Huenda ukaona gharama isiyojulikana baada ya kujisajili kwa jaribio au kuagiza mapema maudhui yanayolipiwa kwenye YouTube. Gharama hii ni ada ya muda ya kuidhinisha akaunti.
Je, ada ya muda ya kuidhinisha akaunti ni nini?
Unapofanya ununuzi, tunawasiliana na benki iliyokupa kadi ili kuhakikisha kuwa njia yako ya kulipa ni halali na kuwa una fedha za kutosha ili kufanya ununuzi huo. Benki yako huzuia fedha hadi muamala unapochakatwa au muda wa uidhinishaji unapokwisha. Ada ya muda ya kuidhinisha akaunti si tozo, haulipii uidhinishaji. Kulingana na benki yako, huenda ukaona ada ya muda ya kuidhinisha akaunti pamoja na malipo yanayoshughulikiwa kwa ajili ya ununuzi wako au usajili. Agizo lako halighairiwi ada yako ya muda ya kuidhinisha akaunti inapoachiliwa.
Ada za muda za kuidhinisha akaunti zinaweza kuonekana kwenye akaunti yako kwa siku moja hadi 14 za kazi, kulingana na benki yako. Ukiona bado uidhinishaji huo unasubiri kushughulikiwa baada ya siku 14 za kazi, wasiliana na benki yako ili upate maelezo zaidi.
Tofauti za ada ya muda ya kuidhinisha akaunti kulingana na njia ya kulipa
Kadi ya malipo
Ukitumia kadi ya mkopo, huenda ukaona ada za muda za kuidhinisha akaunti kama gharama kwenye taarifa yako ya mtandaoni. Banki yako itatendua malipo haya kiotomatiki.
Ikiwa una maswali kuhusu jinsi kadi yako inavyoshughulikia maombi ya uidhinishaji au upate kuwa umetozwa zaidi ya mara moja, wasiliana na benki yako.