Kukata rufaa dhidi ya kusimamishwa kwenye Mpango wa Washirika wa YouTube au kukataliwa kwa ombi

Ikiwa unaamini kuwa chaneli yako ilisimamishwa kimakosa kwenye Mpango wa Washirika wa YouTube (YPP) au ombi lako la kujiunga na Mpango wa Washirika wa YouTube lilikataliwa kimakosa, una chaguo la kukata rufaa. Unaweza kukata rufaa kwa kutayarisha na kutuma rufaa ya video au kwa kuwasiliana na timu ya Usaidizi kwa Watayarishi ndani ya Studio ya YouTube.

Baada ya kukata rufaa yako, timu zetu zitajibu ndani ya siku 14 na kutoa uamuzi. Ikiwa rufaa yako itakubaliwa, tutaidhinisha au kuidhinisha tena chaneli yako ili ujiunge na Mpango wa Washirika wa YouTube ndani ya siku 30. Rufaa yako ikikataliwa, bado unaweza kutuma tena ombi la kujiunga na Mpango wa Washirika wa YouTube siku 90 baada ya tarehe yako ya kusimamishwa au ya ombi kukataliwa.

Katika hali fulani, tunaweza kukuarifu kuwa chaneli yako imeratibiwa kusimamishwa kwenye Mpango wa Washirika wa YouTube na kukualika kukata rufaa kabla ya kusimamishwa. Ikiwa umepokea arifa hii, una chaguo mbili:

• Unaweza kukata rufaa ndani ya siku 7 kabla ya tarehe uliporatibiwa kusimamishwa. Ukikata rufaa yako ndani ya siku 7, tutasitisha kusimamishwa kulikoratibiwa timu zetu zinapokagua rufaa yako. Timu zetu zitajibu ndani ya siku 14 na kutoa uamuzi kuhusu rufaa yako. Rufaa yako ikikubaliwa, chaneli yako haitasimamishwa na utasalia katika Mpango wa Washirika wa YouTube. Rufaa yako ikikataliwa, chaneli yako itasimamishwa katika Mpango wa Washirika wa YouTube. Huwezi kukata rufaa nyingine, lakini unaweza kutuma tena ombi la kujiunga na Mpango wa Washirika wa YouTube siku 90 baada ya tarehe yako ya kusimamishwa.
• Unaweza kuchagua kutokata rufaa ndani ya siku 7. Ikiwa hutakata rufaa ndani ya siku 7, chaneli yako itasimamishwa na hutaweza kutumia zana na vipengele vya uchumaji wa mapato. Kwa kuwa hukukata rufaa kabla ya kusimamishwa, una chaguo la kukata rufaa ndani ya siku 21 za kipindi chako cha kusimamishwa. Ukikata rufaa yako ndani ya siku 21 baada ya kusimamishwa, timu zetu zitajibu ndani ya siku 14 na kutoa uamuzi. Rufaa yako ikikubaliwa, tutakuruhusu tena ujiunge na Mpango wa Washirika wa YouTube ndani ya siku 30. Rufaa yako ikikataliwa, unaweza kutuma tena ombi la kujiunga na Mpango wa Washirika wa YouTube siku 90 baada ya tarehe uliposimamishwa.

Tunapokagua rufaa, chaneli yako itatathminiwa ikiwa katika hali yake ya sasa. Hii inamaanisha kuwa hupaswi kufuta video kabla ya kukata rufaa yako.

Muhimu:

• Iwapo umearifiwa kuwa chaneli yako imeratibiwa kusimamishwa na umealikwa kutuma maelezo ili uzuie isisimamishwe, ni lazima ukate rufaa yako ndani ya siku 7. Tarehe hii pia inaonyeshwa katika Studio ya YouTube kwenye muhtasari wa chaneli wa uchumaji wa mapato kando ya kitufe cha Anza Kukata Rufaa.
• Ikiwa tayari umesimamishwa, lazima ukate rufaa yako ndani ya siku 21 baada ya kusimamishwa. Tarehe hii pia inaonyeshwa katika Studio ya YouTube kwenye muhtasari wa chaneli wa uchumaji wa mapato kando ya kitufe cha Anza Kukata Rufaa.

Kata rufaa kupitia video

Ikiwa umetimiza masharti ya kukata rufaa kupitia video, fuata mwongozo huu unapotayarisha video yako:

Ni sharti muundo uwe

• Video pekee (hupaswi kuweka taarifa yoyote ya rufaa katika maelezo)
• Isizidi dakika 5
• Haijaorodheshwa
• Video iliyopakiwa kwenye chaneli unayokatia rufaa na iliyotumwa kutoka kwenye akaunti yako
• Imesimuliwa katika lugha inayotumika (au ijumuishe manukuu ya Kiingereza ambayo hayatayarishwi kiotomatiki):
  • Kiarabu, Kibengali, Kiingereza, Kifaransa, Kihindi, Kiindonesia, Kijapani, Kikorea, Kimandarini, Kireno, Kirusi, Kihispania, Kitai, Kituruki, Kivietinamu

Ni lazima hali iwe

• Haijaorodheshwa
• Video mpya iliyopakiwa

Mambo ya kujumuisha

Tunataka kuelewa jinsi unavyotengeneza maudhui yako na kufahamu mambo unayofanya katika mchakato wa kutayarisha video. Video yako inapaswa:

1. Kujumuisha URL ya chaneli yako ndani ya sekunde 30 za kwanza za video.
2. Rejelea sera zetu za mpango (sehemu ya sera zetu za uchumaji mapato wa chaneli kwenye YouTube). Hakikisha kuwa unashughulikia sehemu mahususi za sera na utoe mifano ya jinsi chaneli yako inavyotii mwongozo wetu.
3. Kuangazia chaneli kwa jumla, si tu video mahususi ambazo zinatii mwongozo wetu.
4. Toa mifano inayoonekana ya jinsi maudhui yako yalivyotayarishwa. Onyesha jinsi ambavyo umehariri au kurekodi maudhui na ujaribu kuhusisha yale unayoonyesha kwenye rufaa yako ya video na maudhui mengine katika chaneli yako. Unaweza:
   • Kujionyesha kwenye video au uweke masimulizi
   • Kuonyesha jinsi maudhui yako yalivyorekodiwa
   • Kuonyesha jinsi maudhui yako yalivyohaririwa

Kumbuka: Ikiwa wewe ni msanii wa muziki, onyesha jinsi unavyotayarisha muziki wako na panapohitajika, eleza jinsi ulivyotayarisha video yako ya muziki na wengine (k.m. watayarishaji, wapigapicha za video).

Rufaa yako ya video ikiwa tayari, fuata hatua hizi ili upakie na uitume:

1. Ingia katika Studio ya YouTube
2. Pakia video yako ya rufaa ikiwa katika hali ya haijaorodheshwa kisha unakili URL
3. Nenda kwenye kichupo cha Chuma mapato ili uangalie muhtasari wa uchumaji wa mapato katika chaneli yako
4. Bofya ili uanze mchakato wa kukata rufaa
5. Weka URL ya video yako ambayo haijaorodheshwa kisha ubofye Tuma

Kata rufaa kwa kuwasiliana na Usaidizi kwa Watayarishi

1. Ingia katika Studio ya YouTube
2. Nenda kwenye kichupo cha Chuma mapato ili uangalie muhtasari wa uchumaji wa mapato katika chaneli yako
3. Angalia chaguo la Kukata rufaa iwapo unafikiri kuwa tumekosea
4. Angalia maagizo kisha ubofye Anza Kukata Rufaa ili uanze mchakato wa kuwasiliana

Ikiwa chaguo la kukata rufaa kupitia timu ya Usaidizi kwa Watayarishi halionekani kwenye Studio ya YouTube, wasiliana nasi hapa.

Ikiwa upo katika Umoja wa Ulaya na hukubaliani na usimamishaji wa chaneli yako, unaweza kupata njia za ziada za utatuzi. (Kitambulisho cha kuelekeza: FWJA)