Jy sal dalk 'n onbekende heffing sien nadat jy by 'n proeflopie aansluit of wanneer jy betaalde inhoud op YouTube voorafbestel. Hierdie heffing is 'n magtigingterughouding.
Wat is 'n magtigingterughouding?
Wanneer jy 'n aankoop doen, kontak ons die uitreikingsbank om seker te maak dat jou betaalmetode geldig is en dat jy genoeg fondse het om die aankoop te doen. Jou bank hou die fondse totdat die transaksie verwerk word of die magtiging verval. 'n Magtigingterughouding is nie 'n heffing nie; jy betaal nie vir magtigings nie. Jy sal dalk na gelang van jou bank 'n magtigingterughouding saam met 'n hangende betaling vir jou aankoop of intekening sien. Jou bestelling word nie gekanselleer wanneer jou magtigingterughouding vrygestel word nie.
Magtigingterughoudings kan 1-14 werksdae, na gelang van jou bank, in jou rekening wys. Kontak jou bank vir meer inligting as jy ná 14 werksdae steeds die onvoltooide magtiging sien.
Magtigingterughoudingverskille volgens betaalmetode
Debietkaart
As jy 'n debietkaart gebruik, sal jy dalk magtigingterughoudings as heffings op jou aanlyn staat sien. Jou bank sal outomaties hierdie heffings omkeer.
Kontak jou bank as jy enige vrae het oor die manier wat jou kaart magtigingversoeke hanteer, of as jy vind dat jy meer as een keer gehef is.