බොහෝ ගිණුම් සඳහා Google ඉක්මනින් දෙපියවර සත්‍යාපනය සක්‍රීය කරයි. පුරන්නට දෙවෙනි පියවරක් භාවිත කිරීම ක්‍ෂණිකයි සහ පහසුයි, එය ඔබේ Google ගිණුම ඉතාම සුරක්‍ෂිත කරයි.
දෙපියවර සත්‍යාපනය සක්‍රීය කළ විට එය ක්‍රියා කරන ආකාරය
ඔබ පුරන විට ඔබේ දුරකථනය ළඟ තබා ගන්න.
ඔබ ඔබේ මුරපදය ඇතුළු කළ පසු, ඔබ සාමාන්‍යයෙන් ඔබේ දුරකථනය මත දෙවෙනි පියවර සම්පූර්ණ කරයි. ඔබට Google ඔබේ දුරකථනයට එවන පුරන ප්‍රේරණයකට තට්ටු කිරීමට හෝ ඔබට පාඨ පණිවුඩ එවනු ලබන කේතයක් ඇතුළත් කිරීමට හැකි වෙයි. (ඔබගේ වාහකගෙන් ගාස්තු යෙදේවි.) මෙය Google හට පුරන්නේ සැබැවින්ම ඔබ බව සහතික කර ගැනීමට උදවු කරයි.
ඔබට ඔබ දැන් සිදු කරනවාට වඩා නිතර පුරන්නට අවශ්‍ය නොවෙයි. ඔබ නව උපාංගයක් භාවිත කරන විට හෝ Google හට ඒ ඇත්තටම ඔබ බව තහවුරු කර ගැනීමට අවශ්‍ය වූ විට පමණක් පුරනය වෙයි.
දෙපියවර සත්‍යාපනය ඔබේ පුද්ගලික තොරතුරු ආරක්‍ෂා කිරීමට උදවු කරන ආකාරය
සබැඳි ගිණුම්වල ඇති පුද්ගලික තොරතුරු අපහාරකයන්ට වටියි. ගිණුම් අවදානමට ලක් වන ඉතාම පොදු ආකාරය මුරපදය සොරකම් කිරීමයි.
උදාහරණ වශයෙන්, රැවටිලිකාර පණිවුඩ හෝ සමාන පෙනුමැති අඩවි බොහෝ විට පුද්ගලයන්ට ඔවුන්ගේ මුරපද බෙදා ගැනීමට උපක්‍රම කරයි. මෙම මුරපද සොරකම් කිරීමේ වංචාර පොදුයි, ප්‍රවීණයින් පවා සමහර විට මෝඩ කරවනු ලබයි.
මුරපදයක් සහ ඔබේ දුරකථනය මත දෙවෙනි පියවරක් යන දෙකම මගින් පුරනය මුරපද සොරකම් කිරීමේ වංචාවලට එරෙහිව ආරක්‍ෂා කරයි. යමෙක් ඔබේ මුරපදය අන්තර්ජාලයෙන් ලබා ගන්නේ වූවත් ඔවුන්ට ඔබේ දුරකථනය ද නොතිබෙයි.
දෙපියවර සත්‍යාපනය පිළිබඳ පොදු ප්‍රශ්නවලට පිළිතුරු
දෙපියවර සත්‍යාපනය සක්‍රීය කෙරෙන්නේ කවදාද?
දෙපියවර සත්‍යාපනය සමග පුරන්නට කොපමණ කාලයක් ගත වෙයිද?
දෙපියවර සත්‍යාපනය තව එක පියවරක් එක් කරයි, නමුත් එය සාමාන්‍යයෙන් ක්‍ෂණිකයි, පහසුයි.
ඔබ ඔබේ අනෙකුත් සබැඳි ගිණුම් සමහරක් සඳහා දැනටමත් දෙපියවර සත්‍යාපනය භාවිත කරනවා විය හැක.
මට පුරනය සඳහා වෙනත් උපස්ථ එක් කළ හැකිද?
මෙවැනි උපස්ථ වර්ග ලැබෙන්නේ දෙපියවර සත්‍යාපනය සක්‍රීය කළ පසු පමණයි.
උපස්ථ කේත ගබඩා කරන්න හෝ මුද්‍රණ කරන්න
ඔබට ඔබේ දුරකථනය භාවිත කළ නොහැකි නම්, උපස්ථ කේත ඔබට ඔබේ ගිණුමට ඇතුළු වීමට උදවු කළ හැක. ඔබට උපාංගයකට උපස්ථ කේත බා ගැනීමට හෝ ඒවා මුද්‍රණ කර ආරක්‍ෂිත ස්ථානයක ගබඩා කිරීමට හැකිය.
යෙදුමකින් කේත ලබා ගන්න
ඔබට පාඨ පණිවුඩ ලබා ගත නොහැකි වූවත් ඔබට ඔබේ ගිණුමට පුරන්නට කේත ලබා ගත හැක. ඔබේ දුරකථනය මත කේත ලබා ගැනීමට Google Authenticator යෙදුම ස්ථාපන කරන ආකාරය දැන ගන්න.
ආරක්‍ෂක යතුරක් සකසන්න
ආරක්‍ෂක යතුරු යනු ඔබට ඔබේ Google ගිණුම සමග භාවිත කළ හැකි ඉතාම සුරක්‍ෂිත දෙවෙනි පියවරවලින් එකකි. ආරක්‍ෂක යතුරක් භාවිත කරන ආකාරය දැන ගන්න.මා ළඟ මගේ දුරකථනය නොමැති නම් දෙපියවර සත්‍යාපනය ක්‍රියා කරන්නේ කෙසේද?
ඔබෙන් ඔබේ දුරකථනය නැති වන්නේ නම් හෝ එය ඔබ ළඟ නොමැති නම් ඔබට පුරන්නට උදවු කිරීමට Google ඔබේ ප්‍රතිසාධන ඉ-තැපෑල භාවිත කළ හැක.
ඔබේ ප්‍රතිසාධන තොරතුරු සම්පූර්ණ සහ යාවත්කාලීන බව තහවුරු කර ගන්න.
මට දෙපියවර සත්‍යාපනය අක්‍රිය කළ හැකිද?
දැනට ඔබට එය ස්වයංක්‍රීයව සක්‍රීය වූ පසු දෙපියවර සත්‍යාපනය අක්‍රිය කළ හැක, නමුත් හුදෙක් මුරපදයක් සමග පමණක් පුරනය වීම ඔබේ ගිණුමේ සුරක්‍ෂිත බව අඩු කරයි.
ඉක්මනින්, බොහෝ Google ගිණුම් සඳහා දෙපියවර සත්‍යාපනය අවශ්‍ය වෙයි.
