Áríðandi upplýsingar fyrir fullorðna um YouTube Kids

YouTube Kids var smíðað til að vera skemmtilegur og fjölskylduvænn vettvangur fyrir krakka og fjölskyldur. YouTube Kids forritið býður upp á vinsæl vídeó fyrir börn og fjölbreytt, nýtt efni sem framsett er þannig að börn á öllum aldri eigi auðvelt með að njóta þess. 

Áður en barnið þitt hefst handa eru nokkrir hlutir sem við viljum að þú vitir:

Prófílar í YouTube Kids

Í YouTube Kids geta foreldrar sem hafa skráð sig inn búið til sérstakan prófíl fyrir hvert barn á heimilinu. Hver prófíll er með sínar eigin áhorfsstillingar og tillögur þannig að hægt er að sníða efni að því sem hverju og einu barni hentar í YouTube Kids forritinu.
Prófílarnir eru tiltækir í hvaða tæki sem er þar sem foreldri hefur skráð sig inn og YouTube Kids forritið er uppsett. Þú getur búið til allt að átta prófíla. Frekari upplýsingar um hvernig hægt er að búa til prófíl.
*Þú getur líka notað YouTube Kids án þess að skrá þig inn.
Hvernig eru vídeó í YouTube Kids valin?

Einn kostur er að leyfa barninu þínu að kanna öll vídeó í YouTube Kids. Foreldrar geta valið milli þriggja aldurstengdra efnisstillinga: 

  • Leikskólaaldur (fjögurra ára og yngri)
  • Yngri (fimm til sjö ára)
  • Eldri (átta til tólf ára)

Sjálfvirk kerfi okkar velja efni úr þeim mikla fjölda vídeóa sem tiltæk eru á YouTube. Við gerum okkar besta til að útiloka efni sem hentar ekki börnum en við getum ekki farið handvirkt yfir öll vídeó og engin sjálfvirk kerfi eru fullkomin. Ef þú finnur óviðeigandi efni geturðu lokað á það eða tilkynnt efnið og þá verður það skoðað eins fljótt og kostur er.

Annar kostur er að velja sjálf(ur) efni sem barnið þitt hefur aðgang að. Ef þú velur þann kost mun barnið þitt ekki geta leitað að efni. Ef þú vilt fá frekari upplýsingar um hvernig hægt er að innleiða þennan kost skaltu skoða leiðbeiningar YouTube Kids um barnalæsingar og stillingar.

Veldu þann kost sem hentar best fyrir barnið þitt. Þú getur breytt stillingunum hvenær sem er. Við bjóðum líka upp á margvísleg verkfæri og stillingar sem lýst er hér að neðan og þú getur notað til að hafa betur umsjón með upplifun barnsins. Frekari upplýsingar um barnalæsingar og stillingar.
 

Hvernig uppgötvar barn vídeó í YouTube Kids?

Vídeó í YouTube Kids er hægt að uppgötva á ýmsa vegu:

Leit

Þegar þú kveikir á Leit leyfir þú barninu að finna og horfa á milljónir vídeóa sem tiltæk eru í YouTube Kids. Vídeóin eru gerð tiltæk í forritinu eftir að sérstök algrím hafa valið þau, en algrímunum er ætlað að skila niðurstöðum sem hæfa börnum og eru viðeigandi.
Vídeó sem tiltæk eru með Leit eru, hins vegar, ekki skoðuð af starfsfólki okkar. Gríðarlegt magn af efni fer sífellt inn á YouTube og þó við vinnum hörðum höndum að því að tryggja að allt sé í lagi gæti barnið þitt fundið efni í forritinu sem þú vilt ekki að það horfi á.
Ef þú vilt takmarka þau vídeó sem barnið þitt hefur aðgang að geturðu slökkt á Leit í foreldrastillingum. Ef þú slekkur á leit hefur barnið einungis aðgang að rásum sem YouTube Kids hefur staðfest. Hafðu í huga að óháð því hverjar stillingarnar í Leit eru í forritinu er alltaf möguleiki að barnið þitt finni efni sem þú vilt ekki að það horfi á.
Athugaðu: Þegar þú slekkur á Leit munu Áhorfsferill og Leitarferill verða hreinsaðir, sem og vídeó í Mælt með og Horfa aftur.
Auk þess að slökkva á Leit býður YouTube Kids upp á frekari barnalæsingar þannig að þú getir valið þá upplifun sem þér finnst henta barninu. Frekari upplýsingar um barnalæsingar og stillingar.

Vídeó á heimaskjánum

Vídeó á heimaskjánum eru sett í flokka eins og „Þættir“, „Tónlist“ o.s.frv. YouTube Kids getur af og til sett inn tímabundna flokka, til dæmis „Lestur“ þegar leggja á áherslu á lestrarmánuð. Vídeóin eru valin af forritinu sem notar sérstakt algrím og einhverja yfirferð starfsfólks. Vídeóin gætu verið flokkuð með hliðsjón af því efni sem barnið hefur horft á eða leitað að. Þau eru einungis hluti þeirra milljóna vídeóa sem tiltæk eru í YouTube Kids.
Ef þú hefur valið „Einungis heimilað efni“ mun barnið þitt einungis sjá einn flokk á heimaskjánum með efni sem þú hefur valið, en flokkurinn kallast „Samþykkt fyrir þig“.

Vídeó sem mælt er með

Vídeó sem mælt er með eru valin af algrími okkar og eru ekki alltaf yfirfarin af starfsfólki okkar. Vídeó sem mælt er með sjást bæði þegar slökkt er og kveikt er á Leit og þau birtast yfirleitt sem viðbótarflokkur á heimaskjánum eftir að horft hefur verið á nokkur vídeó í YouTube Kids. Vídeó sem mælt er með geta einnig birst í fjórum flokkum vídeóa á heimaskjánum sem tillögur fyrir barnið, eftir að það hefur horft á vídeó á heimaskjánum eða leitað að vídeóum. Vídeó sem mælt er með eru valin með hliðsjón af efni sem horft hefur verið á eða leitað að í forritinu og eru alltaf valin úr öllum þeim fjölda vídeóa sem tiltæk eru í YouTube Kids.
Þú getur endurstillt vídeó í flokknum Mælt með ef þú hreinsar feril forritsins í foreldrastillingum. Athugaðu að þegar þú slekkur á leit munu vídeó verða hreinsuð úr flokknum Mælt með og einnig áhorfs- og leitarferill.
Þegar kveikt er á Gera hlé á skráningu ferils  (þú getur kveikt eða slökkt á skráningunni í foreldrastillingum) mun forritið ekki lengur nota ný vídeó sem horft er á eða leitarorð til að koma með tillögur að vídeóum í flokknum Mælt með.
Þú getur búið til prófíl fyrir barnið þitt og hvert barn getur svo fengið sínar eigin tillögur.
Ef prófíll barnsins þíns er stilltur á Einungis heimilað efni eru vídeóin sem mælt er með einungis valin úr því efni sem þú hefur samþykkt fyrir barnið þitt. Frekari upplýsingar um Vídeó sem mælt er með.

Horfa aftur

Horfa aftur gerir barninu kleift að velja vídeó sem áður hefur verið horft á í forritinu.
Þú getur endurstillt vídeó í flokknum Horfa aftur með því að hreinsa feril forritsins í foreldrastillingum. Athugaðu að þegar þú slekkur á leit munu vídeó verða hreinsuð úr flokknum Horfa aftur og einnig áhorfs- og leitarferill.
Þegar kveikt er á Gera hlé á skráningu ferils  (þú getur kveikt eða slökkt á skráningunni í foreldrastillingum) mun forritið ekki lengur nota ný vídeó sem horft er á eða leitarorð til að koma með tillögur að vídeóum í flokknum Horfa aftur.
Þú getur búið til prófíl fyrir barnið þitt og hvert barn getur svo fengið sínar eigin tillögur.
Hvaða barnalæsingar eru tiltækar í YouTube Kids?
Við erum með eiginleika sem gera þér kleift að sérsníða upplifun barnsins þíns í YouTube Kids. Til dæmis geturðu stillt tímamæli og takmarkað þann tíma sem barnið notar í forritinu. Þú getur líka lokað á efni, takmarkað aðgang barnsins við einungis heimilað efni, slökkt á leit, hreinsað feril barnsins og gert hlé á skráningu ferils. Frekari upplýsingar um barnalæsingar og stillingar.
Hvers kyns auglýsingar birtast í YouTube Kids?

Við leyfum takmarkaðar auglýsingar („greiddar auglýsingar“) í forritinu svo hægt sé að bjóða upp á það án endurgjalds. Þegar barnið þitt spilar vídeó í forritinu getur verið að það sjái auglýsingu, sem er merkt „Auglýsing“, og inngang að auglýsingunni þar á undan. Greiddar auglýsingar þurfa að samræmast reglum okkar um auglýsingar sem útiloka ákveðna auglýsingaflokka, til dæmis þá er tengjast mat og drykk. Frekari upplýsingar um Auglýsingar í YouTube Kids og reglur um auglýsingar.

Vídeó sem notendur hlaða upp eru ekki greiddar auglýsingar og heyra því ekki undir reglur okkar um auglýsingar óháð því hvert efni þeirra er. Notendur hlaða oft upp auglýsingum og öðru kynningarefni á YouTube rásir sínar og þau vídeó geta birst í forritinu. Leit að smákökum getur til dæmis skilað leitarniðurstöðum þar sem auglýsing frá fyrirtæki er framleiðir smákökur birtist á rás notanda. Við teljum slíkt efni ekki vera greidda auglýsingu og það heyrir ekki undir reglur okkar um auglýsingar sem banna greiddar auglýsingar er tengjast mat.

If you would like to watch videos free of paid ads with your child, try the YouTube Kids App with YouTube PremiumLearn more.

Söfnun og notkun upplýsinga og persónulegra gagna í YouTube Kids

Þú getur fengið ítarlegar upplýsingar um meðhöndlun okkar á gögnum með því að lesa upplýsingar um persónuvernd en þær finnurðu hér: kids.youtube.com/t/privacynotice eða í stillingum forritsins, í hlutanum Persónuvernd.
Við gerum okkar besta til að vernda persónuupplýsingar notanda forritsins. Mikilvægt er að foreldri eða forráðamanneskja barnsins sem notar forritið lesi þær upplýsingar áður en notkun hefst. Ef þú ert ekki foreldri eða forráðamanneskja barns sem ætlar að nota YouTube Kids, eða ert foreldri eða forráðamanneskja en samþykkir ekki vinnureglur um persónuvernd frá okkur, skaltu ekki leyfa barninu að nota forritið.
Þetta forrit er starfrækt af Google LLC, sem hefur heimilisfang hér: 1600 Amphitheatre Pkwy, Mountain View, CA 94043, Bandaríkjunum.
Var þetta gagnlegt?
Hvernig getum við bætt þetta?