Til að fylgja lögum um persónuvernd barna á netinu og öðrum lögum eru sérsniðnar auglýsingar, endurmarkaðssetning og aðrir eiginleikar tengdir sérsniðinni miðun bönnuð á YouTube fyrir:
- Google reikninga sem stjórnað er með Family Link fyrir börn undir 13 ára (eða viðeigandi aldri í þínu landi), sem hér er vísað til sem forsjárreikninga.
- Efni stillt sem ætlað börnum
Hægt er að birta samhengismiðaðar auglýsingar á YouTube fyrir forsjárreikninga og í efni sem stillt er sem ætlað börnum. Þær auglýsingar eru byggðar á þáttum eins og:
- Efninu sem horft er á
- Núverandi leit áhorfandans
- Almennri staðsetningu áhorfandans (til dæmis borg eða ríki)
Auglýsingar þurfa að fylgja auglýsingareglum um efni ætlað börnum til að vera gjaldgengar í að birtast á YouTube fyrir forsjárreikninga og í efni sem stillt er sem ætlað börnum.
Horfa á auglýsingar í efni „ætluðu börnum"
Auglýsingar í tilteknum flokkum kunna að birtast í efni sem merkt er „ætlað börnum". Áhorfendur efnis sem er „ætlað börnum" sjá kannski innskotsauglýsingu fyrir og eftir að vídeóauglýsing birtist. Það varar þá við að auglýsing sé að hefjast eða ljúka.
Kynntu þér auglýsingareglur fyrir efni sem er „ætlað börnum“ til að skilja auglýsingareglur fyrir efni sem „ætlað er börnum".
Reglur fyrir auglýsendur
Auglýsendur mega ekki birta sérsniðnar auglýsingar á YouTube fyrir forsjárreikninga né í efni sem stillt er sem ætlað börnum.
Auglýsingar sem eru ætlaðar börnum eða eru í efni sem stillt er sem ætlað börnum þurfa að fylgja öllum viðeigandi lögum og reglugerðum. Þær mega ekki:
- Vera villandi, ósanngjarnar eða óviðeigandi fyrir ætlaðan markhóp
- Nota rakningu frá þriðja aðila eða reyna á annan hátt að safna persónuupplýsingum
Hér að neðan eru nokkrar vörur sem auglýsendur mega ekki auglýsa á YouTube fyrir forsjárreikninga eða í efni sem stillt er sem ætlað börnum:
- Efni sem ekki er við hæfi barna: Efni (kvikmyndir, sjónvarpsþættir o.s.frv.) sem er viðkvæmt að sýna notendum yngri en 13 ára.
- Tölvuleikir sem ekki eru við hæfi barna: Tölvuleikir (og tengdir fylgihlutir) sem hægt er að spila í leikjatölvu, í tölvu eða öðru raftæki, til dæmis farsíma eða spjaldtölvu, eru bannaðir ef flokkun af hálfu leikjaiðnaðarins gefur til kynna að leikur henti ekki börnum sem eru yngri en 13 ára.
- Stefnumót og samskipti: Auglýsingar fyrir stefnumótasíður, fjölskylduráðgjöf og þjónustu sem tengist giftingum eða skilnaði.
- Fegurð og megrun: Vörur sem tengjast snyrtingu, líkamsræktarvörur tengdar megrun, mataræði og næringu.
- Matur og drykkur: Vörur sem tengjast mat og drykk eru bannaðar, óháð næringargildi.
- Vörur sem eru ólöglegar eða eftirlitsskyldar: Vörur sem heyra undir regluverk má ekki auglýsa fyrir börn, þar með talið erbannað efni og efni sem sætir takmörkunum. Þar með taldar eru einnig vörur sem geta stefnt öryggi barna í hættu.
- Pólitískar auglýsingar: Greiddar pólitískar auglýsingar af nokkru tagi, þar á meðal upplýsingar um pólitíska frambjóðendur eða stefnumál þeirra, stjórnmálaflokka, fjáröflun eða stjórnmálanefndir eða stefnumál þeirra.
- Trúarauglýsingar: Trúarauglýsingar af öllu tagi eru bannaðar, til dæmis tilboð sem tengjast trú, trúarskoðunum, þar á meðal um trúarskóla, trúarbækur o.s.frv.
- Auglýsingar sem tengjast efni fyrir fullorðna: Kynferðislegt efni og efni fyrir fullorðna sem ætlað er fullorðnum og ekki við hæfi notenda sem eru yngri en 13 ára.
- Hættulegt efni: Efni sem er hættulegt og ekki við hæfi notenda sem eru yngri en 13 ára eða efni sem almennt heyrir undir eftirlit fullorðinna.
- Ofbeldisfullt efni: Ofbeldisfullt og berort efni sem ætlað er fullorðnum og ekki telst við hæfi notenda yngri en 13 ára.