Ef vídeóið fær „takmörkuð tekjuöflun“ eða „gult tákn“ geturðu beðið um yfirferð starfsmanns. Þegar þú biður um yfirferð fer reglusérfræðingur yfir vídeóið og kemst að niðurstöðu um tekjuöflun. Þessi grein skýrir hvað gerist í yfirferðinni.
Hvað starfsfólk metur í yfirferð
Sérfræðingar okkar skoða allt efni sem tengist vídeóinu. Þeir skoða og meta vandlega allt efni, þar á meðal:
- Efni vídeós
- Heiti
- Smámynd
- Lýsingu
- Merki
Hvernig yfirferðaraðilar meta efni
Starfsfólk okkar metur vídeóið og tengt efni í heild sinni. Hæfi hvers vídeós til auglýsinga fer eftir samhengi.
Í yfirferðinni nota sérfræðingarnir leiðbeiningarnar um auglýsingavænt efni og eftirfarandi meginreglur:
- Samhengi
- Fókus
- Tón
- Raunsæi
- Grófleika
Mikilvægasta meginreglan er samhengi. Hver er tilgangur vídeósins – er því ætlað að upplýsa og fræða eða að hneyksla og æsa? Til dæmis, ef því er ætlað að upplýsa og fræða, þá ættirðu að veita samhengi í heiti, smámyndum, lýsingu og merkjum. Samhengið hjálpar starfsfólki okkar að komast að réttri niðurstöðu um tekjuöflun. Án samhengis er ekki víst að það geti metið efnið þitt réttilega.
Vídeó með nokkrum blótsyrðum gæti til dæmis fengið auglýsingar. En um leið gætu engar auglýsingar verið settar í annað vídeó án nokkurra blótsyrða en með töluvert af ofbeldisfullu efni.
Hvað gerist eftir yfirferð
Eftir að yfirferð er lokið færðu tölvupóst með tekjuöflunarákvörðuninni. Ákvörðun yfirferðaraðila er endanleg og tekjuöflunarstaða vídeósins mun ekki breytast.
Hvers vegna yfirferð starfsfólks er mikilvæg
Kerfi okkar eru knúin af lærdómstækni og milljónum yfirferða starfsfólks eftir áfrýjanir. Til samans hjálpa þau til við að þjálfa og endurbæta kerfið þannig að það komist að réttum niðurstöðum um tekjuöflun fyrir hvert vídeó. Tæknin ber niðurstöður úr yfirferð starfsfólks saman við sjálfvirkar niðurstöður og notar upplýsingarnar til að auka nákvæmni kerfisins.