Miniplayer

Nagbibigay-daan sa iyo ang Miniplayer na patuloy na manood ng mga video habang nagba-browse ka sa YouTube. Sinusuportahan ng player ang Mga Playlist, Livestream, at anupamang video.

Ilunsad ang Miniplayer

Ilunsad ang Miniplayer sa pamamagitan ng pagpindot sa button na Miniplayer  sa video sa tabi ng mga button ng full screen at theater mode. Dadalhin ka nito pabalik sa page na kamakailan mong bina-browse (hal., Homepage, Page ng paghahanap).

Note: Kung may audience na itinakda bilang para sa bata ang content na iyong pinapanood, hindi magiging available ang Miniplayer.

Manood sa Miniplayer

Patuloy na magpe-play ang video sa Miniplayer habang nagna-navigate ka sa site. Magagawa mong mag-pause, mag-seek, at i-play ang nakaraan o susunod na video gamit ang mga kontrol sa Miniplayer.

Kung mag-click ka sa thumbnail ng isa pang video nang nakalabas ang Miniplayer habang nagba-browse sa Home, maglo-load ang video na iyon at direktang magpe-play sa Miniplayer.

Lumabas sa Miniplayer

I-dismiss ang Miniplayer sa pamamagitan ng pag-click sa button na “X” sa kanang bahagi sa itaas ng player o pagpindot sa ESC sa iyong keyboard. Puwede ka ring bumalik sa page sa panonood ng video sa pamamagitan ng pag-click sa pamagat ng Miniplayer, o sa pag-click sa kahit saan sa Miniplayer na nasa labas ng mga kontrol.