Ang mga creator ang puso ng YouTube. Bahagi ng pagiging creator ang pagiging miyembro mo ng malaki at maimpluwensyang pandaigdigang komunidad. Matutulungan mo kaming mapangalagaan at maprotektahan ang natatangi at masiglang grupong ito.
Inisyatiba ng YouTube sa Responsibilidad ng Creator
Bilang creator sa YouTube, sumasang-ayon kang sundin ang aming:
Mahalagang maunawaan mo ang mga alituntuning ito at ang tungkulin ng mga ito sa ating pinaghahatiang responsibilidad para mapanatiling maayos ang YouTube. Kung malalabag ang mga alituntuning ito, posibleng i-delete ang iyong mga video, makatanggap ng mga strike ang channel mo, o para sa malubha o paulit-ulit na paglabag, puwedeng paghigpitan o wakasan ang iyong channel.
Kumita sa iyong content
Kailangan ng mga creator na gustong mag-monetize ng content na sundin ang higit pang alituntunin:
- Mga Patakaran ng Programa ng AdSense
- Mga patakaran sa pag-monetize ng YouTube
- Mga alituntunin sa content na angkop sa advertiser
Sa pamamagitan ng pagsunod sa mga alituntuning ito, makakatulong ka sa aming maiwasan ang pag-monetize ng mga posibleng hindi naaangkop na video, na puwedeng makasama sa kita ng lahat.
Kung hindi mo susundin ang mga alituntuning ito, posibleng humantong ito sa pagkakaroon mo ng mga penalty, gaya ng pag-disable ng mga ad sa iyong content, o pagsususpinde sa channel mo sa Partner Program ng YouTube.
Matuto pa tungkol sa aming mga patakaran sa pag-monetize.
Protektahan ang komunidad ng YouTube
Bilang creator sa YouTube, dapat kang manatiling responsable sa loob at labas ng platform. Kung makikita naming ang gawi ng creator sa loob at/o labas ng platform ay nakakapinsala sa aming mga user, komunidad, empleyado, o ecosystem, posible kaming magsagawa ng pagkilos para protektahan ang komunidad.
Bukod sa content na ina-upload mo sa YouTube, narito ang ilang halimbawa ng gawi sa loob at/o labas ng platform na puwede naming ituring na hindi naaangkop at magresulta sa mga penalty:
- Paglalayong magdulot ng pinsala sa iba.
- Pakikilahok sa pang-aabuso o karahasan, pagpapakita ng kalupitan, o pakikilahok sa mapanloko o mapanlinlang na gawi na humahantong sa tunay na pinsala.
Bagama't bihira ang mga ganitong gawi, puwedeng magdulot ang mga ito ng napakalaking pinsala sa komunidad ng YouTube, at posibleg sirain ng mga ito ang tiwala sa mga creator, user, at advertiser.
Posibleng magdulot ng higit sa mga karaniwang pagkilos sa pagpapatupad ang mga malalang paglabag na nagreresulta sa napakalaking pinsala sa komunidad. Posibleng kasama sa mga paghihigpit na ito ang:
- Mga experience sa YouTube Originals at YouTube Spaces: Posibleng suspindihin, kanselahin, o alisin ang YouTube Originals, at posibleng mawalan ka ng access sa Mga Pop-up Space ng YouTube at virtual na pagtitipon.
- Pag-monetize, pamamahala ng partner, at mga pampromosyong oportunidad: Posibleng mawalan ng kakayahan ang iyong channel na maghatid ng mga ad at kumita, at posibleng alisin ito sa Partner Program ng YouTube, at mawalan din ito ng access sa pamamahala ng partner at suporta sa creator. Posible ring mawala ang access sa Content Manager ng Studio. Posible ring alisin ka sa Mga Lineup ng YouTube Select.
Mga karagdagang resource
Gamitin ang mga resource na ito para matuto pa tungkol sa mga patakaran ng YouTube:
- Mga Tuntunin ng Serbisyo: Dapat sumunod sa mga tuntuning ito ang lahat ng content na ina-upload sa YouTube.
- Mga Alituntunin ng Komunidad: Dapat sumunod sa mga alituntuning ito ang lahat ng content na ina-upload sa YouTube.
- Mga Patakaran ng Programa ng AdSense: Para maging kwalipikado para sa pag-monetize, dapat sumunod ang mga video sa mga patakarang ito.
- Mga patakaran sa pag-monetize ng YouTube: Para maging kwalipikado para sa pag-monetize sa YouTube, dapat sumunod ang mga video sa mga patakarang ito.
- Mga alituntunin sa content na angkop sa advertiser: Para maging kwalipikado para sa pag-advertise, dapat sumunod ang mga video sa mga alituntuning ito. Kung gusto mong mag-upload ng content na hindi sumusunod sa mga alituntuning ito, i-off ang mga ad sa mga video na iyon.
- Mga Creator sa YouTube: Kumuha ng mga tip sa paggawa ng content na angkop sa advertiser, matuto ng pinakamahuhusay na kagawian para sa mga pampamilyang video, at alamin kunng paano magsulong ng positibong komunidad sa iyong channel.
- Ang kahalagahan ng konteksto: Ang pagdaragdag ng konteksto sa iyong video ay makakatulong sa aming maunawaan ang background at layunin nito. Pinapayagan namin ang mga kontrobersyal na video na may layuning magturo, magdokumento, o magsulong ng agham o sining.
- Alamin kung paano mag-ulat ng hindi naaangkop na content.