Kung nagkakaproblema ka sa pag-upload ng iyong video, piliin ang mensahe ng error na nakikita mo at sundin ang mga hakbang sa pag-troubleshoot para lutasin ang iyong isyu.
Komersyal na paggamit ng Audio Library ng Shorts at mga may bayad na promosyon
Ang mga channel na nag-a-upload ng mga video para sa mga komersyal na layunin, kabilang ang mga Short na may binabayarang placement ng produkto, ay posibleng makakita ng mga error kapag nag-a-upload ng mga Short na naglalaman ng mga tunog mula sa Audio Library ng Shorts. Ang mga error na ito ay resulta ng aming mga kasunduan sa ilang partner sa musika, na nililimitahan ang paggamit ng musika sa mga Short sa mga personal at di-komersyal na paggamit.
Bilang alternatibo:
- Puwede mong i-upload ulit ang iyong Short at alisin ang musikang idinagdag mula sa Audio Library ng Shorts.
- Puwede mong i-upload ulit ang iyong Short, pero idagdag ang musika nang hindi ginagamit ang mga tool sa paggawa ng mga Short.
- Tandaan: Bago i-publish ang iyong Short, tiyaking hingin ang lahat ng kinakailangang karapatan sa may-ari o mga may-ari ng copyright. Kung hindi mo hihingin ang mga karapatan sa kanila, posibleng patawan ng parusa ang iyong Short, kabilang ang mga pagtanggal dahil sa copyright at iba pang legal na pagkilos.
- Puwede mong i-upload ulit ang iyong Short, pero gumamit ng royalty-free na musika. Para maghanap ng royalty-free na musika:
- Pumunta sa Audio Library ng Shorts.
- Hanapin ang "Audio Library ng YouTube."
Bago mag-upload, i-double check kung ang kantang pinili mo ay may:
- Berdeng artwork ng album na may nakalagay na “YouTube Audio Library”
- Logo ng YouTube
Kung nakakatugon ang mga resulta ng paghahanap sa mga pamantayang ito, hindi nire-require ng mga ito na hingin mo muna ang mga karapatan. Kung hindi nakakatugon ang mga resulta ng paghahanap sa mga pamantayang ito, posibleng hindi puwedeng gamitin ang mga ito.
Tandaan: Para sa mga hindi nagsasalita ng English, inirerekomendang hanapin ang “YouTube Audio Library” sa English para sa mga tumpak na resulta.
"Nagkaroon kami ng mga hindi inaasahang problema"
Subukang maghintay nang ilang minuto, pagkatapos ay mag-upload ulit.
"Tinanggihan ng server ang file"
Nagkakaroon ng ganitong mensahe ng error kapag nag-a-upload ka ng file na may maling format. Tiyaking sinusuportahang uri ng file ang ginagamit mo.
"Nagka-error habang nagpapadala ng data sa pamamagitan ng network"
Nagkakaroon ng ganitong mensahe ng error kapag kailangang i-update ang iyong browser sa pinakabagong bersyon. Nasa ibaba ang ilan sa mga browser na inirerekomenda naming gamitin para mag-upload ng mga video:
- Google Chrome
- Firefox 4 o mas bago
- Internet Explorer o Microsoft Edge na may naka-on na Silverlight
Kapag na-update mo na ang iyong browser, subukang mag-upload ulit.
"Inabanduna ang pagproseso"
Posibleng magkaroon ng ganitong mensahe ng error kung pinaikli o invalid ang na-upload na file. Posible rin itong mangyari sa mga mas mabagal na pag-upload Subukang i-playback ang iyong video sa device mo at tiyaking gumagamit ka ng sinusuportahang uri ng file, at pagkatapos, i-upload ulit. Kung mananatili ang problema, subukang i-upload ang iyong video mula sa ibang platform.
"Nagka-error sa network"
Nagkakaroon ng ganitong mensahe ng error kapag kailangang i-update ang iyong browser sa pinakabagong bersyon. Nasa ibaba ang ilan sa mga browser na inirerekomenda naming gamitin para mag-upload ng mga video:
- Google Chrome
- Firefox 4 o mas bago
- Internet Explorer o Microsoft Edge na may naka-on na Silverlight
Kapag na-update mo na ang iyong browser, subukang mag-upload ulit.
Posibleng magkaroon ng ganitong mensahe ng error kapag:
- May strike sa Mga Alituntunin ng Komunidad ang iyong channel.
- Na-on ng iyong admin ang Restricted mode sa Google Workspace account mo.
"Nagka-error sa seguridad"
Nagkakaroon ng ganitong mensahe ng error kapag mayroon kang mga hindi pangkaraniwang setting ng seguridad sa iyong browser. Malamang na mula sa isang firewall, antivirus, anti-spyware, o iba pang kaugnay na software ang mga setting. Inirerekomenda naming pansamantala mong i-off ang software na ito at subukang mag-upload ulit.
"Tinanggihan (masyadong maliit ang file)"
Nagkakaroon ng ganitong mensahe ng error kapag sinubukan mong mag-upload ng file na mas maliit sa 2 KB. Tiyaking hindi mas maliit sa 2 KB ang iyong video file at subukang mag-upload ulit.
"Hindi na-upload (walang laman ang .mov file)"
Nagkakaroon ng ganitong mensahe ng error kapag naka-save bilang reference na pelikula ang mga pelikula sa QuickTime. Para matiyak na maayos na mako-convert ang iyong mga video, piliin ang "I-save bilang isang self-contained na pelikula" at subukang mag-upload ulit.
"Naabot na ang pang-araw-araw na limitasyon sa pag-upload. Puwede kang mag-upload ng marami pang video pagkalipas ng 24 na oras."
Para matiyak ang kaligtasan sa YouTube, nililimitahan namin ang dami ng mga video na puwedeng i-upload ng channel sa loob ng 24 na oras sa desktop, mobile, at YouTube API.
Posibleng magkakaiba ang mga limitasyon depende sa bansa/rehiyon o history ng channel. Puwedeng makaapekto ang mga paglabag sa copyright sa pagiging kwalipikado ng history ng channel. Maaapektuhan ng mga strike sa Mga Alituntunin ng Komunidad ang dami ng puwede mong i-upload.
Kung makakatanggap ka ng error na nagsasabing "Naabot na ang pang-araw-araw na limitasyon sa Pag-upload" kapag sinusubkan mong mag-upload ng video sa YouTube, subukan ulit pagkalipas ng 24 na oras.
Iba pa
Posible kang makatanggap ng mensahe ng error kapag nag-upload ka ng file na mali ang format. Tiyaking sinusuportahang uri ng file ang ginagamit mo. Puwede mo ring subukang baguhin ang iyong mga codec o software sa pag-edit.