Tunaelewa kuwa wakati mwingine wazazi na walezi huwa na maswali kuhusu tabia na maslahi ya vijana wao mtandaoni. Tumeweka pamoja zana na nyenzo fulani ili kukusaidia kudhibiti hali yao ya utumiaji kwenye YouTube.
Nyenzo za wazazi
Ili kuwasaidia wazazi na familia, tumetayarisha Mwongozo wa Familia kuhusu kuwasaidia vijana kutayarisha maudhui kwa ushirikiano na Common Sense Networks, mshirika wa Common Sense Media.
Ili upate vidokezo vya haraka na ushauri, angalia Vidokezo kwa Wazazi au utazame video hizi kwenye Mwongozo wetu wa Familia:
- Mwongozo wa Familia: Usalama
- Mwongozo wa Familia: Kuwa Rafiki
- Mwongozo wa Familia: Uraia
- Mwongozo wa Familia: Ustawi
Unaweza pia kumtumia kijana wako nyenzo hizi ili umsaidie kuanza:
- Mwongozo Wetu wa Jumuiya, unaobainisha maudhui na tabia zinazokubalika kwenye YouTube
- Vidokezo kwa Vijana
Masharti ya umri ya vijana
Ili kuingia katika akaunti ya YouTube, lazima kijana wako awe na Akaunti ya Google inayotimiza masharti ya umri wa chini zaidi katika nchi au eneo unakoishi.
Zana za faragha na usalama
- Maudhui yasiyofaa: Iwapo wewe au kijana wako amepata video ambayo inaonekana kuwa haifai au huenda inakiuka Mwongozo wetu wa Jumuiya, ripoti video hiyo.
- Faragha: Iwapo unahisi kuwa faragha ya kijana wako imekiukwa, pata maelezo zaidi kuhusu sera yetu ya faragha na jinsi ya kutuma malalamiko kuhusu faragha.
- Unyanyasaji na uchokozi wa mtandaoni:
- Iwapo kijana wako ananyanyaswa na mtu mwingine kwenye YouTube, mwelekeze amzuie mtumiaji huyo.
- Unyanyasaji ukiendelea, soma sera zetu dhidi ya unyanyasaji na uchokozi wa mtandaoni ili upate maelezo kuhusu jinsi ya kuzuia unyanyasaji.
- Wewe au kijana wako mnaweza kuripoti unyanyasaji katika video, maoni, chaneli au wasifu.
- Hali yenye Mipaka: Kuwasha mipangilio hii kwenye kifaa cha kijana wako huchuja maudhui ambayo huenda yakawa ya watu wazima kwenye YouTube. Pata maelezo zaidi kuhusu Hali yenye Mipaka.
- Kudhibiti maoni kwenye chaneli: Kijana wako anaweza kuondoa maoni yaliyochapishwa kwenye chaneli yake au ayadhibiti kabla yaonekane. Pata maelezo zaidi kuhusu kudhibiti maoni kwenye chaneli.
-
Kukadiria umri: Mfumo wetu wa kukadiria umri hutumia ujifunzaji wa mashine ili kubaini iwapo mtumiaji ana umri wa chini ya miaka 18. Ikiwa akaunti imethibitishwa kuwa ya mtumiaji mwenye umri usiozidi miaka 18, ulinzi wa kawaida kwa vijana utatumika kwenye akaunti hiyo. Kwa mfano, zana za nidhamu dijitali kama vile vikumbusho vya kupumzika kidogo vitawashwa kwa chaguomsingi. Pata maelezo zaidi kuhusu ukadiriaji wa umri kwenye YouTube.
Akaunti zinazosimamiwa
Kwa hatua zaidi za usalama, unaweza kufungua akaunti inayosimamiwa kisha uunganishe akaunti yako na ya kijana wako. Wakati umeziunganisha, utaweza kupata maarifa kuhusu shughuli za kijana wako kwenye YouTube. Maarifa haya yanaweza kuibua fursa za kujifunza na mazungumzo ya muda muafaka kuhusu jinsi ya kutayarisha maudhui kwa njia salama kwenye YouTube. Pata maelezo zaidi kuhusu akaunti za vijana zinazosimamiwa.
Usaidizi wa nidhamu dijitali
- Vikumbusho vya kupumzika kidogo: Kipengele hiki huwashwa kiotomatiki kwa vijana na huwakumbusha wapumzike kidogo wakati wanatazama video au Video Fupi za YouTube.
- Vikumbusho vya wakati wa kulala: Kipengele hiki huwashwa kiotomatiki kwa vijana na huonekana ufikapo wakati wa kuacha kutazama maudhui kwenye YouTube na kwenda kulala.
- Vipengele vya usalama vya mapendekezo ya video: YouTube ina vipengele vya usalama vya mapendekezo ya video vinavyotoa mapendekezo ya kuwajibika zaidi kwa vijana. Mfumo huu hupunguza kiotomatiki uonyeshaji wa maudhui ambayo yanaweza kuathiri vibaya tabia za vijana au jinsi wanavyojitambua. Pata maelezo zaidi kuhusu jinsi tunavyopendekeza maudhui ili kukidhi mahitaji maalum ya vijana.
- YouTube ina ulinzi wa usalama wa utafutaji kwa vijana ili kuzuia matokeo yanayotokana na hoja za utafutaji zinazohusiana na maudhui yaliyo na mipaka ya umri au yanayokiuka sera yasionekane. Pata maelezo zaidi kuhusu Jinsi YouTube Inavyotoa Hali za Utumiaji Zinazoambatana na Umri kwa Vijana.