Ef þú ert í þjónustu YouTube fyrir samstarfsaðila og vilt afla tekna gegnum auglýsingar skaltu passa að efnið þitt samræmist leiðbeiningum um auglýsingavænt efni.
Við horfum á alla þætti efnisins frá þér. Þegar við tölum um efnið þitt meinum við:
- Vídeó, Short eða efni í beinstreymi
- Titill
- Smámynd
- Lýsing
- Merki
Til að henta í auglýsingar þarf efnið að samræmast leiðbeiningum um auglýsingavænt efni.
Bættu samhengi við vídeóin þín
Samhengi er lykilatriði. Ef um er að ræða vídeó með fræðslugildi, vísindalegt gildi, listrænt gildi eða ef um heimildarmynd er að ræða getur það breytt hæfi þess fyrir auglýsendur.
Ef þú bætir samhengi við auðveldar það okkur að taka réttar tekjuöflunarákvarðanir. Kerfin okkar hafa ekki alltaf rétt fyrir sér. Ef kerfin okkar merkja vídeóið þitt þannig að það henti ekki öllum auglýsendum geturðu beðið um mennska yfirferð. Starfsfólk okkar mun fara yfir efnið þitt og samhengi þess og komast að lokaniðurstöðu um tekjuöflun.
Nánar um hvernig starfsfólk okkar metur efni með því að nota leiðbeiningar okkar um auglýsingavænt efni.
Slökktu á auglýsingum fyrir efni sem ekki er auglýsingavænt
Ef þú vilt hlaða upp efni sem ekki samræmist leiðbeiningum um auglýsingavænt efni skaltu slökkva á auglýsingum fyrir stök vídeó. Þessi valkostur gerir þér kleift að afþakka tekjuöflun fyrir vídeó sem ekki eru auglýsingavæn á meðan þú ert í þjónustu YouTube fyrir samstarfsaðila.