ກ່ຽວກັບການຢັ້ງຢືນ
ສາເຫດທີ່ພວກເຮົາອາດຂໍໃຫ້ທ່ານຢັ້ງຢືນ- ເພື່ອຢັ້ງຢືນວ່າຂໍ້ມູນຂອງທ່ານຖືກຕ້ອງເມື່ອທ່ານເຂົ້າເຖິງເນື້ອຫາສະເພາະ.
- ເພື່ອຢັ້ງຢືນຕົວຕົນຂອງທ່ານເມື່ອທ່ານເຮັດທຸລະກຳກັບ Google ສຳເລັດ.
- ພວກເຮົາພົບການເຄື່ອນໄຫວ ຫຼື ທຸລະກຳທີ່ຜິດປົກກະຕິ.
- ພວກເຮົາຕ້ອງການຂໍ້ມູນເພີ່ມເຕີມສຳລັບເຫດຜົນທາງດ້ານກົດໝາຍ ຫຼື ລະບຽບການ.
ຂໍ້ສຳຄັນ: ຫາກພວກເຮົາຂໍໃຫ້ທ່ານຢັ້ງຢືນບັນຊີຂອງທ່ານ, ທຸລະກຳໃດກໍຕາມທີ່ລໍຖ້າດຳເນີນການຢູ່ກໍຈະຖືກຍົກເລີກ. ການຮຽກເກັບເງິນທີ່ລໍຖ້າດຳເນີນການໃນລາຍການຝາກຖອນໃນບັນຊີທະນາຄານຂອງທ່ານຈະຫາຍໄປພາຍໃນ 14 ມື້ເຮັດວຽກ.
ເພື່ອຢັ້ງຢືນໃຫ້ສຳເລັດ, ລະບົບອາດຂໍໃຫ້ທ່ານຢັ້ງຢືນວິທີການຈ່າຍເງິນແຕ່ລະວິທີ. ເພື່ອດຳເນີນການດັ່ງກ່າວ, ທ່ານສາມາດຮ້ອງຂໍລະຫັດການຢັ້ງຢືນໄດ້.
ນອກຈາກນັ້ນ, ລະບົບອາດຂໍຂໍ້ມູນຕໍ່ໄປນີ້ຈາກທ່ານນຳ:
- ຊື່ຕາມກົດໝາຍ
- ຊື່ທີ່ໃຊ້ຢູ່ໂປຣໄຟລ໌ການຈ່າຍເງິນຂອງທ່ານ
- ທີ່ຢູ່
- ວັນເດືອນປີເກີດ
- ຮູບຂອງບັດປະຈຳຕົວທີ່ລັດຖະບານອອກໃຫ້ຂອງທ່ານ
- ເອກະສານຢັ້ງຢືນທີ່ຢູ່
- ຮູບຂອງວິທີການຈ່າຍເງິນຂອງທ່ານ
Google ໃຊ້ຂໍ້ມູນທີ່ທ່ານໃຫ້ເພື່ອຈຸດປະສົງຕໍ່ໄປນີ້:
- ຢັ້ງຢືນຕົວຕົນ ຫຼື ວິທີການຈ່າຍເງິນຂອງທ່ານ.
- ປ້ອງກັນການສໍ້ໂກງ ແລະ ການລະເມີດ.
- ປັບປຸງບໍລິການຢັ້ງຢືນສຳລັບຜະລິດຕະພັນຂອງ Google.
ຂໍ້ມູນທີ່ຢັ້ງຢືນແລ້ວຂອງທ່ານ, ເຊັ່ນ: ຊື່ ແລະ ທີ່ຢູ່, ຈະຖືກຈັດເກັບໄວ້ໃນບັນຊີ Google ຂອງທ່ານ. ທ່ານສາມາດຈັດການຂໍ້ມູນທີ່ຢັ້ງຢືນແລ້ວຂອງທ່ານໄດ້ຢູ່ payments.google.com.
ເມື່ອເປັນໄປໄດ້, ຂໍ້ມູນທີ່ທ່ານສົ່ງຈະຖືກຈັດການຕາມ ນະໂຍບາຍຄວາມເປັນສ່ວນຕົວຂອງ Google ແລະ ປະກາດຄວາມເປັນສ່ວນຕົວຂອງ Google Payments.
ວິທີຢັ້ງຢືນໃຫ້ສຳເລັດ
ເພື່ອຢັ້ງຢືນຂໍ້ມູນຂອງທ່ານ, ທ່ານອາດຕ້ອງສົ່ງເອກະສານ ຫຼື ຮ້ອງຂໍລະຫັດ. ການຢັ້ງຢືນບາງວິທີອາດໃຊ້ບໍ່ໄດ້ ໂດຍອີງຕາມຜະລິດຕະພັນ ຫຼື ການເຄື່ອນໄຫວທີ່ທ່ານຕ້ອງການດຳເນີນການ.
- ເຂົ້າໄປ payments.google.com.
- ເຂົ້າສູ່ລະບົບບັນຊີຂອງທ່ານ.
- ຢູ່ເທິງສຸດເບື້ອງຂວາ, ໃຫ້ຄລິກ ແຈ້ງເຕືອນ
ຢັ້ງຢືນ.
- ຫາກບໍ່ມີແຈ້ງເຕືອນ, ໃຫ້ຄລິກ ວິທີການຈ່າຍເງິນ.ວິທີຊອກຫາແຈ້ງເຕືອນທີ່ສຳຄັນ
- ຫາກບໍ່ມີແຈ້ງເຕືອນ, ໃຫ້ຄລິກ ວິທີການຈ່າຍເງິນ.ວິທີຊອກຫາແຈ້ງເຕືອນທີ່ສຳຄັນ
- ຢູ່ຖັດຈາກບັດທີ່ຕ້ອງໄດ້ຮັບການຢັ້ງຢືນ, ໃຫ້ຄລິກ ຢັ້ງຢືນ.
- ປະຕິບັດຕາມຄຳແນະນຳຢູ່ໜ້າຈໍສຳລັບ ວິທີການຢັ້ງຢືນ.
- ເຮັດຕາມຂັ້ນຕອນຂ້າງເທິງຊ້ຳສຳລັບວິທີການຈ່າຍເງິນແຕ່ລະວິທີທີ່ຕ້ອງໄດ້ຮັບການຢັ້ງຢືນ.
ວິທີການຢັ້ງຢືນ
ເພື່ອສຳເລັດການຢັ້ງຢືນ, ລະບົບຈະຂໍໃຫ້ທ່ານໃຊ້ວິທີໃດໜຶ່ງຕໍ່ໄປນີ້.
ຮ້ອງຂໍລະຫັດການຢັ້ງຢືນ- ຄລິກ ຮັບລະຫັດ.
- ເຂົ້າໄປເວັບໄຊຂອງຜູ້ອະນຸຍາດວິທີການຈ່າຍເງິນຂອງທ່ານ ແລະ ເຂົ້າສູ່ລະບົບບັນຊີຂອງທ່ານ.
- ໃນປະຫວັດການເຮັດທຸລະກຳຂອງທ່ານ, ໃຫ້ຊອກຫາການຮຽກເກັບເງິນຊົ່ວຄາວຈຳນວນບໍ່ເກີນ $1.95 USD ທີ່ມີຊື່ວ່າ “GOOGLE”. ໂດຍລະຫັດການຢັ້ງຢືນແມ່ນ 6 ຕົວເລກສຸດທ້າຍ.
- ຈຳນວນເງິນທີ່ຮຽກເກັບຊົ່ວຄາວແມ່ນແຕກຕ່າງກັນໄປຕາມປະເພດສະກຸນເງິນ.
- ທ່ານຄວນໄດ້ຮັບລະຫັດທັນທີ, ແຕ່ກໍອາດຕ້ອງລໍຖ້າຮອດ 7 ມື້ຈຶ່ງຈະໄດ້ຮັບ.
- ເຄັດລັບ: ການຮຽກເກັບເງິນ ຫຼື ວົງເງິນທີ່ກັນໄວ້ໃນບັນຊີຂອງທ່ານແມ່ນເປັນແບບຊົ່ວຄາວ. ໂດຍທ່ານຈະໄດ້ຮັບເງິນຄືນພາຍໃນ 30 ມື້.
- ໃສ່ລະຫັດ 6 ຕົວເລກ.
- ຄລິກ ຢັ້ງຢືນ.
ຂໍ້ສຳຄັນ:
- ຂໍ້ມູນທີ່ທ່ານອັບໂຫຼດສຳລັບຂະບວນການນີ້ຈະໃຊ້ເພື່ອຈຸດປະສົງໃນການລະບຸຕົວຕົນເທົ່ານັ້ນ ແລະ ຈະໄດ້ຮັບການຈັດການຕາມຂໍ້ກຳນົດດ້ານກົດລະບຽບທ້ອງຖິ່ນ.
- ວິທີອັບໂຫຼດເອກະສານບໍ່ພ້ອມໃຫ້ໃຊ້ສຳລັບການຢັ້ງຢືນການຊື້ຂອງ YouTube.
ເພື່ອຢັ້ງຢືນຕົວຕົນ ຫຼື ວິທີການຈ່າຍເງິນຂອງທ່ານ, ໃຫ້ຊອກຫາຄຳຮ້ອງຂໍການຢັ້ງຢືນ. ເພື່ອເບິ່ງລາຍຊື່ເອກະສານທີ່ຍອມຮັບ ແລະ ຄຳແນະນຳ, ໃຫ້ກົດເຂົ້າລິ້ງໃນຄຳຮ້ອງຂໍການຢັ້ງຢືນ.
ກະລຸນາກວດສອບວ່າເອກະສານຂອງທ່ານເປັນໄປຕາມຂໍ້ກຳນົດດັ່ງນີ້:
- ໃຊ້ຊື່ ແລະ ນາມສະກຸນອັນດຽວກັນໃນເອກະສານທັງໝົດທີ່ທ່ານສົ່ງ.
- ເປັນຂໍ້ມູນປັດຈຸບັນ ແລະ ຍັງບໍ່ໝົດອາຍຸ.
- ອ່ານອອກໄດ້ງ່າຍ.
ກະລຸນາກວດສອບວ່າຮູບທີ່ທ່ານອັບໂຫຼດມີລັກສະນະດັ່ງນີ້:
- ເປັນຮູບຂອງເອກະສານ ແລະ ບໍ່ແມ່ນສິ່ງອື່ນ
- ອ່ານອອກໄດ້ງ່າຍ
- ເປັນຮູບສີ, ບໍ່ແມ່ນຂາວດຳ
- ບໍ່ມົວ, ບໍ່ມີແສງສະທ້ອນ ຫຼື ບໍ່ຖ່າຍໃນບ່ອນທີ່ມີແສງສະຫຼົວ
- ເຫັນເອກະສານເຕັມໜ້າແບບທັງ 4 ມຸມ
ຫາກທ່ານປົກປິດຂໍ້ມູນໃນເອກະສານ ໃຫ້ປະຕິບັດດັ່ງນີ້:
- ສຳລັບລາຍການຝາກຖອນໃນບັນຊີທະນາຄານ, ໃຫ້ປົກປິດຂໍ້ມູນຕໍ່ໄປນີ້:
- ໝາຍເລກບັນຊີແບບເຕັມ ໂດຍໃຫ້ສະແດງສະເພາະ 4 ຕົວເລກສຸດທ້າຍ
- ຍອດຄົງເຫຼືອບັນຊີ ຫຼື ທຸລະກຳໃດກໍຕາມ. ເນື່ອງຈາກຍອດຄົງເຫຼືອບັນຊີ ແລະ ທຸລະກຳແມ່ນບໍ່ຈຳເປັນສຳລັບການຢັ້ງຢືນ
- ເພື່ອປົກປິດຂໍ້ມູນ, ທ່ານສາມາດແຕ້ມກ່ອງສີເຂັ້ມເພື່ອປິດບັງຂໍ້ມູນລະອຽດອ່ອນກ່ອນທີ່ທ່ານຈະອັບໂຫຼດໄດ້.
ເຄັດລັບ:
- ກວດສອບວ່າຊື່, ທີ່ຢູ່ ແລະ ຂໍ້ມູນການຈ່າຍເງິນຂອງທ່ານຢູ່ payments.google.com ເປັນຂໍ້ມູນອັບເດດ.
- ຫຼັງຈາກທ່ານສົ່ງເອກະສານຂອງທ່ານ, ການຢັ້ງຢືນອາດໃຊ້ເວລາສອງສາມມື້.
ຢັ້ງຢືນດ້ວຍລາຍການຝາກຖອນໃນບັນຊີທະນາຄານ (ສຳລັບນັກພັດທະນາ Play ເທົ່ານັ້ນ)
ໃນບາງປະເທດ ຫຼື ພາກພື້ນ, ນັກພັດທະນາ Google Play ອາດຕ້ອງຢັ້ງຢືນວິທີການຈ່າຍເງິນສຳລັບໃຊ້ຮັບເງິນດ້ວຍລາຍການຝາກຖອນໃນບັນຊີທະນາຄານ. ລາຍການຝາກຖອນໃນບັນຊີທະນາຄານທີ່ທ່ານອັບໂຫຼດຕ້ອງມີອາຍຸບໍ່ເກີນ 180 ມື້.
- ເຂົ້າສູ່ລະບົບ payments.google.com.
- ຄລິກ ການສະໝັກໃຊ້ ແລະ ບໍລິການຕ່າງໆ.
- ພາຍໃຕ້ "ແອັບ Google Play,” ໃຫ້ຄລິກ ຈັດການ.
- ພາຍໃຕ້ “ວິທີທີ່ທ່ານຮັບເງິນ”, ໃຫ້ຄລິກ ເພີ່ມວິທີການຈ່າຍເງິນ.
- ຊອກຫາບັນຊີທະນາຄານທີ່ທ່ານເພີ່ມເປັນວິທີການຈ່າຍເງິນສຳລັບໃຊ້ຮັບເງິນ.
- ຄລິກ ຢັ້ງຢືນ.
- ຫາກທ່ານບໍ່ພົບ “ຢັ້ງຢືນ”, ໃຫ້ ຕິດຕໍ່ຝ່າຍຊ່ວຍເຫຼືອ.
- ອັບໂຫຼດສຳເນົາຂອງລາຍການຝາກຖອນໃນບັນຊີທະນາຄານຂອງທ່ານ. ທ່ານສາມາດອັບໂຫຼດເປັນຮູບ ຫຼື PDF ໄດ້.
- ປົກປິດຂໍ້ມູນລະອຽດອ່ອນໃນລາຍການຝາກຖອນໃນບັນຊີທະນາຄານ ແຕ່ກະລຸນາກວດສອບໃຫ້ໝັ້ນໃຈວ່າຂໍ້ມູນລຸ່ມນີ້ສາມາດເບິ່ງເຫັນໄດ້ຢ່າງຊັດເຈນ:
- 4 ຕົວເລກສຸດທ້າຍຂອງໝາຍເລກບັນຊີທະນາຄານ
- ລາຍລະອຽດທັງໝົດຂອງໝາຍເລກ routing, ລະຫັດທະນາຄານ, ລະຫັດ IFSC, ລະຫັດ sort, ລະຫັດ SWIFT ຫຼື ລະຫັດທີ່ຄ້າຍກັນ.
- ໂດຍຂຶ້ນກັບປະເທດທີ່ທ່ານຢູ່, ລະຫັດທີ່ໃຊ້ລະບຸທະນາຄານອາດມີຊື່ອື່ນ.
- ປົກປິດຂໍ້ມູນລະອຽດອ່ອນໃນລາຍການຝາກຖອນໃນບັນຊີທະນາຄານ ແຕ່ກະລຸນາກວດສອບໃຫ້ໝັ້ນໃຈວ່າຂໍ້ມູນລຸ່ມນີ້ສາມາດເບິ່ງເຫັນໄດ້ຢ່າງຊັດເຈນ:
ຫຼັງຈາກທີ່ທ່ານສົ່ງລາຍການຝາກຖອນໃນບັນຊີທະນາຄານຂອງທ່ານ, ການຢັ້ງຢືນອາດໃຊ້ເວລາສອງສາມມື້.
ແກ້ໄຂບັນຫາກ່ຽວກັບການຢັ້ງຢືນ
ແກ້ໄຂບັນຫາກ່ຽວກັບລະຫັດການຢັ້ງຢືນ ແລະ ການລະງັບບັນຊີຊົ່ວຄາວ
ສຶກສາວິທີແກ້ໄຂບັນຫາເມື່ອທ່ານພະຍາຍາມຢັ້ງຢືນວິທີການຈ່າຍເງິນດ້ວຍລະຫັດການຢັ້ງຢືນ.
ແກ້ໄຂບັນຫາກ່ຽວກັບການຢັ້ງຢືນເອກະສານ
ເພື່ອແກ້ໄຂບັນຫາ:
- ຫາກທ່ານໄດ້ຮັບອີເມວ ຫຼື ຂໍ້ຄວາມສະແດງຂໍ້ຜິດພາດ: ໃຫ້ປະຕິບັດຕາມຄຳແນະນຳໃນຂໍ້ຄວາມ.
- ຫາກທ່ານຕ້ອງການຄວາມຊ່ວຍເຫຼືອຈາກທີມງານຂອງພວກເຮົາໃນການແກ້ໄຂບັນຫາ: ພວກເຮົາຈະຕິດຕໍ່ທ່ານຫຼັງຈາກທີ່ພວກເຮົາກວດສອບຂໍ້ມູນຂອງທ່ານ.
ການຢັ້ງຢືນບໍ່ສຳເລັດ
ຫາກທ່ານຢັ້ງຢືນບໍ່ສຳເລັດ, ທ່ານຈະໄດ້ຮັບອີເມວໃນອີກບໍ່ດົນຫຼັງຈາກຄຳຕັດສິນ. ເພື່ອອຸທອນຄຳຕັດສິນ, ໃຫ້ປະຕິບັດຕາມຄຳແນະນຳໃນອີເມວ.