Kuelewa data chache katika Takwimu za YouTube

Tungependa kuwapa watayarishi data muhimu ili wafanye maamuzi sahihi kuhusu chaneli zao, lakini baadhi ya data huenda ikawa chache katika Takwimu za YouTube.

Kumbuka: Ikiwa video au chaneli yako haina idadi ya kutosha ya watazamaji katika kipindi kilichochaguliwa, huenda usione data yako. Ikiwa umechagua kichujio mahususi, kama vile jiografia au jinsia, huenda pia usione data.

Utakachoona

Huenda ukaona:

• Ujumbe katika Takwimu kuwa huwezi kufikia ripoti kamili, kama vile, "Data ya demografia haitoshi".
• Tofauti kati ya “Jumla” ya ripoti au kadi, na jumla ya safu mlalo zake mahususi. Tukio hili hutokea pale ambapo safu mlalo ya data haipatikani, lakini bado imejumuishwa ili kupata hesabu sahihi. Utaona dokezo katika sehemu ya chini ya jedwali kuwa ni matokeo maarufu tu yanayopatikana.

Ikiwa ungependa kuona zaidi, jaribu kupanua kipindi cha muda, au kuondoa vichujio na michanganuo. Kubadilisha mipangilio hii kunaweza kuongeza idadi ya data kwenye ripoti kamili.

Aina za data chache

Data ifuatayo inaweza kuwa chache:

Data ya demografia

Data ya demografia, kama vile umri na jinsia, inaweza kuwa chache kwenye Takwimu za YouTube. Kwa mfano, huenda ukaona ujumbe wakati unatazama vipimo vya demografia vya video au nchi mahususi ikiwa huna data ya kutosha ya kuonyesha.

Hutaona data ya demografia ya video za faragha au ambazo hazijaorodheshwa, bila kujali idadi ya watazamaji kwenye kituo chako.

Data ya hadhira

Huenda ukaona data ya hadhira chache katika Takwimu za YouTube ikiwa:

• Kituo chako hakina data inayofaa ya kutosha ya kuonyesha.
• Hadhira yako inatazama maudhui Yanayolenga Watoto.
• Maudhui yanakiuka Mwongozo wa Jumuiya.

Data ya jiografia

Vipimo vinavyohusiana na nchi vinaweza kuwa vichache. Data ya mapato kulingana na nchi si chache.

Hutaona data yoyote ya nchi kwa yafuatayo, bila kujali idadi ya watazamaji wa kituo chako:

• Ripoti za muda halisi
• Video za faragha au ambazo hazijaorodheshwa

Hoja za utafutaji na URL

Huenda ukaona data chache kwa hoja za utafutaji na URL za nje kwenye vyanzo vya watamazaji, mahali video inapochezewa na ripoti za vyanzo vya wanaofuatilia. Kwa mfano, hoja za utafutaji na URL zinazotumika mara moja na zinazoelekeza watazamaji wachache huenda zisionekane. Bado utaona zinazoelekeza zaidi watazamaji kwenye maudhui yako.

Kumbuka: Huenda ukaona vipimo tofauti katika Takwimu za YouTube kulingana na mfumo - Studio ya YouTube kwenye kompyuta au programu ya Studio ya YouTube.