અમે નિર્માતાઓને તેમની ચૅનલ વિશે માહિતગાર નિર્ણયો લેવા માટે ઉપયોગી ડેટા આપવા માગીએ છીએ, પરંતુ YouTube Analyticsમાં અમુક ડેટા મર્યાદિત હોઈ શકે છે.
નોંધ: જો તમારા વીડિયો અથવા ચૅનલમાં પસંદ કરેલા સમયગાળા દરમિયાન પૂરતો ટ્રાફિક ન હોય, તો તમે તમારો ડેટા જોઈ શકશો નહીં. જો તમે કોઈ ચોક્કસ ફિલ્ટર પસંદ કર્યું હોય, જેમ કે ભૂગોળ અથવા લિંગ, તો તેને લીધે પણ તમે ડેટા જોઈ શકતા નથી.
તમે શું જોશો
તમે જોઈ શકો છો:
- Analyticsમાં એવો એક મેસેજ કે તમે સંપૂર્ણ રિપોર્ટને ઍક્સેસ કરી શકતા નથી, જેમ કે, "વસ્તી વિષયકનો પર્યાપ્ત ડેટા નથી".
- રિપોર્ટ અથવા કાર્ડ માટે "કુલ" અને તેની વ્યક્તિગત પંક્તિઓના સરવાળા વચ્ચેનો તફાવત. આ ઘટના ત્યારે બને છે જ્યારે ડેટાની પંક્તિ ઉપલબ્ધ ન હોય, છતાં પણ ચોક્કસ ગણતરી માટે કુલમાં સમાવેશ તેનો થાય. તમે ટેબલના તળિયે એક નોંધ જોશો કે ફક્ત મુખ્ય પરિણામો જ ઉપલબ્ધ છે.
જો તમે વધુ જોવા માગતા હો, તો સમયગાળો વધારવાનો અથવા ફિલ્ટર અને બ્રેકડાઉનને કાઢી નાખીને ફરી પ્રયાસ કરો. આ સેટિંગ બદલવાથી સંપૂર્ણ રિપોર્ટમાં ડેટાની માત્રા વધી શકે છે.
મર્યાદિત ડેટાના પ્રકાર
નીચેની માહિતી મર્યાદિત હોઈ શકે છે:
વસ્તી વિષયક માહિતીનો ડેટા
ઑડિયન્સનો ડેટા
- તમારી ચૅનલમાં ડિસ્પ્લે કરવા માટે પૂરતો સંબંધિત ડેટા નથી.
- તમારા ઑડિયન્સ બાળકો માટે યોગ્ય કન્ટેન્ટ જોઈ રહ્યાં છે.
- આ કન્ટેન્ટ અમારા સમુદાયના દિશાનિર્દેશોનું ઉલ્લંઘન કરે છે.
ભૂગોળનો ડેટા
દેશ સંબંધિત મેટ્રિક અથવા પરિમાણો મર્યાદિત હોઈ શકે છે. દેશ પ્રમાણે આવકનો ડેટા મર્યાદિત નથી.
તમારી ચૅનલ પર ટ્રાફિકની માત્રાને ધ્યાનમાં લીધા વિના, તમે નીચેના માટે કોઈપણ દેશનો ડેટા જોઈ શકશો નહીં:
- રિઅલટાઇમના રિપોર્ટ
- ખાનગી અથવા ફક્ત લિંક સાથે દેખાતા વીડિયો