Hvers vegna var mér hafnað um tekjuöflun?
Ef umsókn þinni um þátttöku í þjónustu YouTube fyrir samstarfsaðila (YYP) var hafnað þýðir það að starfsfólk okkar telur að stór hluti rásarinnar fylgi ekki reglum okkar. Lestu hinar spurningarnar í þessari grein til að fá frekari upplýsingar um næstu skref.
Get ég sótt um aftur?
Já. Ef þetta er í fyrsta skipti sem þér er neitað um þátttöku í þjónustu YouTube fyrir samstarfsaðila geturðu sótt um aftur 30 dögum eftir að þú fékkst tölvupóstinn með höfnuninni. Ef þetta er ekki í fyrsta skipti sem þér er neitað um þátttöku eða þá að þú hefur þegar sótt aftur um aðild þarftu að bíða í 90 daga eftir að þú fékkst tölvupóstinn með höfnuninni. Farðu yfir rásina þína með hliðsjón af brotum á reglum áður en þú sækir um aftur.
Ef þú telur að þátttöku rásarinnar í þjónustu YouTube fyrir samstarfsaðila (YPP) hafi verið hafnað án réttmætrar ástæðu áttu kost á að áfrýja innan 21 dags, óháð því hversu oft þú hefur reynt að sækja um.
Hvað get ég gert til að styrkja umsóknina?
Við getum ekki lofað því að þú getir aflað tekna eftir að þú lagfærir rásina. Við erum þó með nokkrar almennar reglur sem geta hjálpað þér að lagfæra rásina þannig að hún sé gjaldgeng í tekjuöflun.
- Lestu tölvupóstinn með höfnuninni. Hann veitir upplýsingar um reglurnar sem rásin þín braut.
- Farðu síðan yfir efnið þitt (vídeó, heiti, lýsingar, smámyndir og merki) með tilliti til tekjuöflunarreglna YouTube-rása og reglna netsamfélagsins.
- Næsta skref er að breyta eða eyða öllum vídeóum sem brjóta gegn reglum okkar
Ef þú sækir um aftur mun starfsfólk okkar skoða efnið þitt vandlega aftur. Við sendum þér tölvupóst til að láta þig vita þegar ferlinu er lokið (það tekur um það bil mánuð). Þú getur líka skoðað stöðu umsóknarinnar í hlutanum Hagnaður í YouTube Studio.