Көп арналы желілер ("MCN" немесе "желілер") – бұл аудиторияны дамыту, контентті бағдарламалау, авторлармен бірлесу, цифрлық құқықтарды басқару, монетизациялау және/немесе сату сияқты қызметтерді ұсынатын бірнеше YouTube арнасымен серіктес үшінші тарап қызмет көрсетушілері.
Көп арналы желідегі барлық арна тексеруден өтуі және YouTube монетизация саясаттарын сақтауы керек.
Серіктес және өз иесі мен басқарушысы бар арналар
Көп арналы желі YouTube-те арналардың екі түріне ие болуы мүмкін:
- Серіктес арналар өздерінің көп арналы желісі арқылы басқарылады және серіктес контент иесіне тиесілі.
- Өз иесі мен басқарушысы бар (O&O) арналар серіктеске тиесілі әрі сол серіктес арқылы басқарылады. Яғни серіктес арнаның YouTube-тегі контентін қолдануға айрықша құқық алып, күнделікті арна жұмысын (мысалы, бейнелер жүктеп салуды) белсенді түрде басқарып отырады. Серіктеске O&O арнасының жүктеп салған контентін қолдануға мерзімсіз, бүкіл әлемдік айрықша құқық берілмеген жағдайда, ол контенттің YouTube-тегі қолжетімділігін басқаруға арналған тиісті функцияларды пайдалануға жауапты болады.
Арналардың осы екі түрінің арасындағы айырмашылық YouTube-ке біздің саясаттар мен арна функцияларын нақты және әділ пайдалануға мүмкіндік береді.
Көп арналы желілер мен басқа үшінші тарап қызмет көрсетушілеріне YouTube немесе Google қолдау көрсетпейді. Дегенмен Автор қызметтерінің каталогінде YouTube сертификаты бар қызмет көрсетушілердің тізімін көруге болады.
Көп арналы желілермен жұмыс істеудің негізгі аспектілері
Көп арналы желіге қосылу – кез келген YouTube авторы үшін маңызды таңдау. Қосылмас бұрын, көп арналы желі қандай қызметтерді және/немесе нәтижелерді ұсынатынын түсініп тұрғаныңызға көз жеткізіңіз. Сондай-ақ сіз ақшаның қашан төленетінін және көп арналы желі сізге уақтылы төлемесе немесе тиесілі қаражатыңызды бермесе, қандай қорғаныс шаралары бар екенін түсініп тұрғаныңызға көз жеткізіңіз. Кейбір авторлар көп арналы желімен серіктес болуды таңдаса да, YouTube-те табысты болу үшін көп арналы желіге қосылу міндетті емес.
YouTube ресурстары барлық авторларға арналған
YouTube авторы ретінде қалай көмек алуға болатынын біліп, көп арналы желіге қосылсаңыз да, қосылмасаңыз да, сізге қолжетімді YouTube қолдау мүмкіндіктерін пайдаланыңыз.
YouTube for Creators — керемет бейнелер жасауға көмектесетін бағдарламалар, құралдар мен алдағы іс-шаралар туралы ақпарат алуға болатын ерекше орын. Сонымен қатар YouTube for Creators бонустары бағдарламасында арнаңыздың аудиториясын кеңейтуге қатысты кеңестер де беріледі.
Көп арналы желі келісімшарттары заңды күшке ие, сондықтан саналы шешім қабылдау маңызды. Бәлкім, сіз заң кеңесшісіңізбен кеңесуді жөн көруіңіз мүмкін.
Көп арналы желіге қосылмас бұрын келісімшартыңызды оқып шығып, ең болмаса келесіні түсінгеніңізге көз жеткізіңіз:
- желінің комиссиясы;
- арнаңызға ұсынылатын арнайы қызметтер мен қолдау деңгейі;
- желі алдындағы міндеттемелеріңіз;
- келісімшартыңыздың мерзімі;
- келісімшартты бұзу жолы.
Көп арналы желіге қосылғанда, барлық табыс көп арналы желіңіздің AdSense for YouTube аккаунты арқылы өтеді және көп арналы желі YouTube Analytics кіріс деректеріне қол жеткізе алады.
Көп арналы желіге қосылу Қызмет көрсету шарттарында көрсетілген YouTube табыс үлесіне әсер етпейді. Әдетте көп арналы желілер автор табысының бір бөлігін оған төлемей тұрып алады.
Сонымен қатар кейбір көп арналы желілер арнаңыздың жалпы пайдасын арттыруға көмектесетін брендтік демеушіліктер немесе арнайы сату топтары сияқты қосымша табыс табу мүмкіндіктерін ұсынады. Егер желі сізге осы қызметтерді ұсынса, олардың келісімшартта көрсетілгеніне көз жеткізгеніңіз жөн.
Серіктес авторлар өз арнасымен байланыстырылған AdSense for YouTube аккаунтында жарнамаларды бақылай алады. Бірақ бұл мүмкіндікті шектен тыс пайдалануға болмайды. Жарнамаларға рұқсат ету және оларды блоктау туралы толық ақпарат алыңыз.
Көп арналы желі арнаңыздағы авторлық құқық шағымдарын, ескертулерді немесе жою туралы сұрауларды түсінуге немесе шешуге көмектессе де, көп арналы желі олардың алдын ала алмайды. YouTube-тің қауымдастық қағидаларын немесе авторлық құқық саясатын бұзғаны (мысалы, өздеріне тиесілі емес контентті жүктеп салғаны) белгілі болған арналар көп арналы желіге қатысы бар-жоғына қарамастан ескертулер мен басқа да жазалар алады.
Арнаңызды ескертулер мен жою туралы сұраулардан қалай сақтау керектігін Саясат және қауіпсіздік орталығында және YouTube авторлық құқық орталығында біле аласыз.
Егер сіз серіктес автор болсаңыз және көп арналы желімен жасалған келісімшартыңыз бойынша осылай істеуге құқығыңыз болса, арнаңыздан көп арналы желінің рұқсатын өшіру туралы сұрау жібере аласыз.
Көп арналы желілерге қатысты кеңестер
Барлық көп арналы желілер өз авторларына пайда әкелуге тырысып, YouTube-тің үздік кеңестеріне құлақ асады, соның ішінде:
- Көп арналы желіге қатысу үшін арналарды шақырған кезде спамдық, жаңылыстыратын сөздерді пайдаланбау.
- Келісімшартта көрсетілетін қызметтер мен қолдау деңгейлерін нақты түсіндіру.
- Ұсынылған қызметтерге және келісімшарттық міндеттемелерге қатысты адал және ашық әрекет ету.
- Арналарды келісімшарттарға сәйкес қосу және босату.
Егер көп арналы желі осы кеңестерге құлақ аспаса, олар аккаунт функциялары мен монетизациядан айырылуы мүмкін. Көп арналы желі YouTube саясаттарына сәйкес келмейді деп ойласаңыз, авторларға қолдау көрсету ұжымына хабарласыңыз.