ຫາກວິດີໂອຂອງທ່ານໄດ້ຮັບ “ການສ້າງລາຍໄດ້ແບບຈຳກັດ” ຫຼື “ໄອຄອນສີເຫຼືອງ,” ທ່ານສາມາດ ຮ້ອງຂໍໃຫ້ທີມງານກວດສອບໄດ້. ເມື່ອທ່ານຮ້ອງຂໍໃຫ້ມີການກວດສອບ, ຜູ້ຊ່ຽວຊານດ້ານນະໂຍບາຍຈະກວດສອບວິດີໂອຂອງທ່ານ ແລະ ຕັດສິນໃຈກ່ຽວກັບການສ້າງລາຍໄດ້. ບົດຄວາມນີ້ຈະອະທິບາຍສິ່ງທີ່ຈະເກີດຂຶ້ນໃນລະຫວ່າງການກວດສອບ.
ຜູ້ກວດສອບຈະປະເມີນຫຍັງໃນເວລາກວດສອບ
ຜູ້ຊ່ຽວຊານຂອງພວກເຮົາຈະກວດສອບເນື້ອຫາທັງໝົດທີ່ກ່ຽວຂ້ອງກັບວິດີໂອດັ່ງກ່າວ. ເຂົາເຈົ້າຈະເບິ່ງ ແລະ ປະເມີນເນື້ອຫາແຕ່ລະອັນຢ່າງລະອຽດຖີ່ຖ້ວນ, ຮວມທັງ:
- ເນື້ອຫາວິດີໂອ
- ຊື່
- ຮູບຕົວຢ່າງ
- ລາຍລະອຽດ
- ແທັກ
ວິທີທີ່ຜູ້ກວດສອບປະເມີນເນື້ອຫາ
ຜູ້ກວດສອບຂອງພວກເຮົາຈະປະເມີນວິດີໂອ ແລະ ເນື້ອຫາທີ່ກ່ຽວຂ້ອງໂດຍຮວມ. ຄວາມເໝາະສົມຂອງໂຄສະນາຂອງວິດີໂອແຕ່ລະອັນແມ່ນຂຶ້ນກັບບໍລິບົດຂອງມັນ.
ໃນລະຫວ່າງການກວດສອບຂອງເຂົາເຈົ້າ, ຜູ້ຊ່ຽວຊານຈະໃຊ້ ຂໍ້ແນະນຳທີ່ເປັນມິດກັບຜູ້ລົງໂຄສະນາ ຈັບຄູ່ກັບຫຼັກການຕໍ່ໄປນີ້:
- ບໍລິບົດ
- ໂຟກັສ
- ໂທນ
- ຄວາມສົມຈິງ
- ຄວາມຈະແຈ້ງ
ຫຼັກການສໍາຄັນທີ່ສຸດແມ່ນບໍລິບົດ. ແມ່ນຫຍັງຄືເຈດຕະນາທີ່ຢູ່ເບື້ອງຫຼັງວິດີໂອຂອງທ່ານ. ມັນແມ່ນເພື່ອແຈ້ງໃຫ້ຮູ້ ແລະ ໃຫ້ການສຶກສາ ຫຼື ເຮັດໃຫ້ຕົກໃຈ ແລະ ກະຕຸ້ນ? ຕົວຢ່າງ: ຖ້າມັນແມ່ນເພື່ອແຈ້ງໃຫ້ຮູ້ ແລະ ໃຫ້ການສຶກສາ, ທ່ານກໍຄວນຈະຮວມເອົາບໍລິບົດໃນຊື່, ຮູບຕົວຢ່າງ, ຄໍາອະທິບາຍ ແລະ ແທັກຂອງທ່ານ. ບໍລິບົດນີ້ຈະຊ່ວຍໃຫ້ຜູ້ກວດສອບຕັດສິນການສ້າງລາຍໄດ້ຢ່າງຖືກຕ້ອງ. ຖ້າບໍ່ມີບໍລິບົດ, ຜູ້ກວດສອບອາດບໍ່ສາມາດປະເມີນເນື້ອຫາຂອງທ່ານໄດ້ຢ່າງຖືກຕ້ອງ.
ຕົວຢ່າງ, ອາດມີວິດີໂອທີ່ມີຄຳບໍ່ສຸພາບທີ່ມີໂຄສະນາ. ໃນເວລາດຽວກັນ, ວິດີໂອອື່ນທີ່ບໍ່ມີຄຳບໍ່ສຸພາບແຕ່ມີເນື້ອຫາຮຸນແຮງຈຳນວນຫຼາຍອາດບໍ່ມີໂຄສະນາ.
ສິ່ງທີ່ເກີດຂຶ້ນຫຼັງຈາກການກວດສອບ
ຫຼັງຈາກທີ່ການກວດສອບສຳເລັດແລ້ວ, ທ່ານຈະໄດ້ຮັບອີເມວທີ່ແຈ້ງຜົນການຕັດສິນໃຈກ່ຽວກັບການສ້າງລາຍໄດ້. ການຕັດສິນໃຈຂອງຜູ້ກວດສອບແມ່ນເດັດຂາດ ແລະ ສະຖານະການສ້າງລາຍໄດ້ຂອງວິດີໂອຈະບໍ່ປ່ຽນແປງອີກຕໍ່ໄປ.
ເປັນຫຍັງການກວດສອບດ້ວຍມະນຸດຈຶ່ງສໍາຄັນ
ລະບົບຂອງພວກເຮົາຂັບເຄື່ອນໂດຍເທັກໂນໂລຢີການຮຽນຮູ້ ແລະ ການກວດສອບດ້ວຍທີມງານນັບລ້ານເທື່ອຈາກການອຸທອນຕ່າງໆ. ພ້ອມກັນນັ້ນ, ກໍຍັງຊ່ວຍເຝິກ ແລະ ປັບປຸງລະບົບເພື່ອຕັດສິນການສ້າງລາຍໄດ້ຢ່າງຖືກຕ້ອງສໍາລັບແຕ່ລະວິດີໂອນຳ. ເທັກໂນໂລຢີດັ່ງກ່າວຈະປຽບທຽບການຕັດສິນໃຈຂອງທີມງານກວດສອບ ແລະ ການຕັດສິນໃຈອັດຕະໂນມັດ ແລະ ໃຊ້ຂໍ້ມູນນີ້ເພື່ອປັບປຸງຄວາມຖືກຕ້ອງຂອງລະບົບ.