მინიშნებები და რესურსები თინეიჯერებისთვის

თინეიჯერები YouTube საზოგადოების მნიშვნელოვანი ნაწილია. თუ ხართ თინეიჯერი საკუთარი Google ანგარიშით, გამოიყენეთ ქვემოთ მოცემული რესურსები და მინიშნებები YouTube-ზე თქვენი უსაფრთხოების უზრუნველსაყოფად.

რესურსი: თუ დაინტერესებული ხართ YouTube-ზე კონტენტის შექმნით, იხილეთ ეს მინიშნებები თინეიჯერებისთვის მეტი ინფორმაციის მისაღებად ონლაინ კონტენტის უსაფრთხოდ და პასუხისმგებლიანად შექმნის შესახებ. ეს სახელმძღვანელო შეიქმნა Common Sense Networks-თან თანამშრომლობით, რომელიც Common Sense Media-ს აფილირებული კომპანიაა.

თუ მასწავლებელი ან მშობელი ხართ, გადადით ჩვენს მშობლის რესურსებზე და საგანმანათლებლო რესურსებზე. ინტერნეტთან დაკავშირებული უსაფრთხოების შესახებ დამატებითი ინფორმაციის მისაღებად წაიკითხეთ Google-ის მინიშნებები ონლაინ უსაფრთხოებასთან დაკავშირებით.

უსაფრთხოების რჩევები

• იცოდეთ, რა ტიპის კონტენტი გადაიღოთ. როცა თქვენს მეგობრებს, კლასელებს ან სხვა არასრულწლოვნებს უღებთ ვიდეოს, გახსოვდეთ, რომ ის არავითარ შემთხვევაში არ უნდა იყოს სექსუალური ხასიათის, ძალადობრივი ან სახიფათო.

• გახსოვდეთ „ბებიის წესი“. ისურვებდით, რომ ეს ვიდეო თქვენს ბებია-ბაბუას, მშობლებს ან მომავალ დამსაქმებლებს ენახათ? თუ არა, მაშინ მისი გამოქვეყნება არ არის კარგი იდეა. ვიდეოს გამოქვეყნების შემდეგ არ იცით, ვინ შეიძლება ნახოს ის. თუ თქვენი ვიდეო დაკოპირდება ან ხელახლა გამოქვეყნდება, ყველა ასლის ამოშლას ვერ შეძლებთ.

• თავიდან აიცილეთ საშიში და არაკომფორტული სიტუაციები. არ გამოაქვეყნოთ რაიმე მხოლოდ იმიტომ, რომ ვიღაცამ გთხოვათ. ონლაინ მეგობართან შეხვედრამდე გაესაუბრეთ ნდობით აღჭურვილ ზრდასრულს.

• გამოიყენეთ ჩვენი კონფიდენციალურობის ფუნქციები. YouTube-ს აქვს ფუნქციები, რომლებიც დაგეხმარებათ, შეზღუდოთ, თუ ვინ შეძლებს თქვენ მიერ გამოქვეყნებული ვიდეოების ნახვას. თქვენი კონფიდენციალურობის დასაცავად შეგიძლიათ, დააყენოთ პირადი ვიდეოები „პირადზე“ ან „გამოუქვეყნებელზე“. YouTube-ზე თქვენი გამოცდილების სამართავად ეწვიეთ კონფიდენციალურობისა და უსაფრთხოების ცენტრს.

• მინიშნებების წასაკითხად და ვიდეოების საყურებლად, რომლებიც დაგეხმარებათ, უფრო დაცულად იგრძნოთ თავი YouTube-ზე, ეწვიეთ შემქმნელის უსაფრთხოების ცენტრს.

ზედამხედველობის ქვეშ არსებული ანგარიშები

დამატებითი უსაფრთხოებისთვის შეგიძლიათ დააყენოთ ანგარიში ზედამხედველობის ქვეშ და მიაბათ თქვენი მშობლის ანგარიშს. მიბმის შემთხვევაში, მშობლებს შეუძლიათ, მიიღონ ინფორმაცია თქვენი YouTube არხის აქტივობის შესახებ. ამ ინფორმაციამ შეიძლება გამოიწვიოს მომენტალური საგანმანათლებლო შესაძლებლობები და საუბრები იმის შესახებ, თუ როგორ შექმნათ კონტენტი უსაფრთხოდ YouTube-ზე. შეიტყვეთ მეტი ზედამხედველობის ქვეშ არსებული ანგარიშების შესახებ თინეიჯერებისთვის.

თუ ძალადობენ თქვენზე, გემუქრებიან, სხვა ადამიანად ასაღებენ თავს ან გჩაგრავენ გადაგზავნეთ მოხსენება არხის შესახებ. თუ არასათანადო კონტენტს აღმოაჩენთ, გადმოაგზავნეთ მოხსენება.