YouTube авторы ретінде болашақтағы және бар бейнелеріңізді балаларға арналған немесе арналмаған деп орнатуыңыз керек. Тіпті балаларға арналмайтын контент жасайтын авторлар да аудиториясын орнатуы керек. Бұл контентіңізге тиісті функцияларды ұсынуымызға көмектеседі.
Important Update for All Creators: Complying with COPPA
Талаптарға сай болу үшін YouTube Studio қызметінде балаларға арналған аудитория параметрлері бар. Аудиторияңызды келесідей орната аласыз:
- Арна деңгейінде: қазір бар контентіңіз де, болашақтағы барлық контентіңіз де бірдей балаларға арналған немесе арналмаған деп орнатылады.
- Бейне деңгейінде: осы нұсқаны таңдасаңыз, бұрыннан бар және алда шығатын бейнелердің әрқайсысын балаларға арналған немесе арналмаған деп жеке-жеке белгілеуіңіз керек.
Ескертпе:
- Аудиторияны таңдау құралын жақын уақытта үшінші тарап қолданбаларына және YouTube API қызметтеріне қолжетімді етеміз. Әзірге балаларға арналған контентті жүктеп салу үшін YouTube Studio қолданбасын пайдаланыңыз.
Маңызды: неліктен әр автор өз аудиториясын орнатуы керек?
Бұл өзгерістер – АҚШ Федералдық сауда комиссиясымен (FTC) және Нью-Йорк қаласының бас прокуратурасымен бірге орнатылған келісімнің бір бөлігі. Олар Балалардың интернеттегі жеке мәліметтерін қорғау актісінің (COPPA) және/немесе басқа да сәйкес заңдардың талаптарын орындау үшін қажет. Қай жерде тұрсаңыз да, бейнелеріңіздің балаларға арналған-арналмағанын бізге айтуыңыз керек. Аудиторияңызды дұрыс орнатпасаңыз, Федералдық сауда комиссиясының немесе басқа құзырлы органдардың талаптарына сәйкестік бойынша мәселелер туындап, сол себепті YouTube аккаунтыңызға шара қолдануымызға тура келуі ықтимал. Федералдық сауда комиссиясының COPPA актісін жүзеге асыруы туралы көбірек біліңіз.
- Толықтай жас аудиторияға арналған бейнелерді анықтау үшін машина оқыту әдісін пайдаланамыз. Сіз өз аудиторияңызды дәл анықтайды деп сенеміз, бірақ қате немесе теріс пайдалану жағдайында аудитория параметрін өзгерте аламыз.
- Аудиторияңызды анықтауда біздің жүйелерге сүйенбеңіз, өйткені біздің жүйелеріміз FTC немесе басқа құзырлы органдар балаларға арналған деп есептейтін контентті анықтамауы мүмкін.
- Контентіңіз балаларға арналған-арналмағанын анықтауға көмек қажет болса, осы Анықтамалық орталық мақаласын оқыңыз немесе заң кеңесшісімен кеңесіңіз.
- Сіз "балаларға арналған" деп белгілеген бейнелердің балаларға арналған басқа бейнелермен қатар ұсынылу ықтималдығы артады.
- Егер сіз бейнеңіздің аудиториясын орнатқаннан кейін, YouTube қатені немесе теріс пайдалану жағдайын анықтаса, бейнеңіз "Балаларға арналған деп орнатылды" деп белгіленгенін көресіз. Аудитория параметрлерін өзгерте алмай қаласыз. Біз қабылдаған шешім дұрыс емес деп ойласаңыз, апелляция жіберуіңізге болады.
Арна аудиториясын орнату
- studio.youtube.com бетіне кіріңіз (Web studio ғана).
- Сол жақ мәзірде Параметрлер түймесін басыңыз.
- Арна түймесін басыңыз.
- Қосымша параметрлер қойындысын басыңыз.
- Аудитория тармағынан келесіні таңдаңыз:
- "Иә, бұл арна балаларға арналған деп көрсетілсін. Әрдайым балаларға арналған контент жүктеп саламын."
- "Жоқ, бұл арна балаларға арналмаған деп көрсетілсін. Балаларға арналған бейнелерді еш уақытта жүктеп салмаймын."
- "Бұл параметрді бейнелеріме жеке-жеке орнатқым келеді."
- Сақтау түймесін басыңыз.
Аудиторияны бейнені жүктеп салу кезінде орнату
- studio.youtube.com мекенжайына өтіңіз. Ескертпе: аудиторияңызды "балаларға арналған" етіп орнату үшін сізге YouTube Studio қызметі қажет. Бұны Creator Studio Classic арқылы істеуге болмайды.
- Жоғарғы оң жақ бұрыштағы жүктеп салу белгішесін басыңыз.
- Бейнені жүктеп салу (бета) түймесін басыңыз. Ондай белгіше болмаса, Бейнені жүктеп салу түймесін басыңыз.
- Негізгі ақпарат қойындысынан Аудитория опциясына қарай айналдырыңыз.
- Таңдаңыз:
- "Иә, бұл балаларға арналған".
- "Жоқ, бұл балаларға арналмаған".
- Контентті жүктеп салуды жалғастыру үшін Келесі түймесін басыңыз.
Бейнеңізді жүктеп салған соң, ол Жүктеп салынғандар тізімінде "Балаларға арналған (cіз орнаттыңыз) деп белгіленеді.
Бұрыннан бар бейнелердің аудиториялық параметрін жаңарту
YouTube кейбір бейнелерді "балаларға арналған" деп орнатқанын байқауыңыз мүмкін. Бейнелеріңізді немесе арнаңызды балаларға арналған немесе арналмаған деп орнату мүмкіндігі бұрын болған жоқ, бірақ оны қазір істей аласыз:
- studio.youtube.com сайтына кіріңіз.
- Сол жақ мәзірден Контент опциясын таңдаңыз.
- Өзгерткіңіз келетін бейнелердің жанындағы ұяшыққа құсбелгі қойыңыз. Ескертпе: жүктеп салу тізімінің төбесіндегі "Бейне" сөзінің жанындағы ұяшыққа құсбелгі қою арқылы барлық бейнені таңдауыңызға болады.
- Өзгерту
Аудитория
- БЕЙНЕЛЕРДІ ЖАҢАРТУ опциясын таңдаңыз.
Аудитория - Толықтай жас аудиторияға арналған .бейнелерді анықтау үшін машина оқыту әдісін пайдаланамыз. Сіз өз аудиторияңызды дәл анықтайды деп сенеміз, бірақ қате немесе теріс пайдалану жағдайында аудитория параметрін өзгерте аламыз.
- Аудиторияңызды анықтауда біздің жүйелерге сүйенбеңіз, өйткені біздің жүйелер FTC немесе басқа құзырлы органдар балаларға арналған деп есептейтін контентті анықтамауы мүмкін.
- Контентіңіз балаларға арналған-арналмағанын анықтауға көмек қажет болса, осы Анықтамалық орталық мақаласын оқыңыз немесе заң кеңесшісімен кеңесіңіз.
- Сіз "балаларға арналған" деп белгілеген бейнелердің балаларға арналған басқа бейнелермен қатар ұсынылу ықтималдығы артады.
- Егер сіз бейнеңіздің аудиториясын орнатқаннан кейін, YouTube қатені немесе теріс пайдалану жағдайын анықтаса, бейнеңіз "Балаларға арналған деп орнатылды" деп белгіленгенін көресіз. Аудитория параметрлерін өзгерте алмай қаласыз. Біз қабылдаған шешім дұрыс емес деп ойласаңыз, апелляциялық шағым түсіруіңізге болады.
Тікелей трансляция аудиториясын орнату
Тікелей трансляция жасау кезінде аудиторияны орнату
Контентіңіздің балаларға арналғанына не арналмағанына сенімді болмасаңыз, мына Анықтамалық орталық мақаласын қараңыз.
- studio.youtube.com сайтына өтіңіз.
- Жоғарғы оң жақ бұрыштағы жүктеп салу белгішесін басыңыз.
- Эфирге шығу түймесін басыңыз. Ескертпе: бұны бассаңыз, Тікелей эфирді басқару бетіне бағытталасыз. Классикалық тікелей трансляция жасау құралдарының көмегімен тікелей трансляция аудиториясын орната алмайсыз, сондықтан бұны Тікелей эфирді басқару беті арқылы істеуіңіз керек.
- Негізгі ақпаратты толтырып, құпиялық параметрлерін таңдап болған соң, Аудитория бөліміне қарай айналдырыңыз.
- Таңдаңыз:
- "Иә, бұл балаларға арналған".
- "Жоқ, бұл балаларға арналмаған".
- Тікелей трансляцияны реттеуді аяқтау үшін Келесі түймесін басыңыз.
Мұрағатталған тікелей трансляциялар бойынша аудитория параметрін жаңарту
YouTube кейбір мұрағатталған тікелей трансляцияларды "балаларға арналған" деп орнатқанын байқауыңыз мүмкін. Мұрағатталған тікелей трансляцияларды балаларға арналған немесе арналмаған деп орнату мүмкіндігі бұрын болған жоқ, бірақ оны қазір істей аласыз:
- studio.youtube.com сайтына кіріңіз.
- Сол жақ мәзірден Контент опциясын таңдаңыз.
- Тікелей эфир қойындысын басыңыз.
- Өзгерткіңіз келетін бейнелердің жанындағы ұяшыққа құсбелгі қойыңыз. Ескертпе: тізімнің төбесіндегі "Тікелей трансляция" сөзінің жанындағы ұяшыққа құсбелгі қою арқылы барлық бейнені таңдауыңызға болады.
- Контент балаларға арналған болса, Өзгерту
- БЕЙНЕЛЕРДІ ЖАҢАРТУ опциясын таңдаңыз.
- Толықтай жас аудиторияға арналған .бейнелерді анықтау үшін машина оқыту әдісін пайдаланамыз. Сіз өз аудиторияңызды дәл анықтайды деп сенеміз, бірақ қате немесе теріс пайдалану жағдайында аудитория параметрін өзгерте аламыз.
- Аудиторияңызды анықтауда біздің жүйелерге сүйенбеңіз, өйткені біздің жүйелер FTC немесе басқа құзырлы органдар балаларға арналған деп есептейтін контентті анықтамауы мүмкін.
- Контентіңіз балаларға арналған-арналмағанын анықтауға көмек қажет болса, осы Анықтамалық орталық мақаласын оқыңыз немесе заң кеңесшісімен кеңесіңіз.
- Сіз "балаларға арналған" деп белгілеген бейнелердің балаларға арналған басқа бейнелермен қатар ұсынылу ықтималдығы артады.
- Егер сіз бейнеңіздің аудиториясын орнатқаннан кейін, YouTube қатені немесе теріс пайдалану жағдайын анықтаса, бейнеңіз "Балаларға арналған деп орнатылды" деп белгіленгенін көресіз. Аудитория параметрлерін өзгерте алмай қаласыз. Біз қабылдаған шешім дұрыс емес деп ойласаңыз, апелляциялық шағым түсіруіңізге болады.
Контентіңіз балаларға арналған деп орнатылса не болады?
Заң талаптарын орындау үшін балаларға арналған контент бойынша деректерді жинауға және пайдалануға шектеу қоямыз. Яғни пікірлер, хабарландырулар мен басқа функцияларға шектеу қоямыз.
Ең бастысы, біз Балалардың интернеттегі жеке мәліметтерін қорғау актісі (COPPA) және/немесе басқа қолданыстағы заң талап еткендей, балаларға арналған контентте жекелендірілген жарнамаларды көрсетпейміз. Балаларға арналған контентте жекелендірілген жарнамалардың көрсетілмеуі өз контентін "балаларға арналған" деп белгілейтін кейбір авторлардың табысының азаюына әкелуі мүмкін. Кейбір авторлар үшін оңайға соқпайтынын түсінеміз, бірақ бұл – COPPA және басқа да қолданыстағы заңдарды орындау үшін маңызды қадамдар.
Бұл шараның әсері тиетін функциялардың тізімі төменде келтірілген:
Бейнені немесе тікелей трансляцияны балаларға арналған деп белгілесеңізАудиторияңызды "балаларға арналған" деп орнатсаңыз, біз Балалардың интернеттегі жеке мәліметтерін қорғау актісі (COPPA) және/немесе басқа қолданыстағы заңдардың талаптарын орындау үшін кейбір функцияларды шектейміз. Шектеу қойылғанда, жеке бейнелерде немесе тікелей трансляцияда келесі функциялар болмайды:
- негізгі бетте автоматты түрде ойнату;
- карталар немесе соңындағы экрандар;
- бейнедегі су таңбалары;
- арна мүшеліктері;
- пікірлер;
- "Қайырымдылық" түймесі;
- YouTube Music-тегі лайктар мен дизлайктар;
- тікелей эфир чаты және тікелей эфир чатындағы қайырымдылық функциясы;
- тауар және билет сату;
- хабарландыру қоңырауы;
- жекелендірілген жарнама;
- шағын ойнатқышта ойнату;
- Super Chat немесе Super Stickers;
- Ойнату тізіміне сақтау және "Кейін көру" тізіміне сақтау.
Арнаңыз балаларға арналған болса, бейнелеріңіз немесе тікелей трансляцияларыңыз жоғарыдағы функциялардың біреуіне де ие болмайды. Арнаңызда мыналар да болмайды:
- арна мүшеліктері;
- хабарландыру қоңырауы;
- посттар.
Сұрақ-жауап
Балаларға арналған контентте хабарландырулар, пікірлер және басқа функциялар неге өшіріледі?Балалардың интернеттегі жеке мәліметтерін қорғау актісінің (COPPA) және басқа заңдардың талаптарын орындау үшін біз "балаларға арналған" деп белгіленетін контенттегі деректерді жинауға шектеу қоямыз. Соның салдарынан осы контенттегі хабарландырулар және пікірлер сияқты кейбір функцияларға шектеу қойылуы мүмкін немесе олар өшірілуі мүмкін.
Бұл өзгерістер – АҚШ Федералдық сауда комиссиясымен (FTC) және Нью-Йорк қаласының бас прокуратурасымен бірге орнатылған келісімнің бір бөлігі. Олар Балалардың интернеттегі жеке мәліметтерін қорғау актісінің (COPPA) және/немесе басқа да сәйкес заңдардың талаптарын орындау үшін қажет. Қай жерде тұрсаңыз да, бейнелеріңіздің балаларға арналған-арналмағанын бізге айтуыңыз керек. Аудиторияңызды дұрыс орнатпасаңыз, Федералдық сауда комиссиясының немесе басқа құзырлы органдардың талаптарына сәйкестік бойынша мәселелер туындауы мүмкін, сол себепті YouTube аккаунтыңызға шара қолдануымызға тура келуі ықтимал. Федералдық сауда комиссиясының COPPA актісін жүзеге асыруы туралы көбірек біліңіз.
Ескертпе: біз сондай-ақ нақты балалар аудиториясына бағытталған бейнелерді анықтауға көмектесетін машина оқыту жүйесін де пайдаланамыз. Сіз өз аудиторияңызды дәл анықтайды деп сенеміз, бірақ қате немесе теріс пайдалану жағдайында аудитория параметрін өзгерте аламыз. Дегенмен аудиторияңызды анықтауда біздің жүйелерге сүйенбеңіз, өйткені біздің жүйелеріміз FTC немесе басқа құзырлы органдар балаларға арналған деп есептейтін контентті анықтамауы мүмкін. Егер сіз өз аудиторияңызды "балаларға арналған" деп дұрыс орнатпасаңыз, ол үшін заң жүзінде жауап беруіңіз мүмкін немесе оның YouTube-те кері салдары болуы мүмкін. Контентіңіз балаларға арналған-арналмағанын анықтауға көмек қажет болса, осы Анықтамалық орталық мақаласын оқыңыз немесе заң кеңесшісімен кеңесіңіз.
Өкінішке орай, аудиторияңызды "балаларға арналған" деп дұрыс орнатқан-орнатпағаныңызды анықтау бойынша нұсқаулар бере алмаймыз, бірақ FTC "балаларға бағытталған" (немесе "балаларға арналған") терминінің мағынасы туралы біраз мәлімет берген. FTC қазір COPPA актісіне түрлі өзгеріс енгізу мәселесін қарастырып жатыр, онда осы сұрақ бойынша қосымша ақпарат та қамтылуы мүмкін.
Балаларға арналғаны айқын көрінетін контентті табу үшін машина оқыту жүйелерін де пайдаланамыз. Бірақ контентіңізді сіз үшін орнатып береді деп біздің жүйелерімізге сенбеңіз — барлық автоматтандырылған жүйелер секілді, оның да кемшіліктері бар. Біз қате немесе теріс пайдалану жағдайын анықтаған жағдайда, аудитория параметрін өзгертуіміз қажет болуы мүмкін. Бірақ көп жағдайларда бейненің балаларға арналғанын анықтау үшін аудитория параметріне сүйенеміз.
Өз аудиторияңызды "балаларға арналған" деп орнатпасаңыз, ал FTC немесе басқа органдар бұны талап етсе, заңды жауапқа тартылуыңыз мүмкін. Контентіңіз "балаларға арналған" деп орнатылуы қажет екеніне сенімсіз болсаңыз, осы Анықтамалық орталық мақаласын оқыңыз немесе заң кеңесшісімен кеңесіңіз.
Егер бейненің аудиториясын өзіңіз орнатпасаңыз, оны сіздің орныңызға YouTube орнатқан болуы мүмкін. Бұл COPPA және/немесе басқа қолданыстағы заңдардың талаптарын орындау үшін жасалады. Алайда YouTube-тің контентіңізге орнатқан параметріне келіспесеңіз, көп жағдайда бейне аудиториясының параметрін өзіңіз ауыстырсаңыз болады.
Егер сіз бейнеңіздің аудиториясын орнатқаннан кейін, YouTube қате немесе ережені бұзу жағдайын анықтаса, бейнеңіз "Балаларға арналған деп орнатылды" деп белгіленгенін көресіз. Бұл жағдай орын алғанда, аудитория параметрін өзгерте алмайсыз.
Кейде бізден де қате кететінін түсінеміз. Бұл сондай жағдайлардың бірі деп есептесеңіз, бұл шешімге апелляция жіберуіңізге болады.
Компьютерден апелляция жіберуді бастау үшін:
- Компьютерде studio.youtube.com сайтына өтіңіз.
- Сол жақ мәзірден Контент опциясын таңдаңыз.
- Апелляция жібергіңіз келетін бейнеге өтіңіз.
- "Балаларға арналған деп орнатылды" опциясына курсорды апарып, Апелляция жіберу түймесін басыңыз.
- Апелляция жіберу себебін жазып, Жіберу түймесін басыңыз.
Телефоннан апелляция жіберуді бастау үшін:
- YouTube Studio қолданбасын ашыңыз.
- Мәзір
- "Жүктеп салынғандар" қойындысынан апелляция жібергіңіз келетін бейнені түртіңіз.
- Шектеулер бөлімінде Балаларға арналған деп орнатылды түймесін түртіңіз.
- Апелляция жіберу түймесін түртіп, апелляция жіберу себебін жазыңыз.
- Жіберу түймесін түртіңіз.
Апелляция жіберген соң
Апелляция нәтижесін хабарлау үшін YouTube сізге электрондық хат жібереді. Мыналардың бірі орын алады:
- Апелляцияңыз қабылданса, балаларға арналған аудитория параметрі жойылады.
- Апелляция қабылданбаса, балаларға арналған аудитория параметрі контентіңізде қала береді. Бұдан кейін арнаңыздың және/немесе жеке бейнеңіздің аудитория параметрлерін тексеріңіз. Аудиторияңызды дұрыс орнатпау COPPA актісі және басқа заңдар бойынша заңи салдарға немесе YouTube платформасындағы салдарға алып келуі мүмкін.
Әр бейне үшін бір-ақ рет апелляция жіберуге болады.