ನಿಮ್ಮ ಚಾನಲ್ ಅನ್ನು YouTube ಪಾಲುದಾರ ಕಾರ್ಯಕ್ರಮದಿಂದ (YPP) ತಪ್ಪಾಗಿ ಅಮಾನತುಗೊಳಿಸಲಾಗಿದೆ ಅಥವಾ YPP ಗೆ ಸೇರಲು ನೀವು ಸಲ್ಲಿಸಿದ ಅರ್ಜಿಯನ್ನು ತಪ್ಪಾಗಿ ತಿರಸ್ಕರಿಸಲಾಗಿದೆ ಎಂದು ನೀವು ಭಾವಿಸಿದರೆ, ನೀವು ಮೇಲ್ಮನವಿ ಸಲ್ಲಿಸುವ ಆಯ್ಕೆಯನ್ನು ಹೊಂದಿರುತ್ತೀರಿ. ಮೇಲ್ಮನವಿಯನ್ನು ರಚಿಸುವ ಮತ್ತು ವೀಡಿಯೊ ಕುರಿತ ಮೇಲ್ಮನವಿ ಸಲ್ಲಿಸುವ ಮೂಲಕ ಅಥವಾ YouTube Studio ದಲ್ಲಿ ರಚನೆಕಾರರ ಬೆಂಬಲವನ್ನು ಸಂಪರ್ಕಿಸುವ ಮೂಲಕ ನೀವು ಮೇಲ್ಮನವಿ ಸಲ್ಲಿಸಬಹುದು.
ನಿಮ್ಮ ಮೇಲ್ಮನವಿಯನ್ನು ಸಲ್ಲಿಸಿದ ನಂತರ, ಸೂಕ್ತ ನಿರ್ಧಾರದೊಂದಿಗೆ ನಮ್ಮ ತಂಡಗಳು 14 ದಿನಗಳ ಒಳಗಾಗಿ ಪ್ರತಿಕ್ರಿಯಿಸುತ್ತವೆ. ನಿಮ್ಮ ಮೇಲ್ಮನವಿಯು ಯಶಸ್ವಿಯಾದರೆ, YPP ಗಾಗಿ ನಿಮ್ಮ ಚಾನಲ್ ಅನ್ನು ನಾವು ಅನುಮೋದಿಸುತ್ತೇವೆ ಅಥವಾ ಮರು ಅನುಮೋದಿಸುತ್ತೇವೆ ಅಥವಾ 30 ದಿನಗಳ ಒಳಗೆ ಮಾನಿಟೈಸೇಶನ್ ಅನ್ನು ಆನ್ ಮಾಡುತ್ತೇವೆ. ನಿಮ್ಮ ಮೇಲ್ಮನವಿಯನ್ನು ತಿರಸ್ಕರಿಸಿದರೆ, ನಿಮ್ಮ ಅಮಾನತು ಅಥವಾ ಅಪ್ಲಿಕೇಶನ್ ಅನ್ನು ತಿರಸ್ಕಾರ ಮಾಡಿದ ದಿನಾಂಕದಿಂದ 90 ದಿನಗಳ ನಂತರ ನೀವು YPP ಗೆ ಮರು ಅರ್ಜಿ ಸಲ್ಲಿಸಲು ಸಾಧ್ಯವಾಗುತ್ತದೆ.
ನಿಮ್ಮ ಮೇಲ್ಮನವಿಯನ್ನು ನಾವು ಪರಿಶೀಲಿಸುವ ಸಂದರ್ಭದಲ್ಲಿ, ನಿಮ್ಮ ಚಾನಲ್ ಅನ್ನು ಅದರ ಪ್ರಸ್ತುತ ಸ್ಥಿತಿಯಲ್ಲಿ ಮೌಲ್ಯಮಾಪನ ಮಾಡಲಾಗುತ್ತದೆ. ನಿಮ್ಮ ಮೇಲ್ಮನವಿಯನ್ನು ಸಲ್ಲಿಸುವ ಮೊದಲು ನೀವು ವೀಡಿಯೊಗಳನ್ನು ಅಳಿಸಬಾರದು ಎಂದರ್ಥ.
ವೀಡಿಯೊ ಮೂಲಕ ಮೇಲ್ಮನವಿ ಸಲ್ಲಿಸಿ
ವೀಡಿಯೊ ಮೂಲಕ ಮೇಲ್ಮನವಿ ಸಲ್ಲಿಸಲು ಅರ್ಹರಾಗಿದ್ದರೆ, ನಿಮ್ಮ ವೀಡಿಯೊವನ್ನು ರಚಿಸುವಾಗ ಈ ಮಾರ್ಗಸೂಚಿಗಳನ್ನು ಅನುಸರಿಸಿ:
ಫಾರ್ಮ್ಯಾಟ್ ಹೀಗಿರಬೇಕು
- ವೀಡಿಯೊ ಮಾತ್ರ (ನೀವು ವಿವರಣೆಯಲ್ಲಿ ಯಾವುದೇ ಮೇಲ್ಮನವಿ ಮಾಹಿತಿಯನ್ನು ಹಾಕಬಾರದು)
- 5 ನಿಮಿಷಗಳಿಗಿಂತ ಚಿಕ್ಕದಾಗಿರಬೇಕು
- ಪಟ್ಟಿ ಮಾಡದಿರುವುದು
- ನೀವು ಮೇಲ್ಮನವಿ ಸಲ್ಲಿಸುತ್ತಿರುವ ಚಾನಲ್‌ಗೆ ಅಪ್‌ಲೋಡ್ ಮಾಡಲಾಗಿದೆ, ನಿಮ್ಮ ಖಾತೆಯಿಂದ ಸಲ್ಲಿಸಲಾಗಿದೆ
- ಬೆಂಬಲಿತ ಭಾಷೆಯಲ್ಲಿ ನಿರೂಪಿಸಲಾಗಿದೆ (ಅಥವಾ ಸ್ವಯಂ-ಜನರೇಟ್ ಆಗದ ಇಂಗ್ಲಿಷ್ ಉಪಶೀರ್ಷಿಕೆಗಳನ್ನು ಫೀಚರ್ ಮಾಡಿ):
- ಅರೇಬಿಕ್, ಬೆಂಗಾಲಿ, ಚೈನೀಸ್, ಇಂಗ್ಲಿಷ್, ಫ್ರೆಂಚ್, ಹಿಂದಿ, ಇಂಡೋನೇಷಿಯನ್, ಜಪಾನೀಸ್, ಕೊರಿಯನ್, ಪೋರ್ಚುಗೀಸ್, ರಷ್ಯನ್, ಸ್ಪ್ಯಾನಿಷ್, ಥಾಯ್, ಟರ್ಕಿಶ್, ವಿಯೆಟ್ನಾಮೀಸ್
ಸ್ಥಿತಿ ಹೀಗೆ ಇರಬೇಕು
- ಪಟ್ಟಿ ಮಾಡದಿರುವುದು
- ಹೊಸ ಅಪ್‌ಲೋಡ್
ಏನು ಸೇರಿಸಬೇಕು
ನೀವು ನಿಮ್ಮ ಕಂಟೆಂಟ್ ಅನ್ನು ಹೇಗೆ ರಚಿಸುತ್ತೀರಿ ಎಂಬುದನ್ನು ಅರ್ಥಮಾಡಿಕೊಳ್ಳಲು ಮತ್ತು ನಿಮ್ಮ ಪ್ರಕ್ರಿಯೆಯ ಪರದೆಯ ಹಿಂದಿನ ಚಟುವಟಿಗಳು ಹೇಗಿರುತ್ತವೆ ಎಂಬುದನ್ನು ನಾವು ಅರ್ಥಮಾಡಿಕೊಳ್ಳಬೇಕಿದೆ. ನಿಮ್ಮ ವೀಡಿಯೊ ಹೀಗೆ ಇರಬೇಕು:
- ನಿಮ್ಮ ವೀಡಿಯೊದ ಮೊದಲ 30 ಸೆಕೆಂಡುಗಳಲ್ಲಿ ನಿಮ್ಮ ಚಾನಲ್‌ನ URL ಅನ್ನು ಸೇರಿಸಿ.
- ನಮ್ಮ ಪ್ರೋಗ್ರಾಮ್ ನೀತಿಗಳನ್ನು ರೆಫರ್ ಮಾಡಿ (ನಮ್ಮ YouTube ಚಾನಲ್ ಮಾನಿಟೈಸೇಶನ್ ನೀತಿಗಳ ಭಾಗ). ನೀವು ನೀತಿಗಳ ನಿರ್ದಿಷ್ಟ ಭಾಗಗಳನ್ನು ಪ್ರಸ್ತಾಪಿಸುತ್ತೀರಿ ಮತ್ತು ನಿಮ್ಮ ಚಾನಲ್, ನಮ್ಮ ಮಾರ್ಗಸೂಚಿಗಳನ್ನು ಹೇಗೆ ಅನುಸರಿಸುತ್ತಿದೆ ಎಂಬುದರ ಕುರಿತು ಕೆಲವು ಉದಾಹರಣೆಗಳನ್ನು ನೀಡುತ್ತೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
- ನಮ್ಮ ಮಾರ್ಗಸೂಚಿಗಳನ್ನು ಪೂರೈಸುವ ವೀಡಿಯೊಗಳ ಮೇಲಷ್ಟೇ ಅಲ್ಲದೆ, ಇಡೀ ಚಾನಲ್ ಮೇಲೆ ನಿಮ್ಮ ಗಮನಹರಿಸಿ.
- ನಿಮ್ಮ ಕಂಟೆಂಟ್ ಅನ್ನು ಹೇಗೆ ರಚಿಸಲಾಗಿದೆ ಎಂಬುದರ ಕುರಿತು ವಿಷುವಲ್ ಉದಾಹರಣೆಗಳನ್ನು ಒದಗಿಸಿ ನೀವು ಕಂಟೆಂಟ್ ಅನ್ನು ಹೇಗೆ ಎಡಿಟ್ ಮಾಡಿದ್ದೀರಿ ಅಥವಾ ಚಿತ್ರೀಕರಿಸಿದ್ದೀರಿ ಎಂಬುದನ್ನು ತೋರಿಸಿ ಮತ್ತು ವೀಡಿಯೊ ಮೇಲ್ಮನವಿಯಲ್ಲಿ ನೀವು ತೋರಿಸುವುದನ್ನು ನಿಮ್ಮ ಚಾನಲ್‌ನಲ್ಲಿರುವ ಇತರ ಕಂಟೆಂಟ್‌ಗೆ ಕನೆಕ್ಟ್ ಮಾಡಲು ಪ್ರಯತ್ನಿಸಿ. ನೀವು ಹೀಗೆ ಮಾಡಬಹುದು:
- ವೀಡಿಯೊದಲ್ಲಿ ಸ್ವತಃ ನಿಮ್ಮನ್ನು ತೋರಿಸಿ ಅಥವಾ ವಾಯ್ಸ್‌ಓವರ್ ಅನ್ನು ಒದಗಿಸಿ
- ನಿಮ್ಮ ಕಂಟೆಂಟ್ ಅನ್ನು ಹೇಗೆ ಚಿತ್ರೀಕರಿಸಲಾಗಿದೆ ಎಂಬುದನ್ನು ತೋರಿಸಿ
- ನಿಮ್ಮ ಕಂಟೆಂಟ್ ಅನ್ನು ಹೇಗೆ ಎಡಿಟ್ ಮಾಡಲಾಗಿದೆ ಎಂಬುದನ್ನು ತೋರಿಸಿ
ನಿಮ್ಮ ವೀಡಿಯೊ ಮೇಲ್ಮನವಿ ಸಿದ್ಧವಾದ ನಂತರ, ಅಪ್‌ಲೋಡ್ ಮಾಡಲು ಮತ್ತು ಸಲ್ಲಿಸಲು ಈ ಹಂತಗಳನ್ನು ಅನುಸರಿಸಿ:
- YouTube Studio ಗೆ ಸೈನ್-ಇನ್ ಮಾಡಿ
- ನಿಮ್ಮ ಮೇಲ್ಮನವಿ ವೀಡಿಯೊವನ್ನು ಪಟ್ಟಿ ಮಾಡದಿರುವುದು ಎಂದು ಅಪ್‌ಲೋಡ್ ಮಾಡಿ ಮತ್ತು URL ಅನ್ನು ನಕಲಿಸಿ
- ನಿಮ್ಮ ಚಾನಲ್‌ನ ಮಾನಿಟೈಸೇಶನ್ ಅವಲೋಕನಕ್ಕಾಗಿ ಹಣ ಗಳಿಸಿ ಎಂಬುದಕ್ಕೆ ಹೋಗಿ
- ಮೇಲ್ಮನವಿ ಪ್ರಕ್ರಿಯೆಯನ್ನು ಪ್ರಾರಂಭಿಸಲು ಕ್ಲಿಕ್ ಮಾಡಿ
- ನಿಮ್ಮ ಪಟ್ಟಿ ಮಾಡದ ವೀಡಿಯೊಗಾಗಿ URL ಅನ್ನು ನಮೂದಿಸಿ ಮತ್ತು ಸಲ್ಲಿಸಿ ಅನ್ನು ಕ್ಲಿಕ್ ಮಾಡಿ
ರಚನೆಕಾರರ ಬೆಂಬಲದ ಸಹಾಯದೊಂದಿಗೆ ಮೇಲ್ಮನವಿ ಸಲ್ಲಿಸಿ
- YouTube Studio ಗೆ ಸೈನ್-ಇನ್ ಮಾಡಿ
- ನಿಮ್ಮ ಚಾನಲ್‌ನ ಮಾನಿಟೈಸೇಶನ್ ಅವಲೋಕನಕ್ಕಾಗಿ ಹಣ ಗಳಿಸಿ ಎಂಬುದಕ್ಕೆ ಹೋಗಿ
- ನಾವು ತಪ್ಪಾಗಿ ಕ್ರಮ ಕೈಗೊಂಡಿದ್ದೇವೆ ಎಂದು ನೀವು ಭಾವಿಸಿದರೆ ಮೇಲ್ಮನವಿ ಸಲ್ಲಿಸಿ ಎಂಬ ಆಯ್ಕೆಯನ್ನು ನೋಡಿ
- ಸೂಚನೆಗಳನ್ನು ವೀಕ್ಷಿಸಿ ಮತ್ತು ಸಂಪರ್ಕಿಸುವ ಪ್ರಕ್ರಿಯೆಯನ್ನು ಪ್ರಾರಂಭಿಸಲು ಮೇಲ್ಮನವಿಯನ್ನು ಪ್ರಾರಂಭಿಸಿ ಎಂಬುದನ್ನು ಕ್ಲಿಕ್ ಮಾಡಿ
ರಚನೆಕಾರರ ಬೆಂಬಲದ ಮೂಲಕ ಮೇಲ್ಮನವಿ ಸಲ್ಲಿಸುವ ಆಯ್ಕೆಯು YouTube Studio ದಲ್ಲಿ ಕಾಣಿಸದಿದ್ದರೆ, ನಮ್ಮನ್ನು ಇಲ್ಲಿ ಸಂಪರ್ಕಿಸಿ.