ບົດວິດີໂອ

ບົດວິດີໂອຈະແບ່ງວິດີໂອອອກເປັນສ່ວນໆ, ໂດຍແຕ່ລະສ່ວນຈະມີການສະແດງຕົວຢ່າງຕ່າງຫາກ. ບົດວິດີໂອຈະເພີ່ມຂໍ້ມູນ ແລະ ບໍລິບົດໃຫ້ກັບແຕ່ລະສ່ວນຂອງວິດີໂອ ແລະ ໃຫ້ທ່ານເບິ່ງຄືນສ່ວນຕ່າງໆຂອງວິດີໂອໄດ້ຢ່າງງ່າຍດາຍ. ຜູ້ສ້າງສາມາດເພີ່ມບົດວິດີໂອຂອງເຂົາເຈົ້າເອງສຳລັບວິດີໂອທີ່ອັບໂຫຼດແຕ່ລະລາຍການ ຫຼື ອາໄສບົດວິດີໂອອັດຕະໂນມັດໄດ້. ບົດອາດປາກົດໃນການຖອດຂໍ້ຄວາມຈາກສຽງ. ຜູ້ສ້າງສາມາດເລືອກທີ່ຈະບໍ່ໃຊ້ບົດວິດີໂອອັດຕະໂນມັດໃນ YouTube Studio ໄດ້ສະເໝີ.

ໝາຍເຫດ: ຫາກທ່ານຍັງບໍ່ມີສິດເຂົ້າເຖິງບົດ, ກະລຸນາສະໝັກຮັບ ສິດເຂົ້າເຖິງຄຸນສົມບັດຂັ້ນສູງ.

How to Add Chapters to Your Videos Using Timestamps

ເພື່ອເພີ່ມບົດວິດີໂອຂອງທ່ານເອງ:

1. ເຂົ້າສູ່ລະບົບ YouTube Studio.
2. ຈາກເມນູເບື້ອງຊ້າຍ, ເລືອກ ເນື້ອຫາ.
3. ຄລິກວິດີໂອທີ່ທ່ານຕ້ອງການແກ້ໄຂ.
4. ໃນຄຳອະທິບາຍ, ເພີ່ມລາຍການຂອງສະແຕັມເວລາ ແລະ ຊື່ເລື່ອງ.
   • ເບິ່ງໃຫ້ແນ່ໃຈວ່າສະແຕັມເວລາທຳອິດທີ່ທ່ານລະບຸນເລີ່ມຕົ້ນດ້ວຍ 00:00. 
   • ວິດີໂອຂອງທ່ານຄວນມີສະແຕັມເວລາຢ່າງໜ້ອຍສາມຄັ້ງໂດຍລຽງຈາກນ້ອຍໄປຫາໃຫຍ່.
   • ຄວາມຍາວຕ່ຳສຸດສຳລັບບົດວິດີໂອແມ່ນ 10 ວິນາທີ.

 5. ຄລິກ ບັນທຶກ.

ໝາຍເຫດ: ຕົວເລືອກນີ້ຈະຍົກເລີກບົດວິດີໂອອັດຕະໂນມັດ.

ເພື່ອໃຊ້ບົດວິດີໂອອັດຕະໂນມັດ:

1. ເຂົ້າສູ່ລະບົບ YouTube Studio.
2. ຈາກເມນູເບື້ອງຊ້າຍ, ເລືອກ ເນື້ອຫາ.
3. ຄລິກວິດີໂອທີ່ທ່ານຕ້ອງການແກ້ໄຂ.
4. ຄລິກ ສະແດງເພີ່ມເຕີມ ແລະ ຢູ່ກ້ອງ ບົດອັດຕະໂນມັດ ໃຫ້ເລືອກ “ສ້າງບົດ ແລະ ຊ່ວງເວລາສຳຄັນໂດຍອັດຕະໂນມັດ (ເມື່ອສາມາດໃຊ້ໄດ້ ແລະ ມີສິດ)”. ຕາມຄ່າເລີ່ມຕົ້ນ, ກ່ອງນີ້ຈະຖືກໝາຍສຳລັບການອັບໂຫຼດໃໝ່ທັງໝົດ. ນອກຈາກນີ້, ທ່ານຍັງສາມາດອະນຸຍາດບົດວິດີໂອອັດຕະໂນມັດເປັນ ຊຸດ ໄດ້ນຳ.
5. ຄລິກ ບັນທຶກ.

ໝາຍເຫດ: ບໍ່ແມ່ນວິດີໂອທັງໝົດຈະມີສິດສຳລັບບົດວິດີໂອອັດຕະໂນມັດ ແລະ ບໍ່ແມ່ນວິດີໂອທີ່ມີສິດທັງໝົດຈະມີບົດອັດຕະໂນມັດ. ຫາກຊ່ອງມີການປະທ້ວງທີ່ມີຜົນຢູ່ ຫຼື ຫາກເນື້ອຫາບໍ່ເໝາະສົມສຳລັບຜູ້ເບິ່ງບາງຄົນ, ຄຸນສົມບັດບົດວິດີໂອຈະບໍ່ສາມາດໃຊ້ໄດ້.

ເພື່ອເລືອກທີ່ຈະບໍ່ໃຊ້ບົດວິດີໂອອັດຕະໂນມັດສຳລັບວິດີໂອທີ່ສະເພາະໃດໜຶ່ງ ໃຫ້ເຮັດດັ່ງນີ້:

ເພື່ອເລືອກທີ່ຈະບໍ່ໃຊ້ບົດວິດີໂອອັດຕະໂນມັດສຳລັບວິດີໂອທີ່ສະເພາະໃດໜຶ່ງ ໃຫ້ເຮັດດັ່ງນີ້:

1. ເຂົ້າສູ່ລະບົບ YouTube Studio.
2. ຈາກເມນູເບື້ອງຊ້າຍ, ເລືອກ ເນື້ອຫາ.
3. ຄລິກວິດີໂອທີ່ທ່ານຕ້ອງການແກ້ໄຂ.
4. ຄລິກ ສະແດງເພີ່ມເຕີມ ແລະ ຢູ່ກ້ອງ ບົດອັດຕະໂນມັດ ບໍ່ເລືອກ “ອະນຸຍາດບົດອັດຕະໂນມັດ (ເມື່ອມີໃຫ້ ແລະ ມີສິດ)".
5. ຄລິກ ບັນທຶກ.

ໝາຍເຫດ: ນອກຈາກນີ້, ທ່ານຍັງສາມາດເລືອກທີ່ຈະບໍ່ໃຊ້ບົດວິດີໂອອັດຕະໂນມັດສຳລັບວິດີໂອ ຫຼາຍລາຍການພ້ອມກັນ ໄດ້ນຳ.

ເພື່ອເລືອກທີ່ຈະບໍ່ໃຊ້ບົດວິດີໂອອັດຕະໂນມັດ ໃຫ້ເຮັດດັ່ງນີ້:

1. ເຂົ້າສູ່ລະບົບ YouTube Studio.
2. ຄລິກ ການຕັ້ງຄ່າ .
3. ຄລິກ ຄ່າເລີ່ມຕົ້ນການອັບໂຫຼດ.
4. ຄລິກ ການຕັ້ງຄ່າຂັ້ນສູງ, ຍົກເລີກການເລືອກ "ອະນຸຍາດບົດອັດຕະໂນມັດ (ເມື່ອມີໃຫ້ນຳໃຊ້ ແລະ ມີສິດ)".
5. ຄລິກ ບັນທຶກ.