Sa page na ito
- Mga tanong tungkol sa mga ad at sa iyong privacy
- Mga tanong tungkol sa iyong aktibidad sa Google at mga ad
- Mga tanong tungkol sa pag-customize sa iyong experience sa ad
Mga tanong tungkol sa mga ad at sa iyong privacy
Nakikinig ba ang Google sa mga tawag ko sa telepono o binabasa ba nito ang mga email ko?
Hindi. Iginagalang ng Google na personal at pribado ang iyong mga pag-uusap. Hindi kami gumagamit ng impormasyon mula sa mga tawag sa telepono, email, o serbisyo mo gaya ng Google Drive para impluwensyahan ang mga ad na ipinapakita sa iyo.
Ibinebenta o ibinabahagi ba ng Google ang personal na impormasyon ko?
Ikaw palagi ang magpapasya kung magbabahagi ka ng impormasyon sa Google. Hindi ibinebenta o ibinabahagi ang iyong personal na impormasyon sa mga advertiser, publisher tulad ng mga website at app, o iba pang kumpanya. Ang data na nakukuha ng mga advertiser tungkol sa kanilang mga audience ay pinagsasama-sama at hindi nagbabahagi ng anumang personal na impormasyon tungkol sa iyo.
Paano kumikita ng pera ang Google?
Ang pangunahing source ng kita ng Google ay mula sa mga ad sa mga sarili naming site at app. Sinasabi ng mga advertiser sa Google ang mga uri ng mga audience na gusto nilang abutin, at sinusubukan naming ipakita ang mga ad nila sa mga taong nasa mga grupong iyon. Bawat isa sa mga produkto at serbisyo ng Google ay nagpapakita ng mga ad sa iba't ibang paraan para makatulong na abutin ang mga bago at dati nang customer.
Kumikita rin ng pera ang Google sa pamamagitan ng pagtulong sa iba pang site at app na kumita ng pera sa pamamagitan ng pag-advertise. Ginagamit ng mga site at app na ito ang aming teknolohiya ng ad para ipakita ang mga ad nila. Nagtatabi kami ng parte ng perang ibinabayad ng mga advertiser, at napupunta sa site o app ng partner ang natitira.
Matuto pa tungkol sa kung Paano kumikita ng pera ang Google.
Sabihin nating naghahanap ka ng impormasyon tungkol sa mga guitar lesson gamit ang Google Search. Kung sasabihin ng isang advertiser sa Google na gusto niyang magpakita ng mga ad batay sa keyword na “mga gitara,” posibleng mapakitaan ka ng ad mula sa advertiser na iyon. Kung magki-click ka ng isa sa mga ad na iyon, magbabayad ang advertiser sa Google. Kung makikita mo ang ad at hindi mo iki-click, hindi sisingilin ang advertiser at hindi kikita ng pera ang Google.
Paano nanghuhula ang Google tungkol sa akin?
Puwede mong suriin kung sa aling mga kategorya ka kasalukuyang nakakatanggap ng mga ad sa tab na Pamahalaan ang Privacy ng Ang Aking Ad Center. Kapag naglagay ng ad ang isang negosyo, kadalasan ay pinipili nito kung sa aling mga kategorya ng mga tao nito gustong ipakita ang mga ad nito. Halimbawa, posibleng piliin ng isang serbisyo sa bubong na ipakita ang mga ad nito sa mga may-ari ng bahay sa halip na sa mga nangungupahan.
Ginagamit ang iyong aktibidad sa mga site at app ng Google para tukuyin kung aling mga kategorya ang pinakanauugnay sa iyo, at pagkatapos ay magpakita sa iyo ng mga ad para sa mga tao sa kategoryang iyon. Kung hindi angkop ang mga ad na ito para sa iyong mga interes, puwede mong i-update o i-off ang anumang kategorya.
Sabihin nating ginamit mo ang Google Search para maghanap ng mga diaper para sa maliit na bata. Batay rito, posibleng tantyahin ng Google na interesado ka sa iba pang produktong para sa mga taong nasa kategoryang “Mga magulang ng maliliit na bata.”
Paano kung iba ang status ko kaysa sa mga opsyon sa isang kategorya?
Nagpapakita lang kami ng mga kategoryang ginagamit para sa mga naka-personalize na ad, kaya posibleng limitado ang mga opsyon para sa ilang kategorya. Kung minsan, baka gusto mong makakuha ng mga ad para sa kategoryang iba sa tinantya namin.
Kapag na-off mo ang isang kategorya, made-delete ang iyong impormasyon para sa kategoryang iyon at hindi gagamitin ang kategoryang iyon para magpakita sa iyo ng mga ad. Kung io-off mo ang mga naka-personalize na ad, made-delete ang lahat ng iyong impormasyon ng kategorya at hindi na ito gagamitin para mag-personalize ng mga ad.
Para mag-on o mag-off ng kategorya para sa mga ad:
- Sa Ang Aking Ad Center, piliin ang Pamahalaan ang Privacy
.
- Sa ilalim ng “Mga kategoryang ginagamit para magpakita sa iyo ng mga ad,” piliin ang kategoryang gusto mong i-on o i-off.
- Sa page para sa kategoryang iyon, gamitin ang toggle para baguhin ang iyong setting.
Para mag-update ng kategorya:
- Sa Ang Aking Ad Center, piliin ang Pamahalaan ang Privacy
- Sa ilalim ng “Mga kategoryang ginagamit para magpakita sa iyo ng mga ad,” piliin ang kategoryang gusto mong kontrolin o i-update.
- Piliin ang opsyong akma sa iyong mga interes.
Kapag nag-update ka ng kategorya, ise-save ang iyong mga pagbabago sa Aking Mga Ad. Magsisimula kang makatanggap ng mga ad para sa mga taong nasa kategoryang iyon sa loob ng ilang araw. Kung io-off mo ang mga naka-personalize na ad, made-delete ang lahat ng iyong impormasyon ng kategorya at hindi na ito gagamitin para mag-personalize ng mga ad.
Mga tanong tungkol sa iyong aktibidad sa Google at mga ad
Paano ginagamit ng Google ang naka-save kong aktibidad?
Ginagamit ang iyong naka-save na aktibidad sa Google para sa mga naka-personalize na experience sa produkto at naka-personalize na ad. Puwede kang magpasya kung gagamitin ang iyong aktibidad para sa alinman sa mga iyon at kung ise-save ito sa Google Account mo.
Ginagamit ng mga naka-personalize na experience sa produkto ang iyong aktibidad para bigyan ka ng mas magagandang rekomendasyon sa Maps, Search, at iba pang serbisyo ng Google.
Kung naghanap ka ng chocolate cake, at pagkatapos ay naghanap ka ulit ng “paano gumawa,” posibleng mas malamang na hulaan ng Google na hinahanap mo ang “paano gumaga ng chocolate cake.”
Matuto pa tungkol sa kung paano Hanapin at kontrolin ang iyong Aktibidad sa Web at App.
Ginagamit ng mga naka-personalize na ad ang iyong aktibidad para makatulong na magpakita sa iyo ng mga mas kaugnay at interesanteng ad sa mga serbisyo ng Google tulad ng Search at YouTube.
Kung naghanap ka kamakailan ng impormasyon tungkol sa kung paano gumawa ng chocolate cake, posibleng makakita ka ng ad sa YouTube tungkol sa mga supply para sa pag-bake ng cake.
Matuto pa tungkol sa kung paano Kontrolin kung anong data ang ginagamit ng Google para magpakita sa iyo ng mga ad.
Ano ang pinagkaiba ng pag-save ng aktibidad ko at paggamit nito para sa mga ad?
Ang ibig sabihin ng pag-save ng iyong aktibidad ay sino-store ito sa Google Account mo. Posibleng kasama sa ilan sa aktibidad na ito ang mga video na pinanood mo sa YouTube o ang iyong mga kamakailang paghahanap.
Kapag ginamit ang iyong naka-save na aktibidad para sa mga ad, makakagawa ang Google ng mas naka-personalize na experience para sa iyo. Halimbawa, kung nanonood ka ng maraming makeup tutorial, posibleng magpakita sa iyo ang YouTube ng mga ad para sa mga produktong makeup. Puwede mong kontrolin kung mase-save ba ang iyong aktibidad sa Google Account mo sa Aking Aktibidad.
Puwede ring gamitin ang aktibidad mo para makatulong na magpakita sa iyo ng mga mas kaugnay at interesanteng ad sa mga serbisyo ng Google. Puwede mong kontrolin kung gagamitin ba ang iyong aktibidad para sa mga ad sa Ang Aking Ad Center.
Matuto pa tungkol sa kung paano Kontrolin kung anong data ang ginagamit ng Google para magpakita sa iyo ng mga ad.
Paano ko hahanapin at kokontrolin ang Aktibidad ko sa Web at App?
Puwede mong pamahalaan ang iyong Aktibidad sa Web at App gamit ang Aking Aktibidad.
Matuto pa tungkol sa kung paano Hanapin at kontrolin ang iyong Aktibidad sa Web at App.
Paano ko mahahanap at makokontrol ang History ko sa YouTube?
Puwede mong pamahalaan ang iyong history ng paghahanap sa YouTube gamit ang Aking Aktibidad.
Matuto pa tungkol sa kung paano Tingnan o i-delete ang iyong history ng paghahanap sa YouTube.
Paano ko mahahanap at makokontrol ang History ng Lokasyon ko?
Mahahanap at makokontrol mo ang iyong History ng Lokasyon sa pamamagitan ng pagbisita sa Aking Aktibidad.
Matuto pa tungkol sa kung paano Pamahalaan ang iyong History ng Lokasyon.
Paano ko mahahanap at makokontrol ang History ko ng Play?
Puwede mong pamahalaan ang iyong History ng Play gamit ang Aking Aktibidad.
Matuto pa tungkol sa kung paano hanapin at kontrolin ang iyong History ng Play.
Paano ginagamit ng Google ang impormasyon tungkol sa kung saan ako nanggaling para mag-personalize ng mga ad?
Kapag gumamit ka ng mga serbisyo ng Google, tatantyahin ng Google ang general area kung saan ka naghahanap at ise-save nito ang impormasyong iyon sa iyong aktibidad sa Web at App. Makakatulong ang impormasyon sa lokasyon na ito sa Google na magpakita sa ito ng mga mas kaugnay na ad. Puwede mong i-on o i-off ang paggamit sa mga area na ito para sa mga naka-personalize na ad anumang oras.
- Kung naka-on ang “Mga area kung saan mo ginamit ang Google” at naghanap ka ng kape, posibleng makakita ka ng ad para sa isang lokal na coffee shop.
- Kung naka-off ang “Mga area kung saan mo ginamit ang Google” at naghanap ka ng kape, puwede kang makakita ng ad para sa isang coffee shop na sa ibang bayan.
Para kontrolin kung puwedeng gamitin para sa mga ad ang mga area kung saan mo ginamit ang Google:
- Sa Ang Aking Ad Center, piliin ang Pamahalaan ang Privacy
- Sa ilalim ng “Aktibidad na ginagamit para mag-personalize ng mga ad," piliin ang Mga area kung saan mo ginamit ang Google.
- Piliin ang toggle para i-on o i-off ang Gamitin ang mga area para mag-personalize ng mga ad.
- Kumpirmahin ang preference mo sa pamamagitan ng pagpili sa I-off.
Nakakaapekto ang setting na ito sa mga ad sa lahat ng site at app ng Google.
Kapag na-off mo ang Mga area kung saan mo ginamit ang Google para sa mga ad, hindi ito gagamitin para tumulong na i-personalize ang mga ad na nakikita mo. Puwede pa ring ma-save sa iyong Google Account ang mga area kung saan mo ginamit ang Google, at puwede ka pa ring makakuha ng mga naka-personalize na rekomendasyon sa mga serbisyo ng Google.
Mga tanong tungkol sa pag-customize sa iyong experience sa ad
Bakit ipinapakita pa rin sa akin ang isang ad, kahit na na-block o naiulat ko na ito?
Hindi perpekto ang pag-block ng ad at kung minsan, hindi namin naba-block ang isang ad para sa iyo. Posibleng nakikita mo ang isang ad kahit na na-block o naiulat mo na ito dahil sa mga sumusunod:
- Hindi Google ang nagpapakita ng bawat ad sa web. Kung ikaw ay nasa isang site o app na hindi Google, posibleng may ibang kumpanya ng teknolohiya ng ad na nagpapakita sa iyo sa ad na iyon.
- Gumagamit ang mga advertiser ng maraming iba't ibang format at istilo ng mga ad para sa mga parehong produkto, at posibleng ang nakikita mo ay isang ad na katulad ng ad na na-block mo.
Matuto pa tungkol sa kung paano Mag-ulat ng ad.
Bakit pinapakitaan pa rin ako ng mga ad na nauugnay sa isang kategoryang na-off ko?
Kapag na-off mo ang isang kategorya, made-delete ang iyong impormasyon para sa kategoryang iyon at hindi gagamitin ang kategoryang iyon para magpakita sa iyo ng mga naka-personalize na ad sa mga serbisyo ng Google, tulad ng Search at YouTube.
- Kung ikaw ay nasa isang site o app na hindi Google, posibleng may ibang kumpanya ng teknolohiya ng ad na nagpapakita sa iyo ng ad na iyon.
- Kung ikaw ay nasa isang site o app ng Google, posibleng makakita ka ng ad na mukhang nauugnay sa isang kategoryang na-off mo dahil sa iba pang preference na itinakda mo sa Ang Aking Ad Center o dahil hindi naka-personalize ang ad. Ang mga hindi naka-personalize na ad sa Google ay ipinapakita sa iyo ayon sa mga salik na batay sa konteksto tulad ng oras ng araw, mga paksa ng website na binibisita mo, o kasalukuyan mong lokasyon, pati na rin impormasyon tungkol sa mga video na kakapanood mo lang o mga aktibo mong paghahanap.
Bakit hindi ko ma-block nang tuluyan ang mga sensitibong paksa?
Gagawin namin ang aming buong makakaya para hindi magpakita sa iyo ng mga ad tungkol sa mga paksang nilimitahan mo. Sa ilang sitwasyon, puwede ka pa ring makakita ng ad na naglalaman ng mga larawang nauugnay sa paksang nilimitahan mo. Halimbawa: puwede kang makakita ng ad ng airline na nagtatampok ng isang taong may hawak na baso ng champagne. Hindi ito isang ad para sa alak, kahit na nagpapakita ng alak ang ad.
Sa ilang sitwasyon, puwede ka pa ring mapakitaan ng ad tungkol sa isang paksang nilimitahan mo kung maghahanap ka ng impormasyon tungkol sa isa sa mga paksang iyon o kung manonood ka ng video na nauugnay sa mga paksang iyon.
Bakit hindi ako makapaglimita ng higit pang sensitibong paksa?
Sa ngayon, puwede mong limitahan ang mga ad tungkol sa: alak, pakikipag-date, pagsusugal, pagiging magulang at pagbubuntis, pati na rin ang pagbabawas ng timbang. Napili ang mga ito batay sa mabusising pananaliksik tungkol sa user tungkol sa kung anong mga paksa ang pinakasensitibo para sa mga tao. Habang patuloy kaming nagsasagawa ng pananaliksik, puwede kaming magsama ng mga karagdagang paksa sa hinaharap.
Nakakaapekto ba sa mga ad na nakikita ko sa ibang site ang mga pinipili ko sa Ang Aking Ad Center?
Ang mga pinipili mo sa Ang Aking Ad Center – tulad ng mga paksa ng mga ad na pinipili mong makakita ng mas marami o mas kaunti, at kung anong impormasyon ang ginagamit mo para magpakita sa iyo ng mga ad – ay nakakaapekto lang sa mga ad na nakikita mo sa mga serbisyo ng Google tulad ng Search at YouTube.
Makakaapekto ba sa mga ad na nakikita ko sa ibang site kung io-off ko ang mga naka-personalize na ad sa Ang Aking Ad Center?
Ang pagpapasya mong i-on o i-off ang mga naka-personalize na ad sa Ang Aking Ad Center ay nakakaapekto sa kung naka-personalize ba ang mga ad o hindi sa mga serbisyo ng Google. Nakakaapekto rin ito sa mga ad sa mga site at app ng partner na nagpapakita ng mga Google ad, depende sa mga setting ng browser o device mo. Matuto pa tungkol sa mga site at app ng partner.
Ilang paalala:
- Tandaan: Kapag na-off mo ang mga naka-personalize na ad sa Ang Aking Ad Center, ang mga setting ng mga site, app, browser, at device na ginagamit mo ay puwedeng makaapekto sa kakayahan ng Google na ilapat ang napiling ito kapag bumibisita ka sa mga site at app ng partner. Halimbawa, kung hindi sinusuportahan ng iyong browser ang third-party na cookies.
- Hindi lahat ng website ay nakikipag-partner sa Google para magpakita ng mga ad. Ang pag-on o pag-off ng mga naka-personalize na ad sa Ang Aking Ad Center ay hindi nakakaapekto sa mga uri ng mga ad mula sa iba pang kumpanya ng teknolohiya ng ad o sa mga ad nakikita mo sa mga site na gumagamit ng iba pang platform ng ad.