Kapag bumili ka ng serbisyo ng Google (tulad ng Google One) o bumili ka sa pamamagitan ng isang produkto ng Google (tulad ng Google Play), ise-save sa iyong Google Account ang impormasyon ng pagbabayad na ibibigay mo.
Magdagdag, mag-edit, o mag-alis ng mga naka-save na paraan ng pagbabayad
Puwede kang tumingin, magdagdag, o gumawa ng mga pagbabago sa isang kasalukuyang paraan ng pagbabayad na naka-save sa iyong Google Account.
Magdagdag ng payment method
Tip: Dapat na credit o debit card ang una mong paraan ng pagbabayad. Pagkatapos mong magdagdag ng card, puwede kang magdagdag ng iba pang paraan gn pagbabayad, gaya ng mga bank account.
- Mag-sign in sa Mga Paraan ng Pagbabayad.
- Sa ibaba, i-click ang Magdagdag ng paraan ng pagbabayad.
- Piliin ang paraan ng pagbabayad na gusto mong idagdag.
- Sundin ang mga tagubilin para tapusin ang pagdaragdag sa iyong paraan ng pagbabayad.
- Kung hiniling sa iyong i-verify ang paraan ng pagbabayad mo, pumili ng opsyon mula sa listahan.
- Alamin at ilagay ang code sa pag-verify.
Matuto pa tungkol sa mga opsyon sa pag-verify ng pagbabayad.
Magbago o mag-alis ng paraan ng pagbabayad
- Mag-sign in sa Mga Paraan ng Pagbabayad.
- Sa tabi ng isang paraan ng pagbabayad, i-click ang I-edit o Alisin.
Pamahalaan ang personal na impormasyon sa iyong profile sa mga pagbabayad
Kapag may binili ka mula sa Google, awtomatiko kaming gagawa ng profile sa mga pagbabayad.
Ano ang profile sa mga pagbabayad?
Naka-link ang iyong profile sa mga pagbabayad sa Google sa Google Account mo at nagso-store ito ng impormasyong tulad ng:
- Pangalan, address, at tax ID (kapag iniatas ng batas) ng taong responsable sa profile
- Mga credit card, debit card, bank account, at iba pang paraan ng pagbabayad na ginamit mo dati sa pagbili sa pamamagitan ng Google
- Mga resibo at iba pang impormasyon tungkol sa mga nakaraang transaksyon
- Mga subscription, umuulit na pagbabayad, at prepaid plan
- Mga taong inimbitahan mong gamitin ang iyong profile
Tip: Hindi na available ang feature na ito para sa mga personal na profile. Kung kailangan mong mag-alis ng tao sa iyong account, makipag-ugnayan sa suporta sa Google Pay.
Narito ang ilang artikulo tungkol sa paghahanap at pagbabago ng impormasyong nauugnay sa iyong profile sa mga pagbabayad.
Maghanap ng mga singil, resibo, at iba pang dating impormasyon sa pagbabayad
- Para sa karamihan ng mga pagbili, pumunta sa Aktibidad.
- Para sa ilang pagbili na ginawa mo sa pamamagitan ng mga produkto ng Google, pumunta sa Mga Subscription.
- Kung hindi mo makita ang iyong binili, mag-sign in sa produkto ng Google kung saan ka bumili at hanapin ito roon.
- Puwede kang mag-store ng digital na kopya ng iyong mga resibo sa Google Wallet. Kapag nagsasauli o nagpapapalit ka sa isang merchant, puwede mong gamitin ang mga digital na resibong ito para makapagbigay ng patunay ng pagbili. Alamin kung paano idagdag ang iyong mga resibo sa Google Wallet.
Humingi ng tulong
Kung kailangan mo ng higit pang tulong sa pamamahala sa iyong impormasyon ng pagbabayad sa Google, bisitahin ang Help Center ng Google Pay.
