Көрсету саны және басу жиілігі туралы сұрақ-жауап

Төмендегі сұрақ-жауап арқылы көрсету саны және басу жиілігі деректері туралы ең көп қойылатын сұрақтарға жауап алыңыз.

Неліктен бейнемнің басу жиілігі және орташа көру ұзақтығы көп, бірақ көрсетілу саны аз?

Авторлар көрсеткіштерді өз арнасындағы басқа бейнелермен салыстырса, YouTube жүйелері әр бейнені көрермен көруі мүмкін барлық басқа бейнемен салыстыра отырып бағалайды. Бейне көрсеткіштері арнаңыздағы басқа бейнелермен салыстырғанда жақсы болса да, басқа арналардағы бейнелердің көрсеткіштері одан да жақсырақ болуы мүмкін. Сондай-ақ көрсету мен көру саны азырақ бейнелер үшін басу жиілігі және орташа көру ұзақтығы жоғарырақ болады. Бұл сандардың жоғары болуы оларды санаулы, неғұрлым адал аудиторияның қарағанымен түсіндіріледі. Бейне көрсеткіштерін салыстырғанда деректер аудиториялардағы айырмашылықтарды көбірек көрсетуі мүмкін екенін есте сақтаңыз.

Басу жиілігі туралы деректерге қатысты қандай әрекеттер орындамаған жөн?

• Дерексіз шешім қабылдау. Басу жиілігін көрсету саны айтарлықтай көбейгеннен кейін ғана тексеру керек. Жүктеп салғаннан кейін бірден басу жиілігін тексермеңіз.
• Басу жиілігіндегі шағын өзгерістерге бола жақсарту. Көбінесе басу жиілігінде кішігірім ауытқулар болады. Сол үшін бірден әрекет ету міндетті емес. Басу жиілігінің өзгеруі статистикалық тұрғыдан маңызды болса, жақсартулар енгізуге болады.
• Бір бейнеде бірнеше нобайды немесе атауды сынау. Әр бейнені бір аудитория көретініне көз жеткізу қиын. Басу жиілігіндегі айырмашылықтар атауға немесе нобайға емес, сілтеме көздеріне байланысты болуы мүмкін.

Көрсету санындағы басу жиілігі жоғары немесе төмен екенін қалай білемін?

Көрсету санын басу жиілігі YouTube-те тіркелген көрсетуді көргеннен кейін көрермендердің бейнені қаншалықты жиі көргенін өлшейді. Бұл арнаңыздың жалпы көру санының ішкі жиынын білдіруі мүмкін, себебі бұл көрсеткіште сыртқы веб-сайттардағы немесе соңындағы экрандардағы барлық көрсету саналмайды.

Көрсетулерді басу жиілігі контент түріне, аудиторияға және бейне YouTube-тің қай жерінде көрсетілгеніне байланысты өзгеріп отырады. Бейне суреттері әрдайым негізгі беттегі, көру бетіндегі «Келесі» қойындысындағы, іздеу нәтижелеріндегі және тіпті жазылым арналарындағы басқа бейнелермен бәсекелесетінін есте сақтаңыз.

YouTube-тегі барлық арна мен бейненің жартысындағы көрсету CTR көрсеткіші 2%–10% аралығында болады.

Жаңа бейнелер немесе арналар (мысалы, бір аптадан аз болғандар) немесе 100 реттен аз көрілген бейнелердің ауқымы одан да кең болуы мүмкін. Бейне көп рет көрсетілсе, (мысалы, ол негізгі бетте пайда болса), CTR-дің төмен болуы заңды. Көбіне арна беті сияқты көздерде көрсетілетін бейнелерді басу жиілігі жоғары болуы мүмкін.

Бейнелердің ұзақ мерзімдегі CTR көрсеткіштерін салыстырып, оларға сілтеме көздерінің қалай әсер ететінін ескерген дұрыс.

Кликбейт болып саналатын бейне суреттері немесе атаулар арқылы CTR-ді арттыруға әрекет жасамаңыз көрмеңіз. Бейне көрермендерге қатысты болса және бейненің орташа көру ұзақтығы көрермендер оны қызықты деп санайтынын көрсетсе, YouTube көрермендерге бейне ұсынады. Кликбейт бейнелерінің орташа көру ұзақтығы әдетте төмен, сондықтан YouTube-те ұсынылуы ықтималдығы аз. Бейне суретінің CTR жиілігі жоғары болса, бірақ орташа көру ұзақтығы төмен және көрсету саны күтілгеннен аз болса, оның кликбейт екенін анықтауға болады. 

Неліктен көру саны көрсету санынан көп?

Трафиктің үлкен көлемі YouTube-тен тыс жерден келсе, көру саны көрсету санынан көбірек болуы мүмкін. Көрермен бейне суретін көрген кез келген жағдай көрсету болып есептелмейді және барлық көру трафигі бейне суретін көрсеткеннен келе бермейді. Тіркелген көрсету ретінде не есептелетіні туралы ақпарат алыңыз.

Неліктен басу жиілігі менің болжамыма сәйкес келмейді?

Басу жиілігі есептелген көрсетулерден келетін көру санына негізделген. Бейнеңіздің жалпы көру санын көрсету санына бөлсеңіз, басу жиілігімен бірдей санды көрмеуіңіз мүмкін. Кейбір көру әрекеттері бейне суретін көрсеткеннен туындамайды.

Көрсетудің монетизацияға қандай қатысы бар?

Бейне Қауымдастық қағидаларымызға сәйкес кең аудиторияға жарамсыз болса, бейнені көрсету саны шектелуі мүмкін. Мұндай шектеу көру саны мен табыстың азаюына әкелуі мүмкін. Оған қоса, бейне жарнамаға қолайлы контент туралы қағидаларға сәйкес жарнама берушілердің көпшілігіне жарамсыз болса, ол шектеулі болуы немесе жарнамасыз көрсетілуі мүмкін.

Ескертпе: бұл ұсыныстар YouTube-тегі жиынтық табыстылық көрсеткіштеріне негізделгенін есте сақтаңыз. Олар белгілі бір жағдайда нақты нәтиже жетуге кепілдік бермейді.