Kudhibiti taka kwenye maoni

Tumerahisisha hali ya kudhibiti maoni na kuunganisha vichupo viwili vya udhibiti, “Yaliyozuiwa ili yakaguliwe” na “Huenda ni taka,” katika Studio ya YouTube. Sasa, maoni yaliyozuiwa kiotomatiki na YouTube yataonyeshwa katika kichupo cha pamoja cha “Yaliyozuiwa ili Yakaguliwe” kwa hadi siku 60.

Chaguo la "Ripoti" au “Ripoti kuwa ni taka au matumizi mabaya” kwenye maoni huwezesha jumuiya kudhibiti idadi ya maoni ambayo ni taka. Unaweza pia kuchagua kurekebisha mipangilio yako ya maoni ili udhibiti anayeweza kutoa maoni. Pata maelezo zaidi kuhusu mipangilio ya maoni.

Kuripoti kuwa maoni ni taka

Mtu yeyote anaweza kuripoti kuwa maoni fulani ni taka. Kwenye sehemu ya maoni ya video au kituo:

1. Tafuta maoni ambayo ungependa kuripoti kuwa ni taka.
2. Chagua Zaidi Ripoti.
3. Chagua Maudhui ya biashara yasiyohitajika au taka Ripoti.

Watayarishi wanaweza pia kuripoti taka wanapokagua maoni kwenye Studio ya YouTube.

Tumia kipengele cha kuripoti kwa uangalifu. Mtu yeyote anayekitumia vibaya anaweza kuzuiwa kutumia YouTube pia.

Kukagua maoni yaliyozuiwa kama taka

Ili ukague maoni yaliyoripotiwa kama taka kwenye video au chaneli yako:

1. Ingia katika Studio ya YouTube.
2. Kwenye menyu ya kushoto, chagua Maoni .
3. Chagua kichupo cha Yaliyozuiliwa.

Kumbuka: Ikiwa maoni yoyote yameripotiwa kuwa ni taka kwenye maudhui yako, yataonyeshwa katika sehemu ya chini ya kichupo cha Yaliyozuiliwa. Maoni haya pia yatawekewa lebo ya “Huenda ni taka.”

Kwenye kichupo cha Yaliyozuiliwa, unaweza kuchagua:

• Kuidhinisha maoni
• Kuondoa maoni
• Kuripoti kuwa maoni ni taka au yana matumizi mabaya
• Kuficha watumiaji kwenye kituo chako

Kuelewa taka

Taka ni maudhui au mawasiliano ambayo husababisha hali mbaya ya utumiaji kwa kuifanya iwe vigumu kupata nyenzo muhimu na zinazofaa. Wakati mwingine inaweza kutumika kutuma ujumbe usiotakikana kwa watumiaji wengi bila mpangilio wowote.

YouTube hutambua taka kulingana na maandishi ya maoni au kulingana na tabia ya mtoa maoni mahususi. Kwa mfano, kuchapisha maoni mara nyingi sana kunaweza kutambuliwa kama taka.

Wanaopakia wana udhibiti zaidi juu ya maoni yanayotolewa kwenye video zao. Wanaweza kukagua maoni yako kabla hayajaonyeshwa au wayaondoe kabisa. Aliyepakia anaweza pia "kuondoa alama" kwenye maoni yaliyotiwa alama kuwa ni taka.

Maswali Yanayoulizwa Sana

Ni nini kinachotokea maoni yakiripotiwa kuwa ni taka?

Maoni yaliyoripotiwa kuwa ni taka yanaweza kuzuiliwa katika sehemu ya Maoni ya Studio ya YouTube kwa hadi siku 60.

Je, ninaweza kutendua kitendo cha kutia alama maoni kuwa ni taka?

Hapana. Ukishatia alama ya kuonyesha kuwa maoni ni taka, huwezi kutendua kitendo hicho.

Tumia kipengele cha "Ripoti taka au matumizi mabaya" kwa uangalifu mkubwa. Ukikitumia vibaya, unaweza kupigwa marufuku usitumie YouTube.

Ninawezaje kumzuia mtu kuchapisha maoni taka kwenye video zangu?

Ili umfiche mtu kwenye chaneli yako:

1. Ingia katika YouTube.
2. Tafuta maoni aliyotoa kwenye chaneli au video yako.
3. Karibu na maoni hayo, chagua Zaidi Ficha mtumiaji kwenye chaneli .

Je, ninaweza kuacha kuchuja maoni taka?

Mifumo yetu hutambua taka kiotomatiki ili kusaidia kudumisha mazungumzo bora kwenye maoni yanayotolewa katika YouTube. Watayarishi wanaweza kukagua na kuondoa alama kwenye maoni yaliyoripotiwa kuwa "huenda ni taka".