Tingnan ang iyong bilang ng subscriber sa YouTube

Ipinapakita ng bilang ng subscriber mo kung ilang manonood ang nag-subscribe para subaybayan ang iyong channel sa YouTube. Puwede mong tingnan ang bilang ng iyong subscriber nang real time at tingnan ang paglago mo sa paglipas ng panahon sa YouTube Analytics. Makakatanggap ka ng email at makakakita ka ng congratulatory na animation sa YouTube Studio kapag may naabot kang milestone.

Hanapin ang bilang ng subscriber mo

1. Mag-sign in sa YouTube Studio.
2. Sa kaliwang Menu, piliin ang Analytics.
3. Sa tab na Pangkalahatang-ideya, hanapin ang Realtime na card.
4. I-click ang Tingnan ang live na pagbilang para tingnan ang bilang ng subscriber mo sa paglipas ng panahon.

Maunawaan ang bilang ng iyong subscriber sa YouTube

Puwedeng makakita ng pinaikling bersyon ng bilang ng iyong subscriber ang audience mo. Pinapaikli ang bilang ng subscriber na ito depende sa bilang ng mga subscriber na mayroon ang iyong channel.

Kung ikaw ay mayroong...	mag-a-update ang bilang ng iyong subscriber sa bawat:
Wala pang 1,000 subscriber	1 bagong subscriber
1,000–9,999 subscriber	10 bagong subscriber
10,000–99,999 subscriber	100 bagong subscriber
100,000–999,999 subscriber	1,000 bagong subscriber
1,000,000–9,999,999 subscriber	10,000 bagong subscriber
10,000,000–99,999,999 subscriber	100,000 bagong subscriber
100,000,000–999,999,999 subscriber	1,000,000 bagong subscriber

 

Para maunawaan kung paano ipapakita ang bilang ng iyong subscriber, gamitin ang talahanayan sa ibaba.

Halimbawa, kung mayroon kang...	ang bilang ng iyong subscriber ay:	Ang susunod na bilang ng iyong subscriber ay magiging:
123 subscriber	123	124
1,234 na subscriber	1.23 K	1.24 K
12,345 subscriber	12.3 K	12.4 K
123,456 na subscriber	123 K	124 K
1,234,567 subscriber	1.23 M	1.24 M
12,345,678 subscriber	12.3 M	12.4 M
123,456,789 na subscriber	123 M	124 M

Pag-aalis ng mga saradong account at ma-spam na subscriber

• Mga saradong account: Mga account na isinara ng creator, o winakasan ng YouTube dahil sa paglabag sa patakaran.
• Mga spam na subscriber: Mga subscriber na nakuha sa pamamagitan ng artipisyal na paraan, gaya ng pagbili ng mga subscriber sa pamamagitan ng third-party na serbisyo.

Regular naming vine-verify ang pagiging lehitimo ng mga account at pagkilos sa iyong channel sa YouTube. Posibleng magsagawa rin kami ng mga pagwawasto sa mga sukatan ng site sa YouTube Analytics para ayusin ang mga isyu sa consistency sa lahat ng iba't ibang source. Tinitiyak ng mga prosesong ito na walang spam, pang-aabuso, at saradong account ang mga sukatan ng aming site para panatilihing patas para sa lahat ang YouTube.

Mahalagang manatiling tumpak ang mga bilang ng subscriber para matiyak na organic ang pagbuo mo ng iyong audience. Hindi mabibilang sa kabuuang bilang ng iyong mga subscriber ang mga saradong account at subscriber na natukoy bilang spam. Hindi rin lalabas ang mga ito sa iyong listahan ng subscriber at hindi naaapektuhan ng mga ito ang mga panonood o haba ng panonood.

Matuto pa tungkol sa kung bakit puwedeng magbago ang bilang ng subscriber mo.