Maswali Yanayoulizwa Sana kuhusu Maonyesho na asilimia ya mibofyo

Pata majibu ya maswali maarufu kuhusu data ya maonyesho na asilimia ya mibofyo ukitumia Maswali Yanayoulizwa Sana yafuatayo.

Ni kwa nini video yangu ina asilimia ya juu ya mibofyo na wastani wa kipindi cha kutazama lakini maonyesho machache?

Ingawa watayarishi hulinganisha dhidi ya video nyingine ndani ya kituo chao, mfumo wa YouTube hupanga kila video dhidi ya video nyingine zote ambazo mtazamaji anaweza kutazama. Hata kama video ina utendaji mzuri ikilinganishwa na video zingine kwenye kituo chako, huenda ikawa kuwa video kutoka vituo vingine zina utendaji mzuri zaidi. Pia, ni kawaida kwa video zenye maonyesho machache na utazamaji mdogo kuwa na asilimia ya juu ya mibofyo na wastani wa kipindi cha kutazama. Idadi hizi za juu zinatokana na utazamaji wa hadhira ndogo zaidi ambao ni waaminifu zaidi. Wakati wa kulinganisha utendaji wa video, kumbuka kuwa data inaweza kuonyesha zaidi tofauti katika hadhira.

Je, niepuke kufanya nini na data yangu ya asilimia ya mibofyo?

• Kuamua bila data ya kutosha. Ni muhimu kupitia data yako ya asilimia ya mibofyo bada ya kupata idadi kubwa zaidi ya maonyesho. Epuka kuangalia asilimia yako ya mibofyo mara baada tu ya kupakia.
• Kuboresha kwa mabadiliko madogo katika asilimia ya mibofyo. Ni kawaida kuwa na mabadiliko madogo katika asilimia ya mibofyo, na hufai kuchukua hatua yoyote kwa wakati huo. Maboresho yanaweza kukusaidia iwapo mabadiliko katika asilimia ya mibofyo ni makubwa sana.
• Kujaribu majina au vijipicha kadhaa kwenye video moja. Ni vigumu kuhakikisha kila video inatazamwa na hadhira moja. Tofauti katika asilimia ya mibofyo huenda ikatokana na vyanzo vya watazamaji, badala ya jina au kijipicha.

Nitajuaje iwapo asilimia ya mibofyo ya maonyesho yangu ni kubwa au ndogo?

Asilimia ya mibofyo ya maonyesho hupima mara ambazo watazamaji hutazama video baada ya kuona onyesho lililorekodiwa kwenye YouTube. Huenda ikawakilisha seti ndogo ya utazamaji wa jumla wa kituo, kwa kuwa si maonyesho yote yanahesabiwa katika kipimo hiki, kama vile ya skrini za mwisho au yaliyo kwenye tovuti za nje.

Asilimia ya mibofyo ya maonyesho yatatofautiana kutokana na aina ya maudhui, hadhira na mahali kwenye YouTube ambapo onyesho lilionekana. Kumbuka kuwa vijipicha vya video zako kila wakati hushindana na video zingine, iwe kwenye ukurasa wa kwanza, “Inayofuata” kwenye ukurasa wa kutazama, katika matokeo ya utafutaji na hata katika mipasho ya wanaofuatilia.

Nusu ya vituo na video kwenye YouTube vina asilimia ya mibofyo (CTR) ya maonyesho inayoangukiwa kati ya asilimia 2 na asilimia 10.

Video au vituo vipya (kama vile ambavyo vina chini ya wiki moja tangu vifunguliwe), au video zenye chini ya utazamaji 100 zinaweza kuona asilimia pana hata zaidi. Video ikipata maonyesho mengi (kama vile ikionekana kwenye Ukurasa wa Kwanza), ni kawaida kwa asilimia ya mibofyo (CTR) kuwa ndogo. Video ambazo maonyesho mengi yanatoka kwenye vyanzo kama vile ukurasa wa chaneli yako zinaweza kuwa na kiwango cha juu.

Hatimaye, ni bora kulinganisha asilimia za mibofyo (CTR) kati ya video katika kipindi kirefu na kukumbuka jinsi vyanzo vya watazamaji vitakavyoathiri asilimia ya mibofyo (CTR) yake.

Epuka kujaribu kuongeza asilimia ya mibofyo (CTR) yako kwa kutumia vijipicha au majina ambayo ni chambo cha kubofya. YouTube itapendekezea watazamaji video iwapo inawafaa na ikiwa wastani wa kipindi cha kutazama wa video unaonyesha kuwa watazamaji wanavutiwa nayo. Video ambazo ni chambo cha kubofya huwa na kawaida ya kuwa na wastani wa kipindi cha kutazama wa chini na hivyo zina uwezekano mdogo wa kupendekezwa na YouTube. Unaweza kubaini iwapo kijipiicha chako ni chambo cha kubofya ikiwa kinapata asilimia ya mibofyo (CTR) ya juu lakini wastani wa chini wa kipindi cha kutazama na maonyesho chini zaidi ya inavyotarajiwa. 

Ni kwa nini nina utazamaji mwingi kuliko maonyesho?

Ikiwa idadi kubwa ya watazamaji wa video yako wanatoka nje ya YouTube, huenda ukawa na utazamaji mwingi kuliko maonyesho. Si kila mara mtazamaji anapoona kijipicha cha video itahesabiwa kama onyesho na si utazamaji wote utatoka kwenye maonyesho ya kijipicha. Pata maelezo kuhusu kinachohesabiwa kama onyesho lililorekodiwa.

Ni kwa nini kipimo cha asilimia ya mibofyo hakilingani na hesabu zangu?

Asilimia ya mibofyo imetokana na utazamaji uliotoka kwenye maonyesho yaliyohesabiwa. Ukigawanya jumla ya utazamaji kwenye video zako kwa idadi ya maonyesho, huenda usione nambari sawa ya asilimia ya mibofyo. Baadhi ya utazamaji hautoki kwenye maonyesho ya kijipicha.

Je, maonyesho yanahusianaje na uchumaji wa mapato?

Ikiwa video haifai hadhira pana kwa mujibu wa Mwongozo wetu wa Jumuiya, inaweza kupunguza idadi ya maonyesho ambayo inapata. Kupungua huku kunaweza pia kusababisha idadi ndogo zaidi ya utazamaji na mapato ya chini. Vile vile, ikiwa video haifai watazamaji wengi kwa mujibu wa mwongozo wa maudhui yanayofaa watangazaji, video inaweza kupata matangazo machache au isipate kabisa.

Kumbuka: Mapendekezo haya yanatokana na viwango jumlishi vya mafanikio kwenye YouTube. Hayakuhakikishii matokeo yoyote mahususi katika hali yako mahususi.