YouTube-ის საცდელ პერიოდზე რეგისტრაციის ან კონტენტის წინასწარი შეკვეთით შეძენის შემდეგ შესაძლოა თანხა მოულოდნელად ჩამოგეჭრათ. ასეთი ჩამოჭრა წარმოადგენს ავტორიზაციის თანხას.
რა არის ავტორიზაციის თანხა?
როდესაც თქვენ ახორციელებთ შეძენას, ჩვენ თქვენი ბარათის გამცემ ბანკს ვუკავშირდებით, რათა დავრწმუნდეთ, რომ თქვენი გადახდის მეთოდი მოქმედია და შესაძენად, საკმარისი თანხა გაქვთ. თქვენი ბანკი თქვენს ფულად სახსრებს იკავებს მანამ, სანამ ტრანზაქციის დამუშავების ან ავტორიზაციის პროცესის ვადა ამოიწურება. ავტორიზაციის თანხა არ ნიშნავს თანხის ჩამოჭრას. თქვენ არ იხდით თანხას ავტორიზაციისთვის. შესაძლოა ბანკმა ავტორიზაციის თანხა დაგიკავოთ გამოწერის ან სხვა შენაძენის საფასურის გადახდის ლოდინის პროცესში (დამოკიდებულია ბანკზე). ეს არ ნიშნავს იმას, რომ თქვენი შეკვეთა გაუქმდება, როდესაც ავტორიზაციის თანხა თქვენთვის ისევ ხელმისაწვდომი გახდება.
ავტორიზაციის თანხა თქვენს ანგარიშზე შესაძლოა 1-დან 14 დღემდე პერიოდით იყოს დაკავებული (დამოკიდებულია ბანკზე). იმ შემთხვევაში, თუ 14 სამუშაო დღის შემდეგ ავტორიზაცია ჯერაც მომლოდინე რეჟიმშია, დამატებითი ინფორმაციისთვის დაუკავშირდით თქვენს ბანკს.
ავტორიზაციის თანხის განსხვავებული ასახვა გადახდის მეთოდის მიხედვით
სადებეტო ბარათი
თუ სადებეტო ბარათით სარგებლობთ, ავტორიზაციის თანხა თქვენს ონლაინ-ამონაწერში შესაძლოა აისახოს, როგორც თანხის ჩამოჭრა. თქვენი ბანკი ავტომატურად გააუქმებს ამ ტრანზაქციას.
თუ გაქვთ კითხვები იმის შესახებ, თუ როგორ ამუშავებს თქვენი ბარათი ავტორიზაციის მოთხოვნებს, ან აღმოაჩენთ, რომ თანხა არაერთხელ ჩამოგეჭრათ, დაუკავშირდით თქვენს ბანკს.