Paano bumili ng mga pelikula at palabas sa TV sa mga smart TV, streaming device, at game console

Available lang ang pag-playback ng mga HD at UHD na pelikula at palabas para sa ilang partikular na device at bilis ng internet. Pumunta sa mga kinakailangan sa device para sa HD/UHD para sa higit pang impormasyon.

Para makabili ng mga pelikula at palabas sa TV sa YouTube, dapat ay 18 taong gulang ka na pataas at kailangan mo ng Google Account na may valid na paraan ng pagbabayad.

Tandaan: Hindi lalabas sa iyong Google Play Family Library ang mga pelikulang binili sa YouTube. Matuto pa.

Puwede kang bumili ng mga pelikula at palabas sa TV sa pinakabagong bersyon ng YouTube app sa mga sinusuportahang Smart TV, kabilang ang mula sa mga sumusunod na manufacturer:

• LG
• Panasonic
• Roku
• Samsung
• Sony
• TPV
• Vestel
• Vizio

Para bumili, kailangang naka-sign in ka sa iyong Google Account at may naka-save kang valid na paraan ng pagbabayad. Kung wala kang naka-save na valid na paraan ng pagbabayad, kakailanganin mong magdagdag ng paraan ng pagbabayad gamit ang isang computer o mobile device.

Para bumili sa iyong smart TV, streaming device, o game console:

1. Pumunta sa iyong YouTube app sa smart TV, streaming device, o game console mo.
2. Maghanap ng pelikula o palabas sa TV na interesado ka. Kung gusto mong mag-browse, maghanap ng “Mga pelikula."
3. Piliin ang pelikula o palabas na gusto mong panoorin. Piliin ang Rentahan para magrenta. Piliin ang Bilhin para bilhin ang palabas sa TV o pelikula.
4. Kumpirmahin ang iyong paraan ng pagbabayad at piliin ang Magpatuloy.
5. Sundin ang mga direksyon sa screen para kumpirmahin ang iyong paraan ng pagbabayad. Pagkatapos, piliin ang Bayaran Ngayon.
6. Puwede mong piliin ang Panoorin Ngayon o Panoorin sa Ibang Pagkakataon Piliin ang Panoorin Ngayon para simulan ang iyong panonood o piliin ang Panoorin sa Ibang Pagkakataon para i-enjoy ito sa ibang pagkakataon. Puwede mong tingnan ang iyong mga binili sa pamamagitan ng pagpunta sa seksyong 'Mga Binili' na nasa tab na Library  sa YouTube app.

Tandaan:

• Para sa mga nirentahang pelikula, available ang iyong pelikula sa panahon ng pagrenta na magsisimula sa unang pagkakataong pinanood mo ito. Mapapanood mo ang mga binili nang kahit ilang beses na gusto mo. Pumunta sa aming Mga Panuntunan sa Paggamit para sa higit pang impormasyon.
• Para sa ilang video, posibleng available ang magkakaibang resolution, para sa iba't ibang presyo.