ბავშვების ინფორმაციის ონლაინ კონფიდენციალურობის დაცვის აქტსა და სხვა კანონებთან შესაბამისობისათვის, YouTube-ზე აკრძალულია პერსონალიზებული რეკლამების, რემარკეტინგის და სხვა პერსონალიზებული სამიზნე ფუნქციები, რომლებიც გამოიყენება შემდეგი მიზნებისთვის:
- Family Link-ის მეშვეობით მართული Google ანგარიშები 13 წლამდე ასაკის (ან თქვენს ქვეყანაში შესაბამის ასაკამდე) ბავშვებისთვის, რომლებიც აქ ზედამხედველობის ქვეშ მყოფი ანგარიშების სახელით მოიხსენიება.
- კონტენტი, რომელიც დაყენებულია როგორც ბავშვებისთვის შექმნილი
კონტექსტური რეკლამები შეიძლება განთავსდეს YouTube-ზე ზედამხედველობის ქვეშ მყოფი ანგარიშებისთვის და კონტენტზე, რომლის პარამეტრი დაყენებულია როგორც ბავშვებისთვის შექმნილი ეს რეკლამები დამოკიდებულია ისეთ ფაქტორებზე, როგორიცაა:
- კონტენტი, რომლის ნახვაც ხდება
- მნახველის მიმდინარე ძიება
- მნახველის ზოგადი მდებარეობა (როგორიცაა ქალაქი ან შტატი)
რეკლამა უნდა აკმაყოფილებდეს ბავშვებისთვის შექმნილი რეკლამის წესების მოთხოვნებს იმისთვის, რომ დასაშვები იყოს მისი YouTube-ზე გამოჩენა ზედამხედველობის ქვეშ მყოფი ანგარიშებისთვის და ისეთ კონტენტში, რომელიც დაყენებულია როგორც ბავშვებისთვის შექმნილი.
რეკლამის ყურება „ბავშვებისთვის შექმნილის“ კონტენტში
რეკლამა გარკვეულ კატეგორიებში შესაძლოა კვლავ გამოჩნდეს კონტენტში, რომელიც მონიშნულია როგორიც „ბავშვებისთვის შექმნილი“. „ბავშვებისთვის შექმნილი“ კონტენტის მნახველებმა შეიძლება ნახონ სარეკლამო ბამპერი ვიდეოს რეკლამამდე და მის შემდეგ პერიოდში. ეს აფრთხილებს მათ, როცა რეკლამა იწყება და მთავრდება.
„ბავშვებისთვის შექმნილი“ კონტენტის რეკლამასთან დაკავშირებით რეკლამის განმთავსებლის წესების შესახებ ინფორმაციის მისაღებად, იხილეთ ჩვენი წესები „ბავშვებისთვის შექმნილი“ რეკლამის შესახებ.
წესები რეკლამის განმთავსებლებისთვის
რეკლამის განმთავსებლებს არ აქვთ YouTubeზე რეკლამის განთავსების უფლება ზედამხედველობის ქვეშ მყოფი ანგარიშებისთვის ან იმ კონტენტისთვის, რომელიც დაყენებულია როგორც „ბავშვებისთვის შექმნილი“.
რეკლამირება, რომელიც ბავშვებისთვის არის გათვალისწინებული ან იმ კონტენტის თაობაზე, რომელიც დაყენებულია როგორც „ბავშვებისთვის შექმნილი“, უნდა აკმაყოფილებდეს ყველა შესაბამის კანონს და რეგულაციას. ის არ უნდა:
- იყოს მაცდური ხასიათის, უსამართლო ან არასათანადო მისი სამიზნე აუდიტორიისთვის
- იყენებდეს რომელიმე მესამე მხარის მეთვალყურეებს ან სხვაგვარად ცდილობდეს პერსონალური ინფორმაციის შეგროვებას
ქვემოთ მოყვანილია რამდენიმე პროდუქტი, რომელთა რეკლამირება რეკლამის განთავსებლებისთვის YouTube-ზე დაუშვებელია ზედამხედველობის ქვეშ მყოფი ანგარიშების და იმ კონტენტის შემთხვევაში, რომელიც დაყენებულია როგორც ბავშვებისთვის შექმნილი
- მედია, რომელიც ბავშვებისთვის მიზანშეწონილი არ არის: მედია (ფილმები, სერიალები და სხვ.), რომლებიც სენსიტიურია 13 წლამდე ასაკის მომხმარებლისთვის საჩვენებლად.
- ვიდეო თამაშები, რომლებიც ბავშვებისთვის მიზანშეწონილი არ არის ელექტრონული ვიდეო თამაშები (და მათთან დაკავშირებული აქსესუარები), რომელთა თამაშიც შესაძლებელია ვიდეო თამაშების კონსოლზე, კომპიუტერზე ან სხვა ელექტრონულ მოწყობილობაზე, როგორიცაა მობილური ტელეფონი ან ტაბლეტი, თუ თამაშის ინდუსტრიული რეიტინგი არ იქნება 13 წლამდე ასაკის აუდიტორიისათვის შესაფერისი.
- გაცნობა და ურთიერთობები: გაცნობის საიტების, საოჯახო კონსულტაციებისა და ქორწინების თუ განქორწინების სერვისების რეკლამები.
- სილამაზე და წონაში დაკლება: პროდუქტები, რომლებიც ეხება თავის მოვლის გარე საშუალებებს, ფიტნესს, ვარჯიშს წონის დასაკლებად, დიეტასა და კვებას.
- საკვები და სასმელი: აკრძალულია მოხმარებად საკვებთან და სასმელთან დაკავშირებული პროდუქტების, კვების რაციონის მიუხედავად.
- უკანონო ან რეგულირებადი პროდუქცია: აკრძალულია პროდუქტები, რომლებიც რეგულირდება ან უკანონოა მათი ბავშვებისთვის რეკლამირება, მათ შორის, აკრძალული კონტენტი და შეზღუდული კონტენტი. ამაში ასევე შედის პროდუქტები, რომლებმაც შეიძლება საფრთხე შეუქმნას ბავშვებს.
- პოლიტიკური რეკლამა: პოლიტიკური ფასიანი რეკლამა, მათ შორის ინფორმაცია პოლიტიკური კანდიდატების ან მათი პოლიტიკური თანამდებობების, პოლიტიკური პარტიების, ფინანსების მოზიდვის ან პოლიტიკური სამოქმედო კომიტეტების ან მათი დღის წესრიგის შესახებ.
- რელიგიური რეკლამა: აკრძალულია ნებისმიერი სახის რელიგიური ფასიანი რეკლამა, მაგ., რელიგიასთან, რელიგიურ მრწამსთან დაკავშირებული, მათ შორის, რელიგიური სკოლების, რელიგიური წიგნების და სხვ. შემოთავაზებები.
- ზრდასრულთა კონტენტთან დაკავშირებული რეკლამა: სექსუალური და ზრდასრულთა კონტენტი, რომელიც განკუთვნილია ზრდასრული აუდიტორიისთვის და არ არის შესაფერისი 13 წლამდე ასაკის მომხმარებლებისთვის.
- სახიფათო კონტენტი: კონტენტი, რომელიც საშიშია და არ არის მიზანშეწონილი 13 წლამდე ასაკის მომხმარებლებისთვის ან, ძირითადად, მოითხოვს ზრდასრულთა ზედამხედველობას.
- ძალადობრივი კონტენტი: ძალადობრივი და გრაფიკული კონტენტი, რომელიც განკუთვნილია ზრდასრული აუდიტორიისთვის და არ არის მიზანშეწონილი 13 წლამდე ასაკის მომხმარებლებისთვის.