YouTube Kids verður betra með hverju vídeói sem horft er á. Þegar barnið þitt hefur horft á nokkur vídeó gæti YouTube Kids mælt með vídeóum á heimaskjánum og sýnt flipann Mælt með 
- Vídeó sem mælt er með eru vídeó sem byggjast á áhorfs- og leitarferli barnsins þíns. Þau eru valin úr vídeóum sem tiltæk eru í YouTube Kids af algrímum án aðkomu starfsfólks okkar.
- Ef prófíll barnsins þíns er stilltur á Einungis heimilað efni eru vídeóin sem mælt er með valin úr því efni sem þú hefur samþykkt fyrir barnið þitt.
- Vídeó sem mælt er með byggjast einnig á efnisstillingunni sem þú valdir fyrir barnið þitt. Ef Yngri er valin eru vídeó sem mælt er með valin úr flokki þeirra vídeóa sem tiltæk eru fyrir efnisstillinguna Yngri eingöngu. Ef efnisstillingin Eldri er valin eru vídeó sem mælt er með valin úr flokki þeirra vídeóa sem tiltæk eru fyrir efnisstillinguna Eldri. Það felur í sér öll vídeó fyrir efnisstillinguna Yngri.
- Þú getur endurstillt vídeó í flokknum Mælt með með því að hreinsa feril forritsins í foreldrastillingum YouTube Kids eða foreldrastillingum YouTube. Ef þú gerir hlé á leitarferli eða áhorfsferli mun YouTube Kids ekki nota vídeóin sem þú horfir á eða leitirnar þínar til að mæla með vídeóum á meðan hlé er gert á ferlinum.
- YouTube Kids endurstillir sjálfkrafa vídeó í flokknum Mælt með með því að hreinsa ferilinn í hvert sinn sem þú slekkur á Leit. Þegar slökkt er á Leit verða vídeó í flokknum Mælt með eingöngu byggð á þeim vídeóum sem horft var á síðan slökkt var á Leit. Hvort sem kveikt eða slökkt er á Leit eru vídeó í flokknum Mælt með valin úr miklu úrvali vídeóa í YouTube Kids.
Við höfum gripið til ýmissa varúðarráðstafana til að tryggja að fjölskyldur geti fundið vídeó sem eru viðeigandi fyrir yngri áhorfendur í YouTube Kids. Við skimum efni í flokknum Mælt með með því að nota blöndu reiknirita og ábendinga frá notendum. Við gerum einnig sífellt endurbætur sem byggjast á nýrri tækni, rannsóknum og ábendingum frá notendum. Gríðarlegt magn af efni fer sífellt inn á YouTube. Þótt við vinnum hörðum höndum að því að tryggja að allt sé í lagi gæti barnið þitt því stundum fundið efni sem þú vilt ekki að það horfi á. Ef það gerist getur þú lokað á vídeóið eða rásina eða tilkynnt vídeóið.