YouTube-ൽ സിനിമകളും ടിവി ഷോകളും വാങ്ങാൻ, നിങ്ങൾക്ക് 18 വയസ്സോ അതിൽ കൂടുതലോ പ്രായമുണ്ടായിരിക്കണം, പിന്തുണയ്ക്കുന്ന രാജ്യത്തിൽ ആയിരിക്കണം, കൂടാതെ സാധുതയുള്ള പേയ്മെന്റ് രീതിയോടുകൂടിയ ഒരു Google Account-ഉം നിങ്ങൾക്ക് ഉണ്ടായിരിക്കണം.
ശ്രദ്ധിക്കുക: YouTube-ൽ വാങ്ങിയ സിനിമകൾ നിങ്ങളുടെ Google Play കുടുംബ ലൈബ്രറിയിൽ ദൃശ്യമാകില്ല. കൂടുതലറിയുക.
കമ്പ്യൂട്ടറിൽ നിന്ന് സിനിമകളും ടിവി ഷോകളും വാങ്ങാൻ, നിങ്ങളുടെ Google Account-ലേക്ക് സൈൻ ഇൻ ചെയ്‌ത ശേഷം വാങ്ങാൻ ഈ ഘട്ടങ്ങൾ പാലിക്കുക:
- സിനിമകളും ഷോകളും പേജ് സന്ദർശിക്കുക അല്ലെങ്കിൽ നിങ്ങൾക്ക് വാങ്ങുകയോ വാടകയ്ക്ക് എടുക്കുകയോ ചെയ്യേണ്ട സിനിമയ്‌ക്കോ ടിവി ഷോയ്‌ക്കോ ആയി YouTube-ൽ തിരയുക
- വാടകയ്ക്ക് എടുക്കാനോ വാങ്ങാനോ ഉള്ള നിരക്ക് പ്രദർശിപ്പിക്കുന്ന ബട്ടണിൽ ക്ലിക്ക് ചെയ്യുക. വിവിധ റെസല്യൂഷനുകൾക്ക് വിവിധ നിരക്കുകളും ലഭ്യമായേക്കാം.
- നിങ്ങൾക്ക് റിഡീം ചെയ്യാൻ കൂപ്പണുണ്ടെങ്കിൽ, പ്രമോഷണൽ കോഡ് ഫീൽഡ് കാണിക്കാൻ 'പ്രമോഷണൽ കോഡ് നൽകുക' എന്നതിൽ ക്ലിക്ക് ചെയ്യുക. നിങ്ങളുടെ കോഡ് നൽകിയ ശേഷം അമ്പടയാളത്തിൽ ക്ലിക്ക് ചെയ്യുക, അതിന് ശേഷം തുടരാനായി അനുയോജ്യമായ വാങ്ങൽ ബട്ടണിൽ ക്ലിക്ക് ചെയ്യുക.
- നിങ്ങൾ ഉപയോഗിക്കാൻ ആഗ്രഹിക്കുന്ന പേയ്മെന്റ് രീതി തിരഞ്ഞെടുക്കുക അല്ലെങ്കിൽ പുതിയൊരു പേയ്മെന്റ് രീതി ചേർക്കുക, അതിന് ശേഷം ഇടപാട് അവസാനിപ്പിക്കാൻ വാങ്ങുക ക്ലിക്ക് ചെയ്യുക.
- നിങ്ങളുടെ പേയ്മെന്റ് പൂർത്തിയായാൽ, നിങ്ങൾക്ക് വാങ്ങൽ സ്ഥിരീകരണം ലഭിക്കും.
- നിങ്ങളുടെ അക്കൗണ്ടിലേക്ക് സൈൻ ഇൻ ചെയ്‌തിരിക്കുമ്പോൾ https://www.youtube.com/purchases സന്ദർശിച്ച് നിങ്ങൾ വാങ്ങിയ എല്ലാ വീഡിയോകളും കണ്ടെത്താനാകും.
ശ്രദ്ധിക്കേണ്ട കാര്യങ്ങൾ:
- സിനിമകൾ വാടകയ്ക്ക് എടുക്കുമ്പോൾ, നിങ്ങൾ സിനിമ ആദ്യമായി കാണാൻ തുടങ്ങിയതിന് ശേഷമുള്ള വാടക കാലയളവിൽ ആയിരിക്കും നിങ്ങളുടെ സിനിമ ലഭ്യമാകുക. വാങ്ങലുകൾ നിങ്ങൾക്ക് ഇഷ്ടമുള്ള അത്രയും തവണ കാണാൻ ലഭ്യമായിരിക്കും. കൂടുതൽ വിവരങ്ങൾക്ക് ഞങ്ങളുടെ ഉപയോഗ നിയമങ്ങൾ കാണുക.
- ചില വീഡിയോകൾക്ക്, വിവിധ റെസല്യൂഷനുകൾക്ക് വിവിധ നിരക്കുകളും ലഭ്യമായേക്കാം. പിന്തുണ നൽകുന്ന ചില ഉപകരണങ്ങളിലും ഇന്‍റര്‍നെറ്റ് വേഗതകളിലും മാത്രമേ HD, UHD വീഡിയോകളുടെ പ്ലേബാക്ക് ലഭ്യമാകൂ. കൂടുതൽ വിവരങ്ങൾക്കായി HD/UHD ഉപകരണ ആവശ്യകതകൾ കാണുക.