Ef þú vilt ekki lengur eiga Gmail netfang og tölvupóstinn þinn geturðu fjarlægt hvort tveggja af Google reikningnum þínum. Þótt þú eyðir þeim eyðist ekki allur Google reikningurinn.
Hvað gerist þegar þú eyðir Gmail þjónustunni
- Tölvupósti þínum og stillingum fyrir tölvupóst verður eytt.
- Þú getur ekki lengur notað Gmail netfangið til að senda og taka á móti tölvupósti. Ef þér snýst hugur geturðu hugsanlega fengið Gmail netfangið þitt aftur.
- Enginn annar getur notað Gmail netfangið þitt í framtíðinni.
- Google reikningnum þínum verður ekki eytt, aðeins Gmail þjónustan verður fjarlægð. Þú hefur enn virkni þína og kaup sem þú hefur gert í Google Play.
Eyða Gmail
Ef þú notar Gmail í gegnum vinnu þína, skóla eða annan hóp skaltu hafa samband við kerfisstjóra.
- Áður en þú eyðir Gmail þjónustunni skaltu sækja gögnin þín.
- Farðu í hlutann Eyða Google þjónustu á Google reikningnum þínum. Þú gætir þurft að skrá þig inn.
- Veldu Eyða við hliðina á „Gmail“.
- Fylgdu skrefunum á skjánum.
Athugaðu: Ef þú notar forritið Gmail án nettengingar þarftu einnig að hreinsa skyndiminni og fótspor úr vafranum.
Laga vandamál
Ef þú skiptir um skoðun geturðu hugsanlega fengið Gmail netfangið þitt aftur. Ef langt er um liðið síðan þú fjarlægðir Gmail þjónustuna geturðu hugsanlega ekki fengið tölvupóstinn þinn aftur.
- Farðu í Gmail.
- Fylgdu skrefunum á skjánum.
Kynntu þér hvernig þú eyðir Google reikningnum þínum. Þessi aðgerð eyðir öllum Google reikningnum þínum, ekki aðeins Gmail þjónustunni.
Þú þarft að skrá þig inn áður en þú getur eytt Gmail þjónustunni. Fáðu hjálp við að fá aðgang að reikningnum þínum.