Веб-камерамен тікелей трансляция жасау

22 маусымнан бастап тікелей трансляция жасау үшін талап етілетін жас санаты 16 жасқа дейін көтерілді. Енді авторлар YouTube-те тікелей трансляция жасау үшін кемінде 16 жасқа толған болуы керек. Сонымен қатар 13–15 жастағы жасөспірімдер ересек адамның қатысуынсыз тікелей трансляцияға шықса, олардың тікелей эфир чаты өшірілуі мүмкін. Ал аккаунты тікелей эфир чатын немесе басқа да функцияларды пайдалану мүмкіндігін уақытша жоғалтуы мүмкін. Болашақта мұндай тікелей трансляцияларды жою жоспарланып жатқанын және аккаунттың тікелей трансляция жасау мүмкіндігі уақытша шектелуі мүмкін екенін ескеріңіз.

Веб-камера – тікелей трансляцияны кодтауға арналған бағдарламалық құралсыз-ақ компьютеріңіз арқылы тікелей эфирге шығудың ең оңай жолы.

YouTube-те веб-камера арқылы тікелей трансляция жасау жолы

 

1. Арнаңызда тікелей трансляция жасау функциясын қосып қойыңыз. Веб-камерамен трансляция жасау үшін браузер нұсқасы Chrome 60+ және Firefox 53+ болуы керек.
2. YouTube-ке кіріңіз.
3. Жоғарғы оң жақта "Жасау"   Тікелей эфирге шығу тармағын басыңыз.
4. Сол жақтағы Веб-камера белгішесін басыңыз.
5. Атауы мен сипаттамасын енгізіңіз де, құпиялық параметрін таңдаңыз. Тікелей трансляцияны алдағы бір күнге жоспарлауыңызға да болады.
   • YouTube-тегі 13–17 жас аралығындағы пайдаланушылар үшін құпиялық параметрі әдепкісінше жеке болады. Жасыңыз 18-ге толған болса, әдепкі құпиялық параметрі баршаға ашық болады. Трансляция жасаушылардың барлығы тікелей трансляция параметрін баршаға ашық, жеке немесежасырын етіп орната алады.
6. Қосымша опциялар  Қосымша параметрлер опциясына кіріп, басқа параметрлерді көріңіз.
7. Келесі түймесін басыңыз. Содан кейін камера бейне суретін түсіреді.
8. Веб-камера мен микрофон дұрыс таңдалғанын тексеріңіз.
9. Тікелей эфирге шығу түймесін басыңыз.
10. Трансляцияны басқару (мысалы, тэгтер қосу, монетизация мен чат параметрлерін өзгерту) үшін Өзгерту түймесін басыңыз. Трансляцияңыз тікелей эфирге шыққан-шықпағанына қарамастан, бұл параметрлерді кез келген уақытта өзгерте аласыз.
11. Трансляцияны аяқтаған соң, төменгі жақтағы Трансляцияны аяқтау түймесін басыңыз. Ұзақтығы 12 сағаттан аспайтын барлық трансляция автоматты түрде мұрағатталады. Бұрынғы, болып жатқан және алдағы трансляцияларды "Тікелей эфир" қойындысынан таба аласыз.

Ескертпе: жоспарланған тікелей трансляцияны ашу немесе іске қосу үшін Тікелей эфирді басқару бетіне кіріп, Басқару тармағын таңдаңыз.

Тікелей эфирді басқару тақтасын пайдалану

Тікелей трансляция жасағанда, Тікелей эфирді басқару бетінің шағын нұсқасын (тікелей эфирді басқару тақтасы) пайдаланып, трансляцияңызға қажетті дисплей аймағын кішірейте аласыз. Тікелей эфирді басқару тақтасында көру саны және чаттан түскен табыс сияқты тікелей эфирді басқару бетіндегі маңызды ақпарат шағын дисплейде көрсетіледі.

Тікелей эфирді басқару тақтасын қосу үшін:

1. Тікелей эфирді басқару бетінде трансляцияның бақылау тақтасына өтіңіз.
2. Төменгі сол жақ бұрышта қалқымалы бақылау тақтасын басыңыз.

Тікелей эфирді басқару тақтасын жабу үшін терезеден шығыңыз.

Ескертпе: тікелей эфирді басқару тақтасы функциясын тікелей трансляцияны түрлендіргіш немесе веб-камера арқылы жасағанда ғана пайдалана аласыз.

 

Тікелей эфирді басқару бетінде экранды веб-камера көмегімен көрсету

Тікелей эфирді басқару бетінде веб-камерамен тікелей трансляция жасаған кезде, экранды көрсетуге болады. Веб-камерамен тікелей эфирге шыққаннан кейін:

1. Төменгі ортаңғы жақтағы микрофон түймесінің жанындағы ЭКРАН КӨРСЕТУ белгішесін басыңыз.
2. Тұтас экран, терезе немесе қойынды таңдаңыз.
   • Веб-камераға қолдау көрсететін браузер қойындысын көрсетсеңіз, ол сол браузердің аудиосын әдепкісінше бөліседі.
   • Басқа қойындыны көрсету үшін оны таңдап, Осы қойындыны көрсету түймесін басыңыз.
3. Көрсету түймесін басыңыз.

Тікелей эфирді басқару бетінде экран көрсетуді тоқтату үшін:

• Сол бетте Көрсетуді тоқтату түймесін немесе
• Браузер терезесінің қойындысында Көрсетуді тоқтату түймесін басыңыз.

Ескертпе: веб-камера мен микрофон жалғанса ғана, тікелей эфирді басқару бетінде экранды көрсетуге болады. 

Тікелей трансляцияға трейлер қосу

Аудиторияңызға жоспарланған тікелей трансляция трейлерін көрсету арқылы қызығушылығын оятыңыз. Тікелей трансляция басталмай тұрып, көру бетінде көрермендерге трейлер көрсетіледі. 

Трейлерді тікелей эфирді басқару бетіндегі "Басқару" қойындысынан жоспарланған трансляцияларда ғана көрсетуге болады.

1. Трейлерді YouTube арнасына жүктеп салу үшін мына әрекеттерді орындаңыз:
2. YouTube Studio "Тікелей эфирге шығу" тармағына өтіңіз.
3. Тікелей трансляцияны жоспарлаңыз немесе "Басқару" қойындысынан жоспарланған трансляцияны таңдаңыз.
4. Жоғарғы оң жақтағы Өзгерту түймесін басыңыз.
5. Бейімдеу түймесін басыңыз.
6. "Трейлер" бөлімінде Қосу түймесін басыңыз.
7. Трейлер бейнесін таңдаңыз.
8. Сақтау түймесін басыңыз.

Жарамдылық

Бұл функция 1000-нан астам жазылушысы бар және Қауымдастық қағидаларының бұзылғандығы туралы ескерту алмаған авторларға қолжетімді. 

 

Талаптар

• Бейне түрі: кез келген YouTube қолдайтын бейне түрін пайдаланыңыз.
• Бейне ұзақтығы: 15 секунд – 3 минут.
• Арақатынас және ажыратымдылық: премьералық бейнедегідей арақатынас пен ажыратымдылықты пайдаланған жөн.
• Аудио және бейнеге қатысты құқықтар: трейлердің басқа контентті заңсыз пайдаланбайтынына көз жеткізіңіз.

Қауымдастық қағидаларының талаптарын бұзатын контенттің болмауын қадағалаңыз.

Тікелей трансляцияларды басқару

YouTube Studio бақылау тақтасынан болып жатқан, алдағы және бұрынғы тікелей трансляцияларды көре аласыз. Қосу әдісі:

1. YouTube Studio-ға өтіңіз.
2. Сол жақ мәзірден Контент опциясын таңдаңыз.
3. Тікелей эфир қойындысын басыңыз.
   • Қазір эфирде: тікелей трансляция жасалып жатқан бейнелер.
   • Алдағы: алдағы уақытқа жоспарланып қойған, әлі трансляция жасалмаған бейнелер.
   • Трансляция жазбасы: тікелей трансляциясы жасалып қойған бейнелер.

Тікелей эфирді басқару бетіне кіріп, жоспарланған тікелей трансляцияларды көруге және іске қосуға болады.

1. Сол жақтағы Басқару түймесін басыңыз.
2. Іске қосқыңыз келетін жоспарланған тікелей трансляцияны басыңыз.
3. Тікелей эфирге шығу түймесін басыңыз.