ທ່ານສາມາດເຂົ້າສູ່ລະບົບຫາແອັບ YouTube Kids ເພື່ອບລັອກຊ່ອງ ແລະ ວິດີໂອ ຫຼື ປ່ຽນການຕັ້ງຄ່າຄຸນນະພາບວິດີໂອໄດ້. ນອກນັ້ນ, ທ່ານຍັງສາມາດເຂົ້າສູ່ລະບົບ YouTube ໂດຍໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວເພື່ອ:
- ບລັອກເນື້ອຫາຈາກໂປຣໄຟລ໌ YouTube Kids ຂອງລູກທ່ານ.
- ແບ່ງປັນເນື້ອຫາຈາກ YouTube ໄປຫາໂປຣໄຟລ໌ YouTube Kids ຂອງລູກທ່ານ.
ແບ່ງປັນຊ່ອງ ແລະ ວິດີໂອ
ທ່ານສາມາດແບ່ງປັນຊ່ອງ ແລະ ວິດີໂອຈາກແອັບ YouTube ໄປຫາບັນຊີ YouTube Kids ຂອງລູກທ່ານໄດ້. ການແບ່ງປັນວິດີໂອຈາກແອັບ YouTube ຈະເຮັດໃຫ້ລູກຂອງທ່ານສາມາດເບິ່ງວິດີໂອທີ່ປົກກະຕິເບິ່ງບໍ່ໄດ້ຢູ່ YouTube Kids. ນອກຈາກນັ້ນ, ການແບ່ງປັນຍັງເປັນເຄື່ອງມືທີ່ດີເລີດສຳລັບການໄຮໄລ້ເນື້ອຫາທີ່ທ່ານຕ້ອງການໃຫ້ລູກຂອງທ່ານເບິ່ງນຳ. ເນື້ອຫາທີ່ແບ່ງປັນຈະຍັງຄົງຢູ່ໃນໂຮມສະກຣີນຂອງລູກທ່ານຈົນກວ່າຈະເຊົາແບ່ງປັນ ຫຼື ຖືກບລັອກ.
ແບ່ງປັນເນື້ອຫາຈາກ YouTube ໄປຫາປະສົບການໃນການໃຊ້ YouTube Kids ຂອງລູກຂອງທ່ານ
ຕິດຕາມ ຊ່ອງຜູ້ຊົມ YouTube ສຳລັບຂ່າວຫຼ້າສຸດ, ຂໍ້ມູນອັບເດດ ແລະ ເຄັດລັບຕ່າງໆ.
ແບ່ງປັນເນື້ອຫາຈາກ YouTube ໂດຍໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ
ເພື່ອແບ່ງປັນເນື້ອຫາຈາກແອັບ YouTube ໃຫ້ເຮັດດັ່ງນີ້:
- ແຕະເພີ່ມເຕີມ ຢູ່ຂ້າງວິດີໂອ ຫຼື ໜ້າເວັບຊ່ອງໃດກໍຕາມທີ່ທ່ານຕ້ອງການແບ່ງປັນ ຫຼື ແຕະ ແບ່ງປັນ ຢູ່ລຸ່ມຕົວຫຼິ້ນວິດີໂອ.
- ໃນກ່ອງໂຕ້ຕອບ, ໃຫ້ແຕະ ແບ່ງປັນໃຫ້ກັບເດັກນ້ອຍ. ຕົວເລືອກນີ້ຈະປາກົດຂຶ້ນສະເພາະໃນກໍລະນີທີ່ບັນຊີຂອງທ່ານລິ້ງຢູ່ກັບໂປຣໄຟລ໌ YouTube Kids ຫຼື ບັນຊີ Google ທີ່ມີການເບິ່ງແຍງກວດກາເທົ່ານັ້ນ.
- ແຕະປຸ່ມ ແບ່ງປັນ ຢູ່ຂ້າງໂປຣໄຟລ໌ທີ່ທ່ານຕ້ອງການແບ່ງປັນວິດີໂອໃຫ້. ເມື່ອທ່ານແຕະ ແບ່ງປັນ, ປຸ່ມຈະປ່ຽນເປັນ ເຊົາແບ່ງປັນ.
- ແຕະ ແລ້ວໆ.
ລູກຂອງທ່ານສາມາດເບິ່ງເນື້ອຫາທີ່ແບ່ງປັນໄດ້ໃນແຖບ ແບ່ງປັນແລ້ວ ຢູ່ໂຮມສະກຣີນຂອງ YouTube Kids.
ມີວິດີໂອ ຫຼື ຊ່ອງບາງລາຍການທີ່ທ່ານບໍ່ສາມາດແບ່ງປັນໃຫ້ບັນຊີຂອງລູກທ່ານໄດ້ດັ່ງນີ້:
- ວິດີໂອທີ່ມີ ການຈຳກັດອາຍຸ.
- ວິດີໂອທີ່ມີການສະແດງຜະລິດຕະພັນແບບເສຍເງິນ.
- ວິດີໂອສົດ (ຈະແບ່ງປັນໄດ້ເມື່ອການຖ່າຍທອດສົດສິ້ນສຸດລົງ).
- ເນື້ອຫາທີ່ຊື້.
- ວິດີໂອ ແລະ ຊ່ອງທີ່ທ່ານເຄີຍບລັອກໄວ້ໃນ YouTube Kids ສຳລັບລູກຄົນດັ່ງກ່າວ.
- Shorts.
ເຊົາແບ່ງປັນເນື້ອຫາທີ່ທ່ານເຄີຍແບ່ງປັນໃຫ້ກັບລູກຂອງທ່ານ
- ເຂົ້າສູ່ລະບົບ YouTube Kids.
- ຄລິກ ຫຼື ແຕະໃສ່ແຖບ ແບ່ງປັນແລ້ວ. ແຖບນີ້ຈະສະແດງເນື້ອຫາທີ່ທ່ານໄດ້ແບ່ງປັນໃຫ້ກັບລູກຂອງທ່ານ.
- ແຕະເພີ່ມເຕີມ ຂ້າງວິດີໂອທີ່ແບ່ງປັນ.
- ແຕະ ລຶບອອກຈາກແບ່ງປັນແລ້ວ.
ຫຼື
- ເຂົ້າສູ່ລະບົບແອັບ YouTube.
- ເຂົ້າໄປຊ່ອງ ຫຼື ວິດີໂອສະເພາະທີ່ທ່ານເຄີຍແບ່ງປັນໃຫ້ກັບລູກຂອງທ່ານ.
- ແຕະເພີ່ມເຕີມ ຂ້າງວິດີໂອ ຫຼື ຊ່ອງ ຫຼື
- ຢູ່ລຸ່ມຕົວຫຼິ້ນວິດີໂອ, ໃຫ້ແຕະ ແບ່ງປັນ .
- ໃນກ່ອງໂຕ້ຕອບ, ໃຫ້ແຕະ ແບ່ງປັນໃຫ້ກັບເດັກນ້ອຍ. ຕົວເລືອກນີ້ຈະປາກົດຂຶ້ນສະເພາະໃນກໍລະນີທີ່ບັນຊີຂອງທ່ານລິ້ງຢູ່ກັບໂປຣໄຟລ໌ YouTube Kids ຫຼື ບັນຊີ Google ທີ່ມີການເບິ່ງແຍງກວດກາເທົ່ານັ້ນ.
- ແຕະປຸ່ມ ເຊົາແບ່ງປັນ ຂ້າງຊື່ລູກທີ່ທ່ານຕ້ອງການເຊົາແບ່ງປັນວິດີໂອໃຫ້.
- ເມື່ອປຸ່ມປ່ຽນເປັນ “ແບ່ງປັນ” ທ່ານສາມາດແຕະ ແລ້ວໆ ເພື່ອອອກຈາກກ່ອງໂຕ້ຕອບໄດ້.
ເພື່ອລຶບລ້າງເນື້ອຫາທັງໝົດທີ່ທ່ານເຄີຍແບ່ງປັນໄປຫາ YouTube Kids ໃຫ້ກັບລູກຂອງທ່ານ:
- ເຂົ້າສູ່ລະບົບ YouTube Kids.
- ແຕະ ການຕັ້ງຄ່າຂອງຜູ້ປົກຄອງ.
- ແຕະໂປຣໄຟລ໌ຂອງລູກທ່ານ.
- ຢູ່ລຸ່ມ "ລຶບລ້າງເນື້ອຫາທີ່ແບ່ງປັນ", ໃຫ້ແຕະ ລຶບລ້າງລາຍການທີ່ແບ່ງປັນ.
ບລັອກຊ່ອງ ແລະ ວິດີໂອ
ເມື່ອທ່ານບລັອກຊ່ອງສຳລັບໂປຣໄຟລ໌ YouTube Kids ຂອງລູກທ່ານໂດຍໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ, ທ່ານຈະບໍ່ພົບເຫັນຊ່ອງດັ່ງກ່າວໃນ YouTube Kids. ນອກຈາກນັ້ນ, ທ່ານຍັງສາມາດບລັອກວິດີໂອ ຫຼື ຊ່ອງໃດໜຶ່ງໄດ້ໂດຍກົງຢູ່ YouTube Kids ນຳ. ຫາກທ່ານພະຍາຍາມບລັອກວິດີໂອໃດໜຶ່ງໃນເວລາທີ່ອອກຈາກລະບົບຢູ່, ຂໍ້ຄວາມຈະປາກົດຂຶ້ນມາເພື່ອຖາມໃຫ້ທ່ານເຂົ້າສູ່ລະບົບ.
ການບລັອກຊ່ອງ YouTube ໃນບັນຊີທີ່ມີການເບິ່ງແຍງກວດກາ
ຫາກທ່ານປ່ຽນໃຈກ່ຽວກັບວິດີໂອ ຫຼື ຊ່ອງໃດໜຶ່ງທີ່ທ່ານບລັອກໄວ້, ທ່ານສາມາດປົດບລັອກມັນໄດ້. ຫາກທ່ານອອກຈາກລະບົບ YouTube Kids, ເນື້ອຫາໃດກໍຕາມທີ່ທ່ານໄດ້ບລັອກໃນຂະນະທີ່ເຂົ້າສູ່ລະບົບກໍຈະຍັງສາມາດເບິ່ງໄດ້ເມື່ອທ່ານອອກຈາກລະບົບ.
ນອກຈາກນັ້ນ, ທ່ານຍັງສາມາດ ລາຍງານວິດີໂອ ທີ່ທ່ານພົບວ່າບໍ່ເໝາະສົມໃນ YouTube Kids ໄດ້. ໂດຍທີມນະໂຍບາຍຂອງ YouTube ຈະເປັນຜູ້ກວດສອບວິດີໂອດັ່ງກ່າວ.
ໝາຍເຫດ:
- ຫາກລູກຂອງທ່ານໃຊ້ບັນຊີ Google ດຽວກັນສຳລັບ YouTube ແລະ YouTube Kids, ຊ່ອງໃດກໍຕາມທີ່ຖືກບລັອກຢູ່ YouTube ຍັງຈະຖືກບລັອກຢູ່ YouTube Kids ນຳ.
- ການບລັອກຊ່ອງຈະບລັອກສະເພາະເນື້ອຫາທີ່ອັບໂຫຼດໄປຫາຊ່ອງສະເພາະດັ່ງກ່າວເທົ່ານັ້ນ. ແຕ່ມັນຈະບໍ່ບລັອກວິດີໂອທີ່ມີການອັບໂຫຼດຊ້ຳຢູ່ຊ່ອງອື່ນໆ ຫຼື ຊ່ອງທີ່ຄ້າຍຄືກັນເຊິ່ງມີເນື້ອຫາກ່ຽວຂ້ອງກັນ.
ບລັອກຊ່ອງສະເພາະຈາກ YouTube ໂດຍໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ
ເພື່ອບລັອກຊ່ອງສະເພາະໃດໜຶ່ງຈາກ YouTube ຢູ່ຄອມພິວເຕີຂອງທ່ານ ໃຫ້ເຮັດດັ່ງນີ້:
- ເຂົ້າໄປໜ້າເວັບຊ່ອງສຳລັບຊ່ອງ YouTube ທີ່ທ່ານຕ້ອງການບລັອກ.
- ເຂົ້າໄປແຖບ ກ່ຽວກັບ ໃນໜ້າເວັບຊ່ອງ.
- ຄລິກລາຍງານຜູ້ໃຊ້ .
- ເລືອກ ບລັອກຊ່ອງສຳລັບເດັກນ້ອຍ. ຕົວເລືອກນີ້ຈະປາກົດຂຶ້ນກໍຕໍ່ເມື່ອທ່ານໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ.
- ປັອບອັບອາດປາກົດຂຶ້ນເພື່ອແຈ້ງເຕືອນທ່ານວ່າວິດີໂອທີ່ຄ້າຍຄືກັນອາດຍັງຄົງສະແດງຢູ່ໃນຊ່ອງອື່ນໆ. ຄລິກ ສືບຕໍ່.
- ເລືອກ ບລັອກ ຂ້າງຊື່ລູກທີ່ທ່ານຕ້ອງການບລັອກຊ່ອງນີ້ໃຫ້.
- ບລັອກ ຈະປ່ຽນເປັນ ຍົກເລີກການບລັອກ ເພື່ອໃຫ້ທ່ານມີຕົວເລືອກໃນການຍົກເລີກການດຳເນີນການ.
- ຄລິກ ແລ້ວໆ.
ເພື່ອບລັອກຊ່ອງສະເພາະໃດໜຶ່ງຈາກແອັບ YouTube ໃຫ້ເຮັດດັ່ງນີ້:
- ເຂົ້າໄປໜ້າເວັບຊ່ອງສຳລັບຊ່ອງ YouTube ທີ່ທ່ານຕ້ອງການບລັອກ.
- ແຕະເພີ່ມເຕີມ .
- ແຕະ ບລັອກຊ່ອງສຳລັບເດັກນ້ອຍ. ຕົວເລືອກນີ້ຈະປາກົດຂຶ້ນກໍຕໍ່ເມື່ອທ່ານໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ.
- ປັອບອັບອາດປາກົດຂຶ້ນເພື່ອແຈ້ງເຕືອນທ່ານວ່າວິດີໂອທີ່ຄ້າຍຄືກັນອາດຍັງຄົງສະແດງຢູ່ໃນຊ່ອງອື່ນໆ. ແຕະ ສືບຕໍ່.
- ແຕະ ບລັອກ ຂ້າງຊື່ລູກທີ່ທ່ານຕ້ອງການບລັອກຊ່ອງນີ້ໃຫ້.
- ບລັອກ ຈະປ່ຽນເປັນ ຍົກເລີກການບລັອກ ເພື່ອໃຫ້ທ່ານມີຕົວເລືອກໃນການຍົກເລີກການດຳເນີນການ.
- ແຕະ ແລ້ວໆ .
ນອກຈາກນັ້ນ, ທ່ານຍັງສາມາດ ບລັອກເນື້ອຫາໂດຍກົງໃນ YouTube Kids ຢູ່ອຸປະກອນຂອງລູກທ່ານ ໄດ້ນຳ.
ບລັອກເນື້ອຫາຈາກແອັບ YouTube Kids
- ເຂົ້າສູ່ລະບົບແອັບ YouTube Kids.
- ແຕະເພີ່ມເຕີມ ຖັດຈາກວິດີໂອ.
- ແຕະ ບລັອກວິດີໂອນີ້ .
- ໃສ່ຕົວເລກທີ່ສະແດງຢູ່ໜ້າຈໍ ຫຼື ໃສ່ລະຫັດທີ່ກຳນົດເອງຂອງທ່ານ.
ເພື່ອບລັອກວິດີໂອໃດໜຶ່ງຈາກໜ້າເບິ່ງ:
- ເຂົ້າສູ່ລະບົບຫາແອັບ YouTube Kids.
- ແຕະເພີ່ມເຕີມ ຢູ່ເທິງສຸດຂອງວິດີໂອ.
- ແຕະ ບລັອກ.
- ໃນກ່ອງໂຕ້ຕອບທີ່ປາກົດຂຶ້ນ, ໃຫ້ເລືອກ ບລັອກວິດີໂອນີ້ ເທົ່ານັ້ນ ຫຼື ເລືອກ ບລັອກທັງຊ່ອງ ເພື່ອບລັອກຊ່ອງທີ່ເຊື່ອມໂຍງກັບວິດີໂອດັ່ງກ່າວ.
- ແຕະ ບລັອກ.
- ໃສ່ຕົວເລກທີ່ສະແດງຢູ່ໜ້າຈໍ ຫຼື ໃສ່ລະຫັດທີ່ກຳນົດເອງຂອງທ່ານ.
ຍົກເລີກການບລັອກຊ່ອງແຕ່ລະລາຍການຈາກ YouTube ໂດຍໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ
ຍົກເລີກການບລັອກຊ່ອງແຕ່ລະລາຍການຈາກ YouTube ໂດຍໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວດັ່ງນີ້:
ຢູ່ຄອມພິວເຕີ ໃຫ້ເຮັດດັ່ງນີ້:
- ເຂົ້າໄປໜ້າເວັບຊ່ອງສຳລັບຊ່ອງ YouTube ທີ່ທ່ານຕ້ອງການຍົກເລີກການບລັອກ.
- ເຂົ້າໄປແຖບ ກ່ຽວກັບ ໃນໜ້າເວັບຊ່ອງ.
- ຄລິກລາຍງານຜູ້ໃຊ້ .
- ເລືອກ ບລັອກຊ່ອງສຳລັບເດັກນ້ອຍ. ຕົວເລືອກນີ້ຈະປາກົດຂຶ້ນກໍຕໍ່ເມື່ອທ່ານໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ.
- ປັອບອັບອາດປາກົດຂຶ້ນເພື່ອແຈ້ງເຕືອນທ່ານວ່າວິດີໂອທີ່ຄ້າຍຄືກັນອາດຍັງຄົງສະແດງຢູ່ໃນຊ່ອງອື່ນໆ. ຄລິກ ສືບຕໍ່.
- ເລືອກ ຍົກເລີກການບລັອກ ຂ້າງຊື່ລູກທີ່ທ່ານຕ້ອງການຍົກເລີກການບລັອກຊ່ອງນີ້ໃຫ້.
- ຍົກເລີກການບລັອກ ຈະປ່ຽນເປັນ ບລັອກ ເພື່ອໃຫ້ທ່ານມີຕົວເລືອກໃນການຍົກເລີກການດຳເນີນການ.
- ຄລິກ ແລ້ວໆ.
ໃນແອັບ YouTube ໃຫ້ເຮັດດັ່ງນີ້:
- ເຂົ້າໄປໜ້າເວັບຊ່ອງສຳລັບຊ່ອງ YouTube ທີ່ທ່ານຕ້ອງການຍົກເລີກການບລັອກ.
- ແຕະເພີ່ມເຕີມ .
- ແຕະ ບລັອກຊ່ອງສຳລັບເດັກນ້ອຍ. ຕົວເລືອກນີ້ຈະປາກົດຂຶ້ນກໍຕໍ່ເມື່ອທ່ານໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ.
- ປັອບອັບອາດປາກົດຂຶ້ນເພື່ອແຈ້ງເຕືອນທ່ານວ່າວິດີໂອທີ່ຄ້າຍຄືກັນອາດຍັງຄົງສະແດງຢູ່ໃນຊ່ອງອື່ນໆ. ແຕະ ສືບຕໍ່.
- ແຕະ ຍົກເລີກການບລັອກ ຂ້າງຊື່ລູກທີ່ທ່ານຕ້ອງການຍົກເລີກການບລັອກຊ່ອງນີ້ໃຫ້.
- ຍົກເລີກການບລັອກ ຈະປ່ຽນເປັນ ບລັອກ ເພື່ອໃຫ້ທ່ານມີຕົວເລືອກໃນການຍົກເລີກການດຳເນີນການ.
- ແຕະ ແລ້ວໆ.
ຍົກເລີກການບລັອກເນື້ອຫາທັງໝົດຈາກ YouTube ໂດຍໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ
ເພື່ອຍົກເລີກການບລັອກວິດີໂອ ແລະ ຊ່ອງທັງໝົດຈາກ YouTube ໂດຍໃຊ້ບັນຊີພໍ່ແມ່ທີ່ທ່ານລິ້ງໄວ້ແລ້ວ ໃຫ້ເຮັດດັ່ງນີ້:
- ເຂົ້າສູ່ລະບົບ YouTube ດ້ວຍບັນຊີພໍ່ແມ່ທີ່ທ່ານລິ້ງໄວ້ແລ້ວ.
- ເຂົ້າໄປຮູບໂປຣໄຟລ໌ຂອງທ່ານ .
- ເລືອກ ການຕັ້ງຄ່າ .
- ເລືອກ ການຕັ້ງຄ່າຂອງຜູ້ປົກຄອງ.
- ຫາກທ່ານໃຊ້ຄອມພິວເຕີ, ໃຫ້ເລືອກ ຈັດການການຕັ້ງຄ່າສຳລັບລູກຂອງທ່ານ ຢູ່ຂ້າງ “ການຕັ້ງຄ່າຂອງຜູ້ປົກຄອງ”.
- ເລືອກລູກຂອງທ່ານ.
- ຢູ່ລຸ່ມການການຕັ້ງຄ່າທົ່ວໄປ, ໃຫ້ຄລິກ ຍົກເລີກການບລັອກວິດີໂອ.
- ປັອບອັບອາດປາກົດຂຶ້ນເພື່ອແຈ້ງເຕືອນທ່ານວ່າລະບົບຈະຍົກເລີກການບລັອກເນື້ອຫາທັງໝົດທີ່ທ່ານເຄີຍບລັອກໃນ YouTube ແລະ YouTube Kids. ເລືອກ ຍົກເລີກການບລັອກ.
ຍົກເລີກການບລັອກເນື້ອຫາດ້ວຍແອັບ YouTube Kids
- ເຂົ້າສູ່ລະບົບແອັບ YouTube Kids.
- ເຂົ້າໄປການຕັ້ງຄ່າ .
- ຢູ່ລຸ່ມ “ຄວາມເປັນສ່ວນຕົວ”, ໃຫ້ແຕະ ຍົກເລີກການບລັອກວິດີໂອ.
- ແຕະ ແມ່ນ, ຍົກເລີກການບລັອກ.
ປ່ຽນການຕັ້ງຄ່າຄຸນນະພາບວິດີໂອ
ເພື່ອປັບປຸງປະສົບການໃນການເບິ່ງຂອງລູກທ່ານ, ທ່ານສາມາດປັບຄຸນນະພາບວິດີໂອຂອງເຂົາເຈົ້າເປັນອັດຕະໂນມັດ ຫຼື ປະຢັດອິນເຕີເນັດໃນໂທລະສັບມືຖື.
- ແຕະເພີ່ມເຕີມ ຢູ່ເທິງສຸດຂອງວິດີໂອ.
- ແຕະ ຄຸນນະພາບ.
- ໃນເມນູ “ຄຸນນະພາບວິດີໂອ”, ໃຫ້ເລືອກຄຸນນະພາບການຫຼິ້ນທີ່ທ່ານຕ້ອງການໂດຍແຕະ ອັດຕະໂນມັດ (ແນະນຳ) ຫຼື ປະຢັດອິນເຕີເນັດ.