Þessi síða gefur yfirsýn yfir væntanlegar, núverandi og nýlegar breytingar á leiðbeiningum um auglýsingavænt efni. Nánar um breytingar á reglum YouTube hér.
Nýjustu breytingar
Uppfærslur síðustu 3 mánaða
Uppfærslur á leiðbeiningum um auglýsingavænt efni (júlí 2025)
- Við uppfærðum leiðbeiningar okkar um óviðeigandi málfar. Efni sem notar sterkari blótsyrði (t.d. h*lvítis) á fyrstu sjö sekúndunum gæti nú átt möguleika á að þéna auglýsingatekjur. Greinin Leikir og tekjuöflun er einnig uppfærð til að endurspegla þessar breytingar á reglunum.
Fyrri breytingar
Uppfærslur eldri en þriggja mánaða
2024
Breytingar á leiðbeiningum um auglýsingavænt efni (desember 2024)
Leiðbeiningar tengdar fíkniefnasamtökum og erlendum hryðjuverkasamtökum
- Við höfum fært leiðbeiningar sem tengjast fíkniefnasamtökum og erlendum hryðjuverkasamtökum. Þær hafa verið fluttar úr hlutanum „Skaðlegt athæfi og óáreiðanlegt efni“ í leiðbeiningum um auglýsingavænt efni yfir í reglur um fíkniefni og efni tengt þeim og reglur um ofbeldi. Þessum flutningi er ætlað að bæta skilning á reglum. Engar breytingar hafa verið gerðar á reglunum eða því hvernig hæfi vídeóa til auglýsinga er metið.
Efni ætlað fullorðnum
- Við höfum uppfært leiðbeiningar okkar um hæfi efnis ætluðu fullorðnum til auglýsinga svo að þær innihaldi reglur um takmörkun auglýsingatekna af efni sem ýtir undir eða veitir leiðbeiningar um hvernig eigi að búa til gróft efni með gervigreind eða myndefni sem inniheldur nekt.
Breytingar á leiðbeiningum um auglýsingavænt efni (apríl 2024)
Við gefum dæmi um mjög sterk blótsyrði og hatursfullt orðalag eða níðyrði í hlutanum „engar auglýsingatekjur“ í leiðbeiningum um auglýsingavænt efni til að gera reglurnar enn skýrari. Engar breytingar hafa verið gerðar á reglunum varðandi hvaða orð við teljum vera „mjög sterk blótsyrði“ eða hvernig farið er yfir vídeóin þín með tilliti til gjaldgengis í auglýsingar.
Breytingar á leiðbeiningum um auglýsingavænt efni (janúar 2024)
Við uppfærðum leiðbeiningar okkar um viðkvæma atburði, þar á meðal orðalag til að skýra betur að ekki má afla tekna af efni ef það hagnast á eða misnotar viðkvæman atburð. Engar breytingar voru gerðar á reglunum, þannig að athuganir á því hvort vídeóin þín eru auglýsingavæn breytast ekki.
2023
Breytingar á leiðbeiningum um auglýsingavænt efni (nóvember 2023)
Við uppfærðum leiðbeiningar okkar tengdar efni ætluðu fullorðnum varðandi tvennt:
- Brjóstagjöf: Nú er hægt að afla auglýsingatekna af efni sem sýnir brjóstagjöf þar sem barn er með í mynd, jafnvel þótt vörtubaugurinn sé sýnilegur. Áður var aðeins hægt að afla tekna af slíku efni ef vörtubaugurinn var ekki sýnilegur. Nú er einnig hægt að afla auglýsingatekna af vídeóum þar sem brjóst við brjóstagjöf eru aðalefni smámyndar, ef vörtubaugurinn er ekki sýnilegur.
- Kynþokkafullur dans: Nú er hægt að afla auglýsingatekna af efni þar sem sýndur er dans sem ekki er kynferðislega grófur en felur þó í sér taktfastar hreyfingar líkamshluta, t.d. twerk eða nuddandi, eða þar sem dansararnir eru fáklæddir. Áður var ekki hægt að afla tekna af slíku efni.
Við gerum þessar breytingar á leiðbeiningum um efni ætlað fullorðnum til að gera höfundum kleift að fá auglýsingatekjur af efni sem sýnir dans sem ekki er kynferðislega grófur, svo sem twerk, eða af efni sem tengist brjóstagjöf.
Greinin Leikir og tekjuöflun er einnig uppfærð til að endurspegla þessar breytingar á reglunum.
Breytingar á leiðbeiningum um auglýsingavænt efni (október 2023)
Við breyttum heitinu á reglum okkar úr „Skaðlegt og hættulegt athæfi” í „Skaðlegt athæfi og óáreiðanlegt efni.” Við bættum einnig við nánari útskýringum um að efni sem inniheldur fullyrðingar sem eru sannanlega rangar og gætu dregið umtalsvert úr þátttöku eða trausti á kosningum eða lýðræðislegu ferli aflar ekki auglýsingatekna. Sem dæmi má nefna upplýsingar um opinber kosningaferli, gjaldgengi stjórnmálaframbjóðenda byggt á aldri eða fæðingarstað, kosninganiðurstöður eða þátttöku í manntali sem eru í ósamræmi við opinberar skrár stjórnvalda. Efni sem vitnar í rangar fullyrðingar á þessu sviði og gerir það ljóst að þær séu rangar, eins og umsagnir, fræðslu- eða heimildarefni, getur aflað auglýsingatekna.
Við höfum ekki breytt því hvernig við framfylgjum þessari reglu, sem þýðir að það verður enginn munur á því hvernig athugað er hvort vídeóin þín eru nógu auglýsingavæn.
Breytingar á leiðbeiningum um auglýsingavænt efni (september 2023)
Við uppfærðum leiðbeiningar okkar um deiluefni.
- Við leyfum höfundum að afla meiri auglýsingatekna af efni sem fjallar til dæmis um þungunarrof og kynferðislega misnotkun fullorðinna. Það þýðir að hægt er að afla fullra tekna af efni þar sem þessi umfjöllunarefni eru rædd án þess að fara út í ítarlegar lýsingar. Við vitum að vídeó þar sem fjallað er um efni af þessu tagi geta reynst notendum gagnleg, svo að við viljum tryggja eins og mögulegt er að notendur séu ekki lattir til þess að ræða deiluefni, án þess að gera það á lýsandi eða grófan hátt, með því að fjarlægja tekjuöflun. Við erum auk þess meðvituð um að sumum samfélögum höfunda finnst þau fá fleiri gul tákn vegna þess að þau hlaða upp efni um umfjöllunarefni sem hafa mun meiri áhrif á þau en aðra. Við vonum að þessar breytingar geti veitt öllum höfundum meira rými til þess að ræða þessi umfjöllunarefni og geta haft af því auglýsingatekjur.
- Auk þess erum við að samræma leiðbeiningar okkar um auglýsingavænt efni varðandi átraskanir við reglur YouTube-samfélagsins. Efni sem einblínir á átraskanir og deilir kveikjum eins og leiðbeiningum varðandi lotugræðgi, það að fela eða safna mat eða misnota hægðalyf mun ekki fá auglýsingatekjur.
- Þessi breyting tryggir að ekki sé hvatt til gerðar á slíku efni með auglýsingum og að leiðbeiningar okkar varðandi tekjuöflun og reglur netsamfélagsins verði áfram samræmdar.
- Athugaðu að fræðsluefni eða heimildaefni, og efni frá þolendum þar sem vísað er til þessara hliða á því að glíma við átröskun án þess að hvetja til slíkra athafna, verður ekki fyrir áhrifum af þessari breytingu.
Greinin Leikir og tekjuöflun er einnig uppfærð til að endurspegla þessar breytingar á reglunum.
Horfðu á Creator Insider-vídeóið okkar til að fá meiri upplýsingar um þessa uppfærslu.
Breytingar á leiðbeiningum um auglýsingavænt efni (mars 2023)
Við uppfærðum leiðbeiningar okkar varðandi óviðeigandi málfar. Blótsyrði (til dæmis „fokk") notuð á fyrstu sjö sekúndum eða meirihluta vídeós geta valdið því að auglýsingatekjur verði takmarkaðar frekar en að lokað sé á auglýsingatekjur eins og áður hefur verið tilkynnt hér að neðan. Ef orð á borð við „tík", „skíthæll", „fáviti" og „andskotinn” koma fyrir í efni vídeós er það gjaldgengt í græn tákn. Blótsyrði á fyrstu 8-15 sekúndunum geta nú fengið auglýsingatekjur. Við höfum einnig útskýrt leiðbeiningar okkar um hvernig blótsyrði í tónlist eru meðhöndluð, en sterk blótsyrði notuð í tónlist í bakgrunni, bakgrunnslögum eða inngangs-/útgangstónlist geta aflað auglýsingatekna.
2022
Breytingar á leiðbeiningum um auglýsingavænt efni (nóvember 2022)
Við uppfærðum leiðbeiningarnar til að gera þær skýrari og bæta við breytingum á viðmiðum og hæfi til auglýsinga. Hér fyrir neðan eru þær leiðbeiningar sem verða fyrir breytingum og nokkur dæmi um það sem breytist:
- Efni ætlað fullorðnum
- Smámyndir, titlar og vídeó sem innihalda kynferðislega texta (eins og 18+ tengla), klámfengið orðalag, myndir (til dæmis raunverulegar eða teiknaðar rasskinnar sem eru lítið huldar), hljóð (eins og að deila kynferðislegum ráðum eða vinnuupplifun) og kynferðislega svalandi athafnir (eins og mökun dýra eða óbeinar kynferðislegar athafnir) geta ekki fengið auglýsingatekjur.
- Regluframfylgni hvað varðar sígilda myndlist sem sýnir kynferðislegar athafnir, kynferðislegan dans eða kynfræðslu sem hefur ekki þann tilgang að æsa áhorfendur verður áfram óbreytt og slíkt efni getur fengið auglýsingatekjur.
- Ofbeldi
- Myndir af líkum, ekki grófar, settar fram án nokkurs samhengis, leikjaofbeldi sem beinist að raunverulegri nafngreindri manneskju, athafnir sem eru til þess gerðar að skapa hræðilega upplifun (eins og grimmileg fjöldamorð) og hótanir um dauða (eins og að sprengja byggingu með fólki) geta ekki fengið auglýsingatekjur.
- Venjuleg leikjaspilun þar sem blóðug meiðsli sjást eftir fyrstu átta sekúndurnar, harmleikir sem eru ekki settir fram á grófan hátt og afleiðingar þeirra (eins og myndefni af bæ sem flætt hefur yfir) eða lögregluaðgerðir sem hluti af löggæslu geta fengið auglýsingatekjur.
- Skaðlegar eða hættulegar athafnir
- Hættulegar athafnir þar sem ólögráða einstaklingar eru þátttakendur (til dæmis þegar ólögráða einstaklingar taka þátt í tilraunum eða áskorunum sem fela í sér háskaleiki sem eru óviðeigandi fyrir börn) geta ekki fengið auglýsingatekjur.
- Viðkvæmir atburðir
- Allt umfjöllunarefni sem tengist samtökum með fíkniefnaviðskipti og erlendum hryðjuverkasamtökum verður flokkað sem Skaðlegar eða hættulegar athafnir frekar en Viðkvæmir atburðir.
- Tungutak sem lýtur að viðkvæmum atburðum hefur verið uppfært til að tryggja að það sé skýrt og skiljanlegt en annars er regluframfylgni óbreytt.
- Óviðeigandi málfar
- Viðhorf okkar til blótsyrða hefur breyst. Nú er farið eins með allar gerðir blótsyrða, sem þýðir að ekki er gerður greinarmunur hvað grófleika varðar (til dæmis, létt, miðlungs, sterk eða öfgafull) og við lítum ekki lengur á „helvítis“ eða „andskotans“ sem blótsyrði. Þar af leiðir að ef blótsyrði eru notuð í titli, smámyndum eða í fyrstu sjö sekúndum af vídeói eða eru notuð stanslaust í vídeói getur það ekki fengið auglýsingatekjur.
- Blótsyrði sem notuð eru í vídeóum eftir fyrstu átta sekúndurnar geta fengið auglýsingatekjur. Sú afstaða okkar að tekjuvæða ekki efni sem inniheldur blótsyrði út í gegn eða þar sem meirihluti vídeósins hefur slíkt að geyma hefur ekki breyst.
- Fíkniefni og efni tengt þeim
- Leikjaefni með notkun og neyslu fíkniefna eins og sprautum eða jónureykingum getur ekki fengið auglýsingatekjur.
- Leikjaefni með fíkniefnaviðskiptum eða tali um fíkniefni getur fengið auglýsingatekjur.
Við erum einnig að innleiða nýjar leiðbeiningar undir Efni sem leiðir til óheiðarlegrar hegðunar. Eftirfarandi efni verður hér eftir í flokknum „Þetta efni fær engar auglýsingatekjur“:
- Að þykjast vera starfsmaður smásöluverslunar án samþykkis eigandans eða brjóta hátternisreglur (eins og að vera áfram í versluninni eftir lokunartíma).
- Að nota eða hvetja til hökkunar á hugbúnaði í rafíþróttum.
Greinin Leikir og tekjuöflun var einnig uppfærð til að endurspegla þessar breytingar á reglunum.
Breytingar á leiðbeiningum um auglýsingavænt efni (október 2022)
Síðan Leiðbeiningar um auglýsingavænt efni hefur verið uppfærð til að skýrt sé fyrir höfundasamfélagið að tekjuöflunarleiðbeiningarnar sem nú eru tilgreindar um vídeó gilda bæði um sniðin VOD (löng vídeó) og Shorts. Engar breytingar voru gerðar á reglunum, þannig að þú munt ekki taka eftir neinum breytingum á því hvernig athugað er hvort vídeóin þín eru nógu auglýsingavæn. Við munum koma með nánari fréttir þegar breytingar eru gerðar. Þú getur fengið nánari upplýsingar hér um hvenær tekjudeilingar á auglýsingatekjum fyrir Shorts byrja.
Breytingar á leiðbeiningum um auglýsingavænt efni (ágúst 2022)
Við höfum uppfært leiðbeiningar varðandi tekjuöflun á efni sem kann að vera skaðlegt eða hættulegt. Upphlaðin vídeó sem sýna regluvörslu mega ekki birta auglýsingar.
Síðan Leiðbeiningar um auglýsingavænt efni hefur verið uppfærð til að endurspegla þetta. Engar breytingar voru gerðar á reglunum, þannig að þú munt ekki taka eftir neinum breytingum á því hvernig athugað er hvort vídeóin þín eru nógu auglýsingavæn.
Breytingar á leiðbeiningum um auglýsingavænt efni hvað varðar óviðeigandi efni fyrir börn og fjölskyldur (apríl 2022)
Nýlega uppfærðum við leiðbeiningar um auglýsingar fyrir efni sem er -„ætlað börnum“ til að leiðbeina höfundum um það hvað hentar fyrir auglýsingar og hvað ekki. Við bjuggum til nýjan leiðarvísi sem heitir „Efni sem er óviðeigandi fyrir börn og fjölskyldur“ og inniheldur þrjá flokka: Efni sem ýtir undir neikvæða hegðun, Efni fyrir fullorðna sem beinist að börnum og Hneykslandi efni sem beinist að börnum.
Uppfærslur í sambandi við stríðið í Úkraínu (mars 2022)
Við höfum birt leiðbeiningar á síðunni Leiðbeiningar um auglýsingavænt efni í sambandi við yfirstandandi stríð í Úkraínu:
Vegna stríðsins í Úkraínu er efni sem misnotar, afneitar eða horfir framhjá stríðinu ekki gjaldgengt til tekjuöflunar þar til annað er tilkynnt. Þessari uppfærslu er ætla að skýra, og í sumum atriðum færa út leiðbeiningar okkar í sambandi við stríðið.
2021
Breytingar á leiðbeiningum um auglýsingavænt efni ætlað fullorðnum (desember 2021)
Við höfum uppfært leiðbeiningar varðandi tekjuöflun á efni sem inniheldur tæki til að bera kennsl á kyn. Leyfilegt er að birta auglýsingar í efni sem sýnir hluti sem líkjast kynfærum, t.d. brjóstum eða getnaðarlim, án þess að sýna nekt, sem höfundar nota til að útskýra kynáttunarvanda sinn.
Breytingar á leiðbeiningum um auglýsingavænt efni hvað varðar skaðlegar eða hættulegar athafnir (október 2021)
Við uppfærðum leiðbeiningarnar okkar til að veita skýrari dæmi um eftirfarandi hluta í reglunum: Efni ætlað fullorðnum, ofbeldi, hneykslandi efni, hatursfullt og niðrandi efni, viðkvæmir atburðir, efni tengt skotvopnum og fíkniefni og efni tengt þeim. Við bættum einnig við nýjum hluta með skilgreiningum til að skýra helstu hugtökin sem eru notuð í leiðbeiningunum.
Auk þess kynnum við nýjar leiðbeiningar til sögunnar: Efni sem leiðir til óheiðarlegrar hegðunar. Þær segja til um hæfi til birtingar auglýsinga með efni sem tengist óleyfilegri inngöngu, svindli eða tölvuhökkun sem er gerð persónulega eða gegn greiðslu.
Einnig flytjum við leiðbeiningar okkar um tekjuöflun af efni sem tengist COVID-19 í leiðbeiningar um auglýsingavænt efni af síðu sem var áður aðskilin, til að auðveldara sé að lesa þær. Heimsóknir á fyrri síðuna vísa áfram í leiðbeiningar um auglýsingavænt efni.
Greinin Leikir og tekjuöflun var einnig uppfærð til að endurspegla þessar breytingar á reglunum.
Breytingar á leiðbeiningum um auglýsingavænt efni hvað varðar skaðlegar eða hættulegar athafnir (október 2021)
Í nóvember ætlum við að uppfæra leiðbeiningar um tekjuöflun tengda villandi upplýsingum um loftslagsbreytingar þannig að skýrara sé að efni þar sem kynntar eru fullyrðingar um loftslagsbreytingar sem eru á skjön við samhljóða álit vísindamanna mega ekki birta auglýsingar. Fræðsluefni, heimildarmyndir eða fréttir um þetta efni mega áfram birta auglýsingar.
Farðu í hjálparmiðstöð Google Ads hér til að fá frekari upplýsingar um uppfærsluna.
Breytingar á leiðbeiningum um auglýsingavænt efni hvað varðar efni sem tengist skotvopnum (september 2021)
Við erum að skýra nánar fyrirliggjandi leiðbeiningar um tekjuöflun varðandi efni tengt skotvopnum. Efni sem sýnir skotvopn tekin í sundur og sett saman vegna viðhalds má birta auglýsingar. Við eflum einnig leiðbeiningarnar fyrir aðrar gerðir efnis sem tengist skotvopnum.
Síðan með leiðbeiningum um auglýsingavænt efni verður uppfærð til að endurspegla þessa breytingu í október, í hlutanum Efni tengt skotvopnum.
Breytingar á leiðbeiningum um auglýsingavænt efni fyrir ofbeldi (júlí 2021)
Við uppfærum leiðbeiningar um tekjuöflun varðandi ofbeldi, til að taka skýrar fram að ekki megi birta auglýsingar í efni sem sýnir dýr sem þjást vegna mannlegs inngrips.
Breytingar á mörgum reglum í leiðbeiningum um auglýsingavænt efni og í greinum um leiki og tekjuöflun (apríl 2021)
Við höfum uppfært leiðbeiningar okkar út frá ábendingum frá höfundum og auglýsendum til að leyfa meira efni að vera gjaldgengt í fulla tekjuöflun (grænt tákn) og viðhalda um leið stöðlum auglýsingageirans.
Í byrjun munum við opna fyrir tekjuöflun af fræðandi efni, heimildar- og fréttaefni sem gæti innihaldið átök við löggæslu, fíkniefni og efni tengt fíkniefnum eða viðkvæma atburði. Við munum einnig opna fyrir tekjuöflun af deiluefnum þar sem viðeigandi, hlutlægar umræður um deiluefni eru í vídeóinu.
Síðan munum við einnig opna fyrir tekjuöflun til að leyfa fullorðinsþemu í grínsamhengi (t.d. brandara um rómantík og stefnumót) og notkun á miðlungssterkum blótsyrðum (t.d. andskotinn og tík) fyrstu 30 sekúndurnar.Einnig fjölguðum við dæmum í eftirfarandi hlutum til að skýra leiðbeiningarnar nánar: Efni ætlað fullorðnum, Skaðlegar eða hættulegar athafnir og Efni tengt skotvopnum í leiðbeiningunum um auglýsingavænt efni.
Hlutinn „Ráð til að afla tekna af leikjavídeóum“ í greininni Leikir og tekjuöflun var einnig uppfærður til að endurspegla þessar breytingar á reglunum.
Viðbætur við leiðbeiningar um efni varðandi óviðeigandi málfar, ofbeldi, fíkniefni og efni tengt fíkniefnum, ásamt uppfærslu á reglum um tekjuöflun varðandi COVID-19 (febrúar 2021)
Greinin Leiðbeiningar um auglýsingavænt efni inniheldur núna fleiri dæmi í hlutanum „Þú getur kveikt á auglýsingum fyrir þetta efni“ í leiðbeiningunum um óviðeigandi málfar, ofbeldi og fíkniefni og efni tengt fíkniefnum
Auk þess voru gerðar breytingar á greininni Uppfærsla um tekjuöflun af COVID-19-efni ásamt hlutanum um skaðlegar eða hættulegar athafnir í leiðbeiningunum um auglýsingavænt efni til að veita nánari leiðbeiningar um efni um bólusetningar.
Ný síða búin til með leiðbeiningum um auglýsingavænt efni í tengslum við leikjaefni (janúar 2021)
Við birtum nýja síðu til að hjálpa YouTube-höfundum sem gera leikjaefni að skilja leiðbeiningarnar um auglýsingavænt efni og til að hjálpa við að setja leiki og tekjuöflun í samhengi.
Nýja síðan var búin til í þeim tilgangi að gera leiðbeiningarnar skýrari, sérstaklega hvað varðar leikjaefni, og til að stuðla að bættum skilningi á sjálfsvottun YouTube-höfunda sem gera leikjaefni.
Engar breytingar voru gerðar á reglunum, þannig að þú munt ekki taka eftir neinum breytingum á því hvernig athugað er hvort vídeóin þín eru nógu auglýsingavæn.
Breytingar á mörgum hlutum í leiðbeiningunum um auglýsingavænt efni, til að veita frekari upplýsingar og dæmi. Greinin „Gefðu efninu þínu einkunn með sjálfsvottun“ tekin úr notkun (janúar 2021)
Greinin Leiðbeiningar um auglýsingavænt efni hefur nú verið uppfærð með nýjum leiðbeiningum og dæmum um sjálfsvottun Í tengslum við það hefur greinin „Gefðu efninu þínu einkunn með sjálfsvottun“ verið tekin úr notkun.
Ný og yfirgripsmikil dæmi skýra nánar um hvaða efni ræðir í „Þú getur kveikt á auglýsingum en einungis vörumerki sem velja það munu birta auglýsingar“ (takmarkaðar auglýsingar) og „Þú ættir að slökkva á auglýsingum fyrir þetta efni“ (engar auglýsingar) í reglunum um efni ætlað fullorðnum og hatursfullt og niðrandi efni. Einnig aðskildum við reglurnar um viðkvæma atburði og deiluefni til að tryggja ítarlegar og gagnsæjar leiðbeiningar um reglurnar.
Lítilsháttar viðbætur við reglur um skaðlegar eða hættulegar athafnir voru settar inn til að sýna fleiri dæmi um efni sem auglýsingar gætu verið takmarkaðar eða stöðvaðar í.
Nýrri athugasemd var bætt við reglur um fjölskylduefni til upplýsingar um að eftirfarandi flokkar eru hópaðir saman í öðrum reglum í spurningalista sjálfsvottunar í YouTube Studio: efni sem kyndir undir ófriði og er niðurlægjandi, efni tengt tóbaki og fullorðinsþemu.
Engar breytingar voru gerðar á reglunum, þannig að þú munt ekki taka eftir neinum breytingum á því hvernig athugað er hvort vídeóin þín eru nógu auglýsingavæn.
2020
Breytingar á mörgum hlutum í „Gefðu efninu þínu einkunn með sjálfsvottun“ til að veita frekari upplýsingar og dæmi (október 2020)
Í greininni Gefðu efninu þínu einkunn með sjálfsvottun er nú að finna ítarlegri dæmi um reglur um ofbeldi og efni ætlað fullorðnum í hlutanum „Þú getur slökkt á auglýsingum fyrir þetta efni“ til að skýra nánar um hvaða efni ræðir. Við skýrðum einnig skilgreininguna á „viðkvæmum atburðum“ og „viðfangi“ í hlutanum um deiluefni og viðkvæma atburði.
Lítilsháttar viðbætur við hlutana um skaðlegar eða hættulegar athafnir og óviðeigandi málfar voru settar inn til að sýna fleiri dæmi um efni sem veldur tilfinningalegu uppnámi og til að skýra nánar að mikil notkun á grófum blótsyrðum gæti leitt til takmarkaðra eða engra auglýsinga.
Engar breytingar voru gerðar á reglunum, þannig að þú munt ekki taka eftir neinum breytingum á því hvernig athugað er hvort vídeóin þín eru nógu auglýsingavæn.
Viðbót við fréttatengdar leiðbeiningar um auglýsingavænt efni (ágúst 2020)
Leiðbeiningarnar um ofbeldi og deiluefni og viðkvæma atburði verða skýrðar til að segja hvaða áhrif reglurnar okkar hafa á fréttaflutning af nýlegum atburðum.
Þessi breyting verður virk í ágúst.
Upplýsingum um yfirgengilegt efni bætt við leiðbeiningar um auglýsingavænt efni (ágúst 2020)
Leiðbeiningarnar um yfirgengilegt efni eru útskýring á fyrirliggjandi reglum og fjalla aðallega um efni sem gæti valdið uppnámi eða viðbjóði eða hneykslað áhorfendur. Við breytum þessum gögnum til að hjálpa höfundum að skilja hvers konar efni getur ekki birt auglýsingar.
Nýjum kafla verður bætt við spurningalistann fyrir sjálfsvottun. Leiðbeiningar um auglýsingavænt efni og greinin Gefðu efninu þínu einkunn með sjálfsvottun verða einnig uppfærðar í ágúst til að veita höfundasamfélaginu eins ítarlegar upplýsingar og hægt er.
Engar breytingar voru gerðar á reglunum, þannig að þú munt ekki taka eftir neinum breytingum á því hvernig athugað er hvort vídeóin þín eru nógu auglýsingavæn.
Breytingar á óviðeigandi málfari (júní 2020)
Orðalaginu í þessum hluta var breytt til að skýra að rangt stafsett blótsyrði í titli eða smámynd til að fela óviðeigandi málfar mun leiða til takmarkaðra eða engra auglýsinga. Höfundar geta skoðað breytta orðalagið hérna.
Engar breytingar voru gerðar á reglunum, þannig að þú munt ekki taka eftir neinum breytingum á því hvernig athugað er hvort vídeóin þín eru nógu auglýsingavæn.
Uppfærslur á „Gefðu efninu þínu einkunn með sjálfsvottun“ (maí 2020)
Greinin inniheldur nú dæmi um efnisgerðir sem falla í valkostina sem eru tilgreindir í spurningalistanum sem þú getur fundið á reikningnum þínum. Við bættum einnig við skilgreiningum á helstu hugtökum, t.d. nekt, sem vísað er til í spurningalistanum.
Engar breytingar voru gerðar á reglunum, þannig að þú munt ekki taka eftir neinum breytingum á því hvernig athugað er hvort vídeóin þín eru nógu auglýsingavæn.
Uppfærslur varðandi COVID-19 (apríl 2020)
Nú er hægt að afla tekna af efni sem vísar í og/eða fjallar um COVID-19 og fer eftir leiðbeiningum um auglýsingavænt efni og reglum netsamfélagsins (grænt tákn birtist við það). Nánari leiðbeiningar um tekjuöflun af efni um COVID-19 má finna hér.
Uppfærslur á deiluefnum og viðkvæmum atburðum og óviðeigandi málfari (febrúar 2020)
Greinin inniheldur nú ítarlegri lista yfir málefni sem teljast vera umdeild og útskýringar á því hvernig við skilgreinum viðkvæma atburði. Við skýrðum einnig leiðbeiningar um óviðeigandi málfar.
Engar breytingar voru gerðar á reglunum, þannig að þú ættir ekki að taka eftir neinum breytingum á því hvernig athugað er hvort vídeóin þín eru nógu auglýsingavæn.
2019
Uppfærslur á leiðbeiningum um auglýsingavænt efni, dæmum bætt við (júní 2019)
Greinin inniheldur nú fleiri dæmi um efni sem fær takmarkaðar eða engar auglýsingar.
Engar breytingar voru gerðar á reglunum, þannig að þú ættir ekki að taka eftir neinum breytingum á því hvernig athugað er hvort vídeóin þín eru nógu auglýsingavæn.