ເບິ່ງໜັງ ຫຼື ລາຍການທີ່ຊື້ຢູ່ YouTube

ເມື່ອທ່ານ ຊື້ ຫຼື ເຊົ່າ ໜັງ ແລະ ລາຍການໂທລະທັດຢູ່ YouTube ແລ້ວ, ທ່ານຈະສາມາດເບິ່ງໜັງ ແລະ ລາຍການໂທລະທັດເຫຼົ່ານັ້ນໄດ້ຢູ່ ຄອມພິວເຕີ, ອຸປະກອນມືຖື,  ສະມາດທີວີ, ອຸປະກອນການສະຕຣີມ ຫຼື ເຄື່ອງຫຼິ້ນເກມ. ເພື່ອເຂົ້າເຖິງລາຍການທີ່ທ່ານຊື້, ກະລຸນາກວດສອບໃຫ້ໝັ້ນໃຈວ່າທ່ານເຂົ້າສູ່ລະບົບບັນຊີ Google ຂອງທ່ານແລ້ວ. ທ່ານສາມາດເບິ່ງລາຍການທີ່ທ່ານເຊົ່າໄດ້ພາຍໃນໄລຍະເວລາຂອງການເຊົ່າຫຼັງຈາກທີ່ທ່ານເລີ່ມເບິ່ງເປັນເທື່ອທຳອິດ. ແຕ່ສາມາດເບິ່ງລາຍການທີ່ຊື້ໄດ້ໂດຍບໍ່ມີກຳນົດສິ້ນສຸດ. ເບິ່ງ ກົດລະບຽບການນຳໃຊ້ ຂອງພວກເຮົາສຳລັບຂໍ້ມູນເພີ່ມເຕີມ.

ຜູ້ຊົມໃນສະຫະລັດອາເມລິກາ, ເຢຍລະມັນ, ຝຣັ່ງ, ອອສເຕຣເລຍ ແລະ ສະຫະລາຊະອານາຈັກ: ຫາກທ່ານໄດ້ ສະໝັກໃຊ້ບໍລິການຂອງ Primetime Channel ຢູ່ YouTube, ທ່ານຈະເຫັນລາຍການຕ່າງໆໃນວິດີໂອແນະນຳຂອງທ່ານຢູ່ໜ້າຫຼັກ ແລະ ໃນຜົນການຊອກຫາໃນ YouTube ຂອງທ່ານ. ນອກຈາກນັ້ນ, ທ່ານຍັງສາມາດ ເບິ່ງການສະໝັກໃຊ້ບໍລິການທີ່ຊື້ຂອງທ່ານ ໄດ້ໂດຍກົງນຳ.

ໝາຍເຫດ: ບາງວິດີໂອມີລະດັບຄຸນນະພາບເພີ່ມເຕີມໃຫ້ບໍລິການໃນລາຄາທີ່ຕ່າງກັນ. ການຫຼິ້ນແບບ HD ແລະ UHD ແມ່ນສາມາດນຳໃຊ້ໄດ້ໃນອຸປະກອນບາງເຄື່ອງ ແລະ ຄວາມໄວອິນເຕີເນັດທີ່ຮອງຮັບເທົ່ານັ້ນ. ເບິ່ງຂໍ້ມູນເພີ່ມເຕີມໄດ້ຢູ່ ຂໍ້ກຳນົດຂອງອຸປະກອນ HD/UHD.

ຮັບຊົມຢູ່ຄອມພິວເຕີ

ເພື່ອເຂົ້າເຖິງໜັງ ແລະ ລາຍການໂທລະທັດທີ່ຊື້ແລ້ວຢູ່ຄອມພິວເຕີ, ໃຫ້ເຂົ້າສູ່ລະບົບຫາ YouTube ແລ້ວເລືອກ “ໜັງ ແລະ ໂທລະທັດຂອງທ່ານ” ຢູ່ເມນູເບື້ອງຊ້າຍ. ຈາກບ່ອນນັ້ນ, ໃຫ້ເລືອກ “ຊື້ແລ້ວ” ເພື່ອເບິ່ງໜັງ ແລະ ລາຍການໂທລະທັດທີ່ທ່ານຊື້ແລ້ວ.

ທ່ານສາມາດເບິ່ງໜັງ ແລະ ລາຍການທີ່ທ່ານເຊົ່າ ຫຼື ຊື້ຢູ່ໂປຣແກຣມທ່ອງເວັບທີ່ຮອງຮັບການຫຼິ້ນ HTML5. ກວດເບິ່ງວ່າ ໂປຣແກຣມທ່ອງເວັບໃດ ໃຊ້ໄດ້ກັບໜັງ ແລະ ລາຍການຕ່າງໆຢູ່ YouTube.

ຮັບຊົມຢູ່ອຸປະກອນມືຖື

ທ່ານສາມາດເບິ່ງໜັງ ແລະ ລາຍການທີ່ເຊົ່າ ແລະ ຊື້ໄດ້ຢູ່ສະມາດໂຟນ ແລະ ແທັບເລັດບາງຮຸ່ນໂດຍການໃຊ້ແອັບ YouTube ສຳລັບມືຖືຢູ່ອຸປະກອນຂອງທ່ານ.

ທ່ານສາມາດຊອກຫາວິດີໂອທັງໝົດທີ່ທ່ານຊື້ແລ້ວໄດ້ໂດຍການແຕະຮູບໂປຣໄຟລ໌ຂອງທ່ານ, ແລ້ວຈາກນັ້ນເຂົ້າໄປ "ໜັງ ແລະ ໂທລະທັດຂອງທ່ານ".

ໝາຍເຫດ:

• ທ່ານສາມາດຊື້ເນື້ອຫາຢູ່ອຸປະກອນ iOS ຂອງທ່ານໄດ້ສະເພາະໃນບາງສະຖານທີ່ເທົ່ານັ້ນ. ເພື່ອເບິ່ງວ່າສະຖານທີ່ຂອງທ່ານຮອງຮັບການຊື້ຜ່ານ iOS ຫຼືບໍ່, ກະລຸນາ ກວດສອບຢູ່ບ່ອນນີ້.
• ຫາກສະຖານທີ່ຂອງທ່ານບໍ່ຮອງຮັບການຊື້ຜ່ານ iOS, ທ່ານຈະຍັງສາມາດຊື້ໜັງ ແລະ ລາຍການໂທລະທັດໄດ້ຢູ່ອຸປະກອນອື່ນ. ຫຼັງຈາກຊື້ແລ້ວ, ທ່ານສາມາດເບິ່ງເນື້ອຫາຢູ່ອຸປະກອນ iOS ຂອງທ່ານໄດ້.
• ລະບົບຈະຮຽກເກັບເງິນຈາກການຊື້ໜັງ ແລະ ລາຍການບາງຢ່າງໃນແອັບ YouTube ສຳລັບ Android ຜ່ານທາງ Google Play. ການດຳເນີນການນີ້ຈະບໍ່ສົ່ງຜົນກະທົບຕໍ່ລາຄາ ຫຼື ຄ່າໃຊ້ຈ່າຍ. ນອກຈາກນີ້, ທ່ານຍັງສາມາດ ຮ້ອງຂໍການຄືນເງິນ ໄດ້ນຳ.

ຮັບຊົມໂດຍໃຊ້ Chromecast

ຫາກທ່ານມີ Chromecast, ທ່ານສາມາດໃຊ້ມັນເພື່ອເບິ່ງໜັງ ແລະ ລາຍການທີ່ເຊົ່າ ແລະ ຊື້ຢູ່ YouTube ໄດ້ຢູ່ໂທລະທັດຂອງທ່ານ. ເລີ່ມຕົ້ນໂດຍການເປີດແອັບ YouTube ຢູ່ອຸປະກອນມືຖືຂອງທ່ານ ແລະ ກວດສອບໃຫ້ແນ່ໃຈວ່າທ່ານເຂົ້າສູ່ລະບົບບັນຊີ Google ຂອງທ່ານແລ້ວ. ຫຼັງຈາກທີ່ທ່ານສຳເລັດສິ່ງດັ່ງກ່າວແລ້ວ:

1. ໃຫ້ເລືອກວິດີໂອ YouTube ທີ່ທ່ານຕ້ອງການເບິ່ງ.
2. ເພື່ອສົ່ງສັນຍານວິດີໂອດັ່ງກ່າວໄປຫາໂທລະທັດຂອງທ່ານ, ໃຫ້ຄລິກ ສົ່ງສັນຍານ .

ນອກຈາກນັ້ນ, ທ່ານຍັງສາມາດສົ່ງສັນຍານຈາກໂປຣແກຣມທ່ອງເວັບ Chrome ຂອງທ່ານໄດ້ໂດຍການປະຕິບັດຕາມຂັ້ນຕອນທີ່ລະບຸໄວ້ໃນ ບົດຄວາມນີ້.

ສຳລັບຄຳຖາມທົ່ວໄປກ່ຽວກັບການໃຊ້ Chromecast, ກະລຸນາເຂົ້າໄປ ສູນຊ່ວຍເຫຼືອ Chromecast.

ຮັບຊົມຢູ່ສະມາດທີວີ ຫຼື ອຸປະກອນສະຕຣີມອື່ນໆ

ນອກຈາກນັ້ນ, ທ່ານຍັງສາມາດເຂົ້າເຖິງໜັງ ແລະ ລາຍການໂທລະທັດທີ່ຊື້ໄດ້ຢູ່ແອັບ YouTube ສຳລັບສະມາດທີວີ, Apple TV, Android TV, Fire TV ແລະ Roku.

ເບິ່ງໜັງ ແລະ ລາຍການທີ່ທ່ານຊື້ແລ້ວຢູ່ YouTube ໄດ້ໂດຍການເຂົ້າສູ່ລະບົບຫາແອັບ YouTube. ເຂົ້າໄປ "ໜັງ ແລະ ລາຍການຂອງທ່ານ" ໃນແຖບຫ້ອງສະໝຸດເພື່ອເບິ່ງເນື້ອຫາທັງໝົດຂອງທ່ານ. ກະລຸນາກວດສອບໃຫ້ແນ່ໃຈວ່າທ່ານໄດ້ຕິດຕັ້ງແອັບ YouTube ເວີຊັນຫຼ້າສຸດຢູ່ອຸປະກອນຂອງທ່ານແລ້ວ.

ນອກຈາກນັ້ນ, ໜັງ ແລະ ລາຍການທີ່ເຊົ່າ ແລະ ຊື້ຍັງສາມາດສົ່ງສັນຍານໄປຫາ Android TV ໄດ້ໂດຍການໃຊ້ປຸ່ມສົ່ງສັນຍານ  ຢູ່ໂທລະສັບ, ແທັບເລັດ ຫຼື ຄອມພິວເຕີຂອງທ່ານ.

ເບິ່ງຢູ່ເຄື່ອງຫຼິ້ນເກມ

ທ່ານສາມາດເບິ່ງໜັງ ແລະ ລາຍການໂທລະທັດທີ່ຊື້ຢູ່ YouTube ໄດ້ໂດຍການໃຊ້ອຸປະກອນ Xbox One, Xbox 360, Playstation 3, Playstation 4, Wii U ແລະ Nintendo Switch.

ເພື່ອເບິ່ງໜັງ ຫຼື ລາຍການໂທລະທັດທີ່ທ່ານຊື້ແລ້ວ, ໃຫ້ເຂົ້າສູ່ລະບົບຫາແອັບ YouTube, ຈາກນັ້ນເຂົ້າໄປແຖບຫ້ອງສະໝຸດ   “ໜັງ ແລະ ລາຍການຂອງທ່ານ." ຈາກບ່ອນນັ້ນ, ໃຫ້ເລືອກ “ຊື້ແລ້ວ” ເພື່ອເບິ່ງໜັງ ແລະ ລາຍການໂທລະທັດທີ່ທ່ານຊື້ແລ້ວ.

ທ່ານບໍ່ສາມາດຊື້ໜັງ ຫຼື ລາຍການໂທລະທັດຢູ່ເຄື່ອງຫຼິ້ນເກມໄດ້. ທ່ານສາມາດຊື້ໜັງ ຫຼື ລາຍການໂທລະທັດຢູ່ອຸປະກອນອື່ນ ແລ້ວຈາກນັ້ນຮັບຊົມຢູ່ເຄື່ອງຫຼິ້ນເກມຂອງທ່ານໄດ້ໂດຍການປະຕິບັດຕາມຄຳແນະນຳຂ້າງເທິງ.