Kadi Rasmi hurahishia watazamaji kugundua maudhui kwa kuangazia nyenzo rasmi katika Utafutaji kwenye YouTube. Kadi hizi ni pamoja na video rasmi kutoka chaneli maarufu, kama vile za watayarishi maarufu wa YouTube, watu mashuhuri na wasanii maarufu wa muziki, na vile vile maudhui yanayohusiana na timu za spoti, filamu na vipindi vya TV, muziki na matukio maalum. Kadi hizi hutolewa kiotomatiki na haziwezi kuwekewa mapendeleo.
Kadi za muziki
Kadi za Muziki zinaweza kuangazia msanii wa muziki, wimbo, aina au video za muziki na albamu za hivi majuzi. Unaweza pia kutazama maonyesho ya kwanza na mitiririko mubashara ya hivi majuzi kutoka kwa wasanii unaowapenda kwenye Kadi Rasmi za Wasanii. Kadi za Chati Maarufu huonyesha video za muziki na nyimbo bora kutoka YouTube Music katika Utafutaji. Pata maelezo zaidi kuhusu Chati za Muziki na Maarifa.
Kadi za Spoti
Kadi za Spoti huonyesha timu za spoti, michezo ijayo au mubashara, mashindano au maudhui ya aina tofauti za spoti. Kadi hizi zinaweza pia kuangazia alama za hivi majuzi, vivutio na timu zinazohusiana.
Kadi za TV
Kadi za TV zinaangazia mitandao au vipindi mahususi. Kwa kawaida zinajumuisha vipindi na misimu ya hivi karibuni, na zinaweza kuoneysha kitufe cha kujisajili ikiwa kuna chaneli iliyothibitishwa. Maonyesho fulani yanaweza kupatikana bila gharama yoyote ya kifedha, kuhitaji malipo ya mara moja au kupatikana kwa waliojisajili kwenye Premium pekee.
Kadi za michezo ya video
Kadi za Michezo ya Video hujumuisha maudhui rasmi yanayohusiana na mchezo husika wa video. Kuchagua Kadi ya Mchezo wa Video huonyesha maudhui zaidi kuhusu mchezo kama vile mitiririko mubashara na vipakiwa vya hivi karibuni na video maarufu.
Kadi za matukio maalum
Kadi za Matukio Maalum zinajumuisha maudhui kuhusu matukio kama vile matamasha ya muziki na mashidano makubwa ya spoti, kama vile Kombe la Dunia.
Kadi Rasmi za Taarifa Binafsi
Kadi Rasmi za Taarifa Binafsi huonekana kwa watu mbalimbali wanaotafutwa sana kwenye YouTube, ambao wanajulikana pia kwenye YouTube na nje ya YouTube, kama vile waigizaji, wanamuziki, wanariadha na Watayarishi maarufu wa YouTube. Kadi hizi zina kitufe cha Jisajili na zinaangazia video iliyopakiwa hivi karibuni kabisa.
Kadi za Mshika Ofisi
Kadi za Mshika Ofisi zitaonyeshwa katika hoja za utafutaji kuhusu:
- Majina ya viongozi wa tawi la serikali wenye mamlaka ya serikali. Kulingana na nchi, hii inajumuisha Waziri MKuu, Rais na jukumu lingine lolote, ambalo lina mamlaka ya utawala wa taifa.
- Ofisi ya tawi la serikali yenye mamlaka ya serikali.
Kadi za Rasmi za Vyama vya Siasa
Katika nchi ambapo kipengele kinapatikana, Kadi Rasmi za Vyama vya Siasa zinaweza kuonyeshwa katika hoja faafu za utafutaji. Ustahiki unatokana na uwakilishi na uchaguzi wa chama cha siasa kwenye aina ya serikali ya uwakilishi na kitaifa kama chama cha siasa kilichochaguliwa na wengi.
Kadi rasmi za Podikasti
Kadi rasmi za podikasti huangazia maonyesho mahususi ya podikasti na vipindi vya hivi karibuni kabisa vya onyesho hilo.