Araw-araw, pumupunta sa YouTube ang mga tao para magbahagi ng mga video at makipag-ugnayan sa isa't isa. Gusto naming maramdaman mong ligtas ka sa YouTube, kaya naman hinihikayat ka naming ipaalam sa amin kung lumalabag sa iyong privacy o kaligtasan ang mga video o komento sa site, gayundin kung na-record ka nang hindi mo alam sa mga pribado o maselang sitwasyon.
Nauunawaan namin na posibleng hindi ka kumportable sa lahat ng content na nagtatampok sa iyo sa YouTube, kaya ginawa namin ang prosesong ito para matulungan kang magsumite ng reklamo sa privacy. Pakitiyak na partikular kang nakikilala sa content na gusto mong iulat bago magpatuloy sa Proseso ng Pagrereklamo tungkol sa Privacy.
Para respetuhin ang privacy at alaala ng mga user na pumanaw na, isinasaalang-alang namin ang mga kahilingan mula sa mga pinakamalalapit na miyembro ng pamilya o legal na kinatawan kapag na-verify ang pagpanaw ng indibidwal.
Kung may taong kumopya ng video na iyong ginawa o content na pagmamay-ari mo, puwede kang maghain ng reklamo sa copyright. Kung sa tingin mo ay lumalabag ang content sa Mga Alituntunin ng Komunidad ng YouTube, hinihikayat ka naming alamin kung paano mag-ulat ng hindi naaangkop na content.
Makipag-ugnayan sa iyong mga lokal na awtoridad para sa higit pang tulong kung sa palagay mo ay nasa aktwal na panganib ka.
Magpatuloy