ເປັນຫຍັງຂ້ອຍຈຶ່ງຖືກປະຕິເສດສຳລັບການສ້າງລາຍໄດ້?
ຫາກການສະໝັກເຂົ້າຮ່ວມໂຄງການຮຸ້ນສ່ວນ YouTube (YPP) ຂອງທ່ານຖືກປະຕິເສດ, ໝາຍຄວາມວ່າເຈົ້າໜ້າທີ່ກວດສອບຂອງພວກເຮົາເຊື່ອວ່າເນື້ອຫາຈຳນວນຫຼາຍໃນຊ່ອງຂອງທ່ານບໍ່ເປັນໄປຕາມນະໂຍບາຍ ແລະ ຂໍ້ແນະນຳຂອງພວກເຮົາ. ເພື່ອສຶກສາກ່ຽວກັບຂັ້ນຕອນຕໍ່ໄປ, ໃຫ້ເບິ່ງຄຳຖາມອື່ນໆໃນບົດຄວາມນີ້.
ຂ້ອຍສາມາດສະໝັກໃໝ່ໄດ້ບໍ່?
ໄດ້. ຫາກເປັນການປະຕິເສດເທື່ອທຳອິດຂອງທ່ານ, ທ່ານສາມາດສະໝັກເຂົ້າຮ່ວມໂຄງການຮຸ້ນສ່ວນ YouTube ຄືນໃໝ່ໄດ້ພາຍໃນ 30 ມື້ ຫຼັງຈາກທ່ານໄດ້ຮັບອີເມວການປະຕິເສດ. ຫາກບໍ່ແມ່ນການປະຕິເສດເທື່ອທຳອິດຂອງທ່ານ ຫຼື ທ່ານເຄີຍສະໝັກເຂົ້າຮ່ວມຄືນໃໝ່ແລ້ວ, ທ່ານສາມາດສະໝັກໄດ້ພາຍໃນ 90 ມື້ ຫຼັງຈາກທ່ານໄດ້ຮັບອີເມວການປະຕິເສດ. ທ່ານຈະຕ້ອງກວດສອບຊ່ອງຂອງທ່ານເພື່ອຊອກຫາການລະເມີດນະໂຍບາຍກ່ອນທີ່ທ່ານຈະສະໝັກເຂົ້າຮ່ວມຄືນໃໝ່.
ຫາກທ່ານເຊື່ອວ່າຊ່ອງຂອງທ່ານຖືກປະເສດຢ່າງບໍ່ຖືກຕ້ອງຈາກໂຄງການຮຸ້ນສ່ວນ YouTube (YPP), ທ່ານມີທາງເລືອກໃນການອຸທອນພາຍໃນ 21 ມື້, ໂດຍບໍ່ຄຳນຶງເຖິງຈຳນວນເທື່ອທີ່ພະຍາຍາມສະໝັກເຂົ້າຮ່ວມ.
ຂ້ອຍຈະເຮັດແນວໃດເພື່ອເຮັດໃຫ້ໃບສະໝັກຂອງຂ້ອຍໜັກແໜ້ນຂຶ້ນ?
ພວກເຮົາບໍ່ສາມາດສັນຍາໄດ້ວ່າທ່ານຈະສາມາດສ້າງລາຍໄດ້ຫຼັງຈາກທີ່ແກ້ໄຂຊ່ອງຂອງທ່ານ. ແຕ່ພວກເຮົາມີຂໍ້ແນະນໍາທົ່ວໄປບາງຢ່າງທີ່ຈະຊ່ວຍໃຫ້ທ່ານເຮັດໃຫ້ຊ່ອງຂອງທ່ານໄປເຖິງຈຸດທີ່ມັນມີສິດສໍາລັບໂຄງການສ້າງລາຍໄດ້.
- ອ່ານອີເມວການປະຕິເສດຂອງທ່ານ. ມັນຈະບອກທ່ານກ່ຽວກັບນະໂຍບາຍສະເພາະທີ່ຊ່ອງຂອງທ່ານໄດ້ລະເມີດ.
- ຈາກນັ້ນ, ໃຫ້ກວດສອບເນື້ອຫາຂອງທ່ານ (ວິດີໂອ, ຊື່, ຄຳອະທິບາຍ, ຮູບຕົວຢ່າງ ແລະ ແທັກ) ໂດຍທຽບໃສ່ ນະໂຍບາຍການສ້າງລາຍໄດ້ຊ່ອງ YouTube ແລະ ຂໍ້ແນະນຳຊຸມຊົນ ຂອງພວກເຮົາ.
- ຂັ້ນຕອນຕໍ່ໄປແມ່ນ ການແກ້ໄຂ ຫຼື ການລຶບວິດີໂອໃດໜຶ່ງ ທີ່ລະເມີດນະໂຍບາຍຂອງພວກເຮົາ.
ຫາກທ່ານສະໝັກເຂົ້າຮ່ວມຄືນໃໝ່, ທີມງານກວດສອບຂອງພວກເຮົາຈະກວດເບິ່ງເນື້ອຫາຂອງທ່ານຢ່າງລະອຽດອີກເທື່ອໜຶ່ງ. ໂດຍພວກເຮົາຈະສົ່ງອີເມວເພື່ອແຈ້ງໃຫ້ທ່ານຮູ້ເມື່ອຂັ້ນຕອນສຳເລັດ (ໃຊ້ເວລາປະມານ 1 ເດືອນ). ນອກຈາກນັ້ນ, ທ່ານຍັງສາມາດກວດສອບສະຖານະຂອງການສະໝັກຂອງທ່ານໃນ ພາກສ່ວນສ້າງລາຍໄດ້ຂອງ YouTube Studio ໄດ້ນຳ.