸிற்கும் நீங்கள் சென்றால், உங்கள் செயல்பாடுகள் 'எனது செயல்பாடுகள்' பக்கத்தில் காட்டப்படக்கூடும். பலர் பயன்படுத்தும் சாதனத்தைப் பயன்படுத்தினாலோ பல கணக்குகளில் உள்நுழைந்திருந்தாலோ, நீங்கள் உள்நுழைந்திருக்கும் வேறொரு கணக்கில் செய்யும் செயல்கள் காட்டப்படலாம்.

சில இணையதளங்களும் ஆப்ஸும் சில செயல்பாடுகளை Google உடன் பகிரக்கூடும்.

இணையம் மற்றும் ஆப்ஸ் செயல்பாடு குறித்து மேலும் அறிக.

கணிக்கப்பட்ட செயல்பாடுகள்

சிலநேரங்களில் Google நீங்கள் அடுத்து எதைப் பார்க்க விரும்புகிறீர்கள் என்பதைக் கணித்து அந்த உள்ளடக்கத்தை உங்களுக்கு வழங்கும்.

• உதாரணமாக, YouTube தானியங்கி இயக்கப்பட்டிருந்தால், நீங்கள் ஏற்கெனவே பார்த்தவற்றின் அடிப்படையில் தானாகப் பிளே செய்யப்பட்ட வீடியோக்கள் 'எனது செயல்பாடுகள்' பக்கத்தில் காட்டப்படக்கூடும்.

பரிச்சயமற்ற பிற செயல்பாடுகள்

பின்வரும் சந்தர்ப்பங்களில் உங்களுக்குப் பரிச்சயமற்ற செயல்பாடுகள் காட்டப்படக்கூடும்:

• ஒரே சமயத்தில் ஒரே பிரவுசரிலோ சாதனத்திலோ பல கணக்குகளில் நீங்கள் உள்நுழைந்திருத்தல்.
  • வேறொரு கணக்கில் உள்நுழைந்திருக்கும்போது நீங்கள் மேற்கொள்ளும் செயல்பாடுகள் 'எனது செயல்பாடுகள்' பக்கத்தில் சேமிக்கப்படக்கூடும்.
• நீங்கள் இயக்க நினைக்காதபோதும் தற்செயலாக இயக்கப்படுவதை Google Assistant கண்டறிதல்.
• பொதுக் கம்ப்யூட்டர் போன்ற பலர் பயன்படுத்தும் சாதனத்தில் இருந்து நீங்கள் வெளியேறாமல் இருத்தல்.
• உங்கள் சாதனத்தில் வேறொரு தேதியையும் நேரத்தையும் அமைத்திருத்தல்.
  • இந்தச் சாதனத்தில் உள்ள செயல்பாடுகள் தவறான தேதியுடன் காட்டப்படக்கூடும்.
• உங்கள் அனுமதியின்றி வேறொருவர் உங்கள் கணக்கை அணுகுதல்.

உங்கள் கணக்கில் காட்டப்படும் செயல்பாடு வேறொருவர் மேற்கொண்டது என்று நினைத்தால், உங்கள் கணக்கைப் பாதுகாப்பாக வைத்திருக்க உதவும் வழிமுறையைப் பின்பற்றவும்.