உங்கள் Gmail முகவரியை இனி பயன்படுத்த விரும்பவில்லை என்றால் உங்கள் Google கணக்கில் இருந்து அதை அகற்றலாம்.
உங்கள் Google கணக்கில் இருந்து Gmailலை அகற்றிய பிறகு:
- 30 நாட்கள் கழித்து உங்கள் மின்னஞ்சல்களையும் அமைப்புகளையும் Gmail நீக்கும்.
- மின்னஞ்சல்களை அனுப்பவோ பெறவோ இனி உங்கள் Gmail முகவரியைப் பயன்படுத்த முடியாது. நீங்கள் முடிவை மாற்றிக்கொண்டால் உங்கள் Gmail முகவரியையும் மின்னஞ்சல்களையும் மீட்டெடுக்கலாம்.
- எதிர்காலத்தில் உங்கள் Gmail முகவரியை வேறு யாராலும் பயன்படுத்த முடியாது.
- உங்கள் Google கணக்கையும் இதுபோன்ற பாதிக்கப்படாத பிற சேவைகளையும் நீங்கள் தொடர்ந்து பயன்படுத்தலாம்:
தொடங்குவதற்கு முன்பு
- பணி, பள்ளி அல்லது வேறு குழுவின் மூலமாக Gmailலைப் பயன்படுத்துகிறீர்கள் என்றால் உங்கள் நிர்வாகியைத் தொடர்புகொள்ளுங்கள்.
- Google கணக்கில் இருந்து Gmailலை அகற்றும் முன்பு உங்கள் தரவைப் பதிவிறக்கிக் கொள்ளவும்.
- பிற Google சேவைகளை உங்கள் Google கணக்குடன் தொடர்ந்து பயன்படுத்த Gmail அல்லாத வேறொரு மாற்று மின்னஞ்சல் முகவரி வேண்டும்.
- Gmail முகவரியை அகற்றும் முன்பு உங்கள் Google கணக்கில் உள்நுழையவும். உங்களால் உள்நுழைய முடியவில்லை என்றால் Google கணக்கு அல்லது Gmailலை மீட்டெடுப்பது எப்படி என்று தெரிந்துகொள்ளுங்கள்.
உங்கள் Gmail சேவையை நீக்குதல்
- கம்ப்யூட்டரில் Gmailலுக்குச் செல்லவும்.
- மேல் வலதுபுறத்தில் உள்ள உங்கள் சுயவிவரப் படத்தைக் கிளிக் செய்து
Google கணக்கை நிர்வகியுங்கள் என்பதைக் கிளிக் செய்யவும்.
- இடதுபுறத்தில் தரவு & தனியுரிமை என்பதைக் கிளிக் செய்யவும்.
- "நீங்கள் பயன்படுத்தும் ஆப்ஸ் & சேவைகளில் இருந்து பெறப்படும் தரவு" என்பதற்குச் செல்லவும்.
- "தரவைப் பதிவிறக்குதல் அல்லது நீக்குதல்" என்பதற்குக் கீழே உள்ள Google சேவையை நீக்கு என்பதைக் கிளிக் செய்யவும்.
- உங்கள் Google கணக்கில் உள்நுழையவும்.
- "Gmail" என்பதற்கு அடுத்துள்ள நீக்குவதற்கான ஐகானை
கிளிக் செய்யவும்.
- மாற்று மின்னஞ்சல் முகவரியை டைப் செய்யவும்.
- அடுத்து என்பதைக் கிளிக் செய்யவும்.
- மாற்று மின்னஞ்சல் முகவரிக்கு மின்னஞ்சல் அனுப்பப்படும். புதிய முகவரியை உறுதிசெய்தால் மட்டுமே உங்கள் Gmail முகவரியும் மின்னஞ்சல்களும் உங்கள் Google கணக்கில் இருந்து அகற்றப்படும்.
Google கணக்கை நிர்வகியுங்கள் என்பதைக் கிளிக் செய்யவும்.உங்கள் Gmail முகவரியை மீட்டெடுத்தல்
உங்கள் Gmail முகவரியை அகற்றினாலும் அதை மீண்டும் பெற முடியும். ஆனால், உங்கள் Gmail முகவரியை அகற்றி நீண்ட நாட்கள் கடந்திருந்தால் உங்கள் மின்னஞ்சல்களை மீண்டும் பெற முடியாமல் போகலாம்.
- உங்கள் சாதனத்தில் Gmailலைத் திறக்கவும்.
- உங்கள் Google கணக்கில் உள்நுழையவும்.
- திரையில் காட்டப்படும் வழிமுறைகளைப் பின்பற்றவும்.
