As jy in die YouTube Vennootprogram is en wil geld maak met advertensies, moet jy seker maak jou inhoud volg ons riglyne vir adverteerdervriendelike inhoud.
Alle inhoud moet die riglyne volg
Ons bring alle aspekte van jou inhoud in berekening. Wanneer ons van inhoud praat, bedoel ons jou:
- Video-, Kortvideo-, of regstreeksestroominhoud
- Titel
- Miniprent
- Beskrywing
- Merkers
Jou inhoud moet aan ons riglyne vir adverteerdervriendelike inhoud voldoen om te kwalifiseer vir advertensies.
Voeg konteks by jou video’s
Konteks is belangrik. Dit kan dalk ’n video se geskiktheid vir adverteerders verander as dit ’n opvoedkundige, dokumentêre, wetenskaplike of artistieke waarde het. Byvoorbeeld, as jy wys hoe om kokaïen te gebruik om “hoog” te raak, sal dit nie as geskik vir advertensies beskou word nie en daarom moet jy nie advertensies vir daardie video aanskakel nie. Maar, as jou video wys hoe kokaïen as deel van ’n mediese prosedure gebruik word, sal dit vir sommige adverteerders aanvaarbaar wees.
As jy konteks byvoeg, help dit ons om die korrekte monetiseringbesluit te neem. Ons stelsels kry dit nie altyd reg nie. As ons stelsels jou video merk as nie geskik vir alle adverteerders nie, kan jy ’n menslike kontrolering versoek. Ons menslike kontroleerders sal jou inhoud en konteks beoordeel om ’n finale besluit oor monetisering te neem.
Gebruik ons riglyne vir adverteerdervriendelike inhoud om meer te wete te kom oor hoe kontroleerders inhoud beoordeel.
Skakel advertensies af vir inhoud wat nie adverteerdervriendelik is nie
As jy inhoud wil oplaai wat nie aan ons riglyne vir adverteerdervriendelike inhoud voldoen nie, moet jy advertensies op individuele video's afskakel. Met hierdie opsie kan jy onttrek aan monetisering vir enige video’s wat nie adverteerdervriendelik is nie terwyl jy in die YouTube Vennootprogram bly.