Kufahamu hadhira yako ya YouTube

  ↵

Kichupo cha Hadhira katika Takwimu za YouTube kinakupa muhtasari wa wanaotazama video zako za YouTube na maarifa kuhusu demografia zao. Kinakupa muhtasari wa haraka wa vipimo muhimu kama vile wafuatiliaji na watazamaji wapya.

Kumbuka: Huenda baadhi ya data, kama vile jiografia, vyanzo vya watazamaji au jinsia ikawa chache katika Takwimu za YouTube.

Hadhira ya kila mwezi

Kipimo cha hadhira yako ya kila mwezi huonyesha jumla ya watazamaji wa kipekee waliotazama maudhui yako katika siku 28 zilizopita. Unaweza kutumia kipimo hiki kukadiria ukubwa wa hadhira yako ya waliotazama.

Hadhira ya kila mwezi hukokotolewa kila siku kwa kurejelea kila wakati siku 28 zilizotangulia kuanzia siku mahususi. Kipimo hiki huonyesha pointi za data zilizosanifishwa ili upime kwa usahihi jinsi hadhira yako inavyoendelea kukua kadiri muda unavyosonga.

Hadhira yako ya kila mwezi imegawanywa katika vikundi vitatu kulingana na tabia ya utazamaji: watazamaji wapya, wa kupita na wa kawaida. Unaweza kutumia data hii kutayarisha maudhui yanayolenga watazamaji tofauti katika hadhira yako. Pata maelezo zaidi kuhusu watazamaji wapya, wa kupita na wa kawaida.

Kumbuka: Hata ikiwa utachagua tarehe kwenye kiteua tarehe, hadhira yako ya kila mwezi bado itakokotolewa kulingana na siku 28 zilizotangulia kuanzia siku ya hivi majuzi ya kipindi ulichochagua.

Kuangalia ripoti za Hadhira yako

1. Ingia katika Studio ya YouTube.
2. Katika Menyu ya kushoto, chagua Takwimu .
3. Kwenye menyu ya juu, chagua Hadhira.

Ripoti za hadhira

Wakati ambao watazamaji wako wanatumia YouTube

Ripoti hii hukuonyesha wakati ambao watazamaji wako wanakuwa mtandaoni kwenye YouTube katika siku 28 zilizopita. Unaweza kuitumia ili ikusaidie kukuza jumuiya yako, kufahamu wakati wa kuratibu Onyesho la kwanza au kupanga kuhusiana na mtiririko wako mubashara unaofuata.

Aina ya kifaa

Ripoti hii inakufahamisha asilimia ya muda wa kutazama inayotokana na kila kifaa (imepangwa kutoka asilimia ya juu hadi ya chini). Vifaa vinavyotumika: simu, kompyuta, televisheni na kishikwambi. Pia, unaweza kuangalia takwimu hizi kulingana na aina ya maudhui.

Arifa za kengele kwa wanaofuatilia chaneli

Ripoti hii hukufahamisha asilimia ngapi ya wanaofuatilia chaneli yako wanapata arifa za kengele kutoka kwenye chaneli yako. Pata maelezo zaidi kuhusu arifa kwa wanaofuatilia chaneli.

Muda wa kutazama wa wanaofuatilia chaneli

Ripoti hii inakufahamisha ni asilimia ngapi ya muda wa kutazama inatokana na wanaofuatilia na watazamaji wasiofuatilia chaneli yako.

Umri na jinsia

Ripoti hii inakuonyesha upeo wa umri unaotazama chaneli yako kwa muda mrefu zaidi na usambaaji wa hadhira yako kwa misingi ya jinsia.

Chaneli ambazo hadhira yako hutazama

Ripoti hii hukuonyesha chaneli nyingine ambazo watazamaji wako wametazama mara kwa mara nje ya chaneli yako katika siku 28 zilizopita. Unaweza kuitumia kufahamu chaneli zinazowavutia watazamaji wako na kupata fursa za kushirikiana.

Maudhui ambayo hadhira yako inatazama

Ripoti hii inakuonyesha ni video, Video Fupi, mitiririko mubashara na podikasti zipi nyingine ambazo watazamaji wako walitazama nje ya chaneli yako katika siku saba zilizopita. Unaweza kuitumia kupata mada za video mpya na majina. Unaweza pia kutumia maelezo haya kupata mitindo ya vijipicha na fursa za kushirikiana. Iwapo una Chaneli Rasmi ya Msanii, hutaona video ambazo wewe ni msanii mkuu, hata video ikiwa nje ya Chaneli yako Rasmi ya Msanii.

Miundo ya maudhui ambayo watazamaji wako wanatazama kwenye YouTube

Ripoti hii inakuonyesha aina ya miundo ambayo watu wametazama katika siku 28 zilizopita. Miundo hiyo inaweza kuwa ya video, Video Fupi au mitiririko mubashara. Unaweza kutumia ripoti hii ili uangalie miundo ya maudhui ambayo watu wanatazama sana ili ubadilishe muundo wako uwe kama hiyo.

Maeneo ya kijiografia ambako wametazama zaidi

Ripoti hii inakuonyesha maeneo ya kijiografia ambako chaneli yako imetazamwa kwa muda mrefu zaidi.

Lugha maarufu za manukuu

Ripoti hii inaonyesha hadhira ya chaneli yako kulingana na lugha yenye manukuu.

Pata vidokezo vya kufahamu watazamaji wako na wanachokitazama.

Vipimo unavyopaswa kujua

Kumbuka: Watazamaji ambao hutazama aina yoyote ya maudhui ya chaneli yako watajumuishwa kwenye vipimo vya watazamaji. Aina hizi zinajumuisha Video Fupi, Video Iliyo Tayari Kutazamwa, video Mubashara na zilizopakiwa kwenye chaneli yako.

Hadhira ya kila mwezi	Makadirio ya jumla ya watazamaji katika siku 28 zilizopita. Kipimo hiki hukokotolewa kila siku kwa kurejelea kila wakati siku 28 zilizotangulia kuanzia siku mahususi. Kipimo hiki huonyesha pointi za data zilizosanifishwa ili upime jinsi hadhira yako inavyoendelea kukua kadiri muda unavyosonga. Kumbuka: Hata ikiwa utachagua tarehe kwenye kiteua tarehe, hadhira yako ya kila mwezi bado itakokotolewa kulingana na siku 28 zilizotangulia kuanzia siku ya hivi majuzi ya kipindi ulichochagua.
Watazamaji wapya	Idadi ya watazamaji waliotazama video kwenye chaneli yako kwa mara ya kwanza katika kipindi kilichochaguliwa. Watazamaji ambao hutazama kwenye kivinjari cha faragha, waliofuta historia ya video walizotazama au ambao hawajatazama chaneli yako kwa zaidi ya mwaka mmoja huchukuliwa kuwa watazamaji wapya.
Watazamaji wa kupita	Idadi ya watazamaji waliotazama chaneli yako wakati mwingine kwa muda mfupi. Watazamaji wa kupita walitazama chaneli yako angalau mara moja kwa mwezi kwa mwezi mmoja hadi miezi 5 katika mwaka uliopita.
Watazamaji wa kawaida	Idadi ya watazamaji ambao wamekuwa wakitazama chaneli yako mara kwa mara kwa muda mrefu. Watazamaji wa kawaida wametazama video kwenye chaneli yako angalau mara moja kwa mwezi zaidi ya miezi 6 katika mwaka uliopita.
Watazamaji wa kipekee	Makadirio ya idadi ya watazamaji waliotazama maudhui yako katika kipindi ulichochagua. Kwa Video Fupi, hii hukokotolewa kutokana na kipimo cha kutazama kabisa na muda wa kutazama unaoambatana.
Wanaofuatilia	Idadi ya watazamaji ambao wanafuatilia kituo chako.
Muda wa kutazama (saa)	Muda ambao watazamaji wametazama video yako.
Utazamaji	Idadi halali ya mara ambazo chaneli na video zako zilitazamwa.
Watazamaji wanaorudi tena	Idadi ya watazamaji ambao tayari wametazama chaneli yako na wamerudi kuitazama katika kipindi ulichochagua.