Með fjölsýn í YouTube TV geturðu horft samtímis á einum skjá á allt að fjögur fyrirfram skilgreind beinstreymi án þess að skipta á milli rása.
Svona horfirðu á íþróttir á YouTube TV
Fáðu áskrift að YouTube-áhorfendarásinni til að fá nýjustu fréttir, tilkynningar og ábendingar.
- Þú getur séð 2–4 streymi í einu, eftir því hvenær dagskrárliðirnir hefjast og hvenær þeim lýkur.
- Fjölsýn er eins og er eingöngu í boði fyrir YouTube TV í snjallsjónvörpum og streymisspilurum.
- Fjölsýn er ekki enn í boði fyrir áhorf í vafra eða snjalltækjum.
Opnaðu fjölsýn til að horfa á margar rásir í einu
Þú getur valið forstillt fjölstreymi á nokkra vegu í YouTube TV-forritinu í snjallsjónvarpinu þínu:
- Á heimaflipanum finnurðu möguleg fjölstreymi á röðunum „Valið fyrir þig“ eða „Horfa á í fjölsýn“. Veldu það fjölstreymi sem þú vilt horfa á.
- Opnaðu valmöguleikana með því að velja fyrst leik í beinni á flipanum Heim, Í beinni eða Leit. Ef leikurinn er í boði í fjölsýn geturðu valið Horfa á í fjölsýn.
Til að loka fjölstreymi ýtirðu á bakkhnappinn.
Skipta um hljóðrás þegar horft er á fjölsýn
Þú getur auðveldlega skipt á milli hljóðrása og skjátexta þegar þú horfir á nokkrar beinar útsendingar í einu. Þú notar örvarnar á fjarstýringunni til að velja á hvaða sendingu þú vilt hlusta. Þú sérð hvítan ramman í kringum sendinguna sem hljóðið er frá.
Nota allan skjáinn
Þegar þú horfir á fjölsýn geturðu hvenær sem er valið að horfa bara á eina rás á öllum skjánum. Til að horfa á öllum skjánum:
- Notaðu örvarnar á fjarstýringunni til að velja þá sendingu sem þú vilt að fylli skjáinn.
- Ýttu á hnappinn Velja á fjarstýringunni til að sjá leikinn á öllum skjánum.
- Ýttu á bakkhnappinn á fjarstýringunni til að fara aftur í fjölsýnina.
Stjórna áhorfsferli fyrir fjölsýn
Finndu vídeó sem þú hefur horft á í fjölsýn í YouTube TV-áhorfsferlinum þínum. Þú getur stýrt eða eytt stökum vídeóum sem þú hefur horft á. Til að eyða heilli fjölsýn skaltu eyða öllum vídeóunum í henni.
Svona eyðirðu áhorfsferlinum þínum.
Horfa á NFL Sunday Ticket í fjölsýn
NFL Sunday Ticket-áskrifendur geta á hverjum sunnudegi valið úr miklum fjölda fjölstreyma frá því um það bil 30 mínútum áður en leikir hefjast.
- NFL RedZone: Ef þú ert með áskrift að NFL Sunday Ticket með NFL RedZone munu valmöguleikarnir fyrir fjölsýn innihalda bæði leiki utan markaðar og RedZone.
- Leikir á þínu svæði: Með grunnáskrift að YouTube TV munu fjölsýnisvalmöguleikarnir innihalda samsetningar með NFL-leikjum á þínu svæði með völdum NFL Sunday Ticket-leikjum. Samsetningarnar eru forvaldir með reikniriti fyrir þitt svæði.
Þú getur fundið NFL-leiki í fjölsýn á YouTube TV á nokkra vegu:
- Efst á heimaflipanum í röðinni „Valið fyrir þig“
- Neðar á heimaflipanum í röðinni “Horfa á í fjölsýn”
- Byrjaðu að horfa á NFL-leik eða RedZone. Ýttu niður á fjarstýringunni til að sjá hvaða möguleikar eru í boði fyrir fjölsýn fyrir leikinn sem þú ert að horfa á.
Get ég valið hvað ég vil horfa í fjölsýn?
Nei. Takmarkið er að bjóða öllum sem eiga sjónvarp upp á fjölsýn. Öll tæki eru ekki með nauðsynlegan vélbúnað til að gera fjölsýn mögulega og þess vegna verðum við að vinna úr vídeóstraumum á eigin þjónum til að bjóða upp á fjölsýn.
Það þýðir að hver samsetning sem horft er á í fjölsýn notar afmörkuð gagnavers- og tölvunarúrræði. Þar sem hvert landsvæði býður upp á einstakt, staðbundið efni er takmarkað hversu margar samsetningar við getum búið til með staðbundnum straumum. Við reynum að búa til bestu samsetningarnar út frá væntanlegum vinsældum og erum sífellt að bæta vinnuferlana okkar.
Þegar mörg streymi eru í boði í fjölsýn geturðu þó valið Búa til fjölsýn til að auðvelda leitina að þeirri samsetningu sem þú helst kýst.