Algengar spurningar um birtingar og smellihlutfall

Fáðu svör við helstu spurningum um gögn um birtingar og smellihlutfall með algengu spurningunum sem fylgja hér á eftir

Hvers vegna er vídeóið mitt með hærra smellihlutfall og meðallengd áhorfs en fáar birtingar?

Höfundar bera saman eigin vídeó á rásinni en kerfi YouTube flokkar hvert vídeó samanborið við öll önnur vídeó sem áhorfandi gæti horft á. Jafnvel þó að vídeói gangi vel samanborið við önnur vídeó á rásinni þinni gæti verið að vídeó frá öðrum rásum standi sig enn betur. Einnig er algengt að vídeó með fáar birtingar og áhorf hafi hærra smellihlutfall og meðallengd áhorfs. Þessar hærri tölur eru vegna þess að þau hafa verið skoðuð af smærri og tryggari áhorfendahópi. Þegar þú berð saman frammistöðu vídeóa skaltu hafa í huga að gögnin gætu frekar endurspeglað mismuninn á áhorfendunum.

Hvað ætti ég að forðast að gera með gögnin um smellihlutfall?

• Komast að niðurstöðu án þess að hafa nægileg gögn. Mikilvægt er að skoða smellihlutfall eftir umtalsverðan fjölda birtinga. Forðastu að skoða smellihlutfallið strax eftir að þú hleður upp.
• Gerðu endurbætur með litlum breytingum á smellihlutfalli. Algengt er að litlar sveiflur verði á smellihlutfalli og ekki er þörf á tafarlausum aðgerðum þó að slíkt gerist. Endurbætur gætu gagnast ef breytingar á smellihlutfalli eru tölfræðilega marktækar.
• Prófun á ýmsum smámyndum eða heitum fyrir sama vídeó. Erfitt er að tryggja að sami áhorfendahópur sjái hvert vídeó. Mismunur á smellihlutfalli gæti stafað af uppsprettum umferðar frekar en heiti eða smámynd.

Hvernig veit ég hvort smellihlutfall birtinganna minna sé hátt eða lágt?

Smellihlutfall birtinga mælir hversu oft áhorfendur horfðu á vídeó eftir að hafa séð skráða birtingu á YouTube. Það endurspeglar líklega undirmengi yfir heildaráhorf á rásina þína þar sem ekki allar birtingar eru taldar með í þessu mæligildi, svo sem þær á ytri vefsvæðum eða lokaskjámyndum.

Smellihlutfall birtinga verður breytilegt eftir tegund efnis, áhorfendum og hvar birtingin var sýnd á YouTube. Hafðu í huga að vídeósmámyndirnar þínar eru í stöðugri samkeppni við önnur vídeó, á heimasíðunni, í „Næst“ á áhorfssíðunni, í leitarniðurstöðum og jafnvel í áskriftarstraumum.

Helmingur allra rása og vídeóa á YouTube eru með smellihlutfall birtinga á bilinu 2% til 10%.

Ný vídeó eða rásir (svo sem þau sem eru innan við einnar viku gömul) eða vídeó með færri en 100 áhorf geta haft jafnvel enn breiðara bil. Ef vídeó fær margar birtingar (til dæmis ef það birtist á heimasíðunni) er eðlilegt að smellihlutfall birtinga sé lægra. Vídeó þar sem flestar birtingar koma frá uppsprettum á borð við síðu rásarinnar geta haft hærra hlutfall.

Best er að bera saman smellihlutfall birtinga á milli vídeóa yfir langt tímabil og hafa í huga hvernig uppsprettur umferðar hafa áhrif á smellihlutfallið.

Þú skalt forðast að reyna að auka smellihlutfallið þitt með því að nota smámyndir eða heiti sem eru smellibeitur. Tillögur YouTube að vídeóum byggjast á því hvort vídeóið eigi við áhorfendur og því hvort meðallengd áhorfs á vídeóið gefi til kynna að áhorfendum þyki það áhugavert. Vídeó sem eru smellibeitur hafa gjarnan lága meðallengd áhorfs og þess vegna eru minni líkur á að þau birtist í tillögum YouTube . Þú getur séð hvort að smámyndin þín er smellibeita á því að smellihlutfallið er þá hátt en meðallengd áhorfs lágt og minna en áætlaðar birtingar. 

Hvers vegna er áhorfið meira en birtingar?

Ef mikið af umferðinni á vídeóið þitt kemur annars staðar frá en af YouTube gætirðu haft meira áhorf en birtingar. Ekki öll tilvik þar sem áhorfandi sér vídeósmámynd telst vera birting og ekki allt áhorf kemur til vegna birtinga á smámynd. Skoðaðu hvað telst vera skráð birting.

Hvers vegna passar mæligildið fyrir smellihlutfall ekki við útreikninga mína?

Smellihlutfall byggir á áhorfi sem kemur úr töldum birtingum. Ef þú deilir heildarfjölda áhorfa á vídeóið með fjölda birtinga er ekki víst að þú sjáir sömu tölu og smellihlutfallið er. Sumt áhorf kemur ekki til vegna birtinga á smámynd.

Hvernig tengjast birtingar tekjuöflun?

Ef vídeó hentar ekki breiðum hópi áhorfenda samkvæmt reglum netsamfélagsins getur það takmarkað fjölda birtinga á vídeóinu. Þessi takmörkun gæti einnig leitt til færri áhorfa og minni tekna. Auk þess, ef vídeó hentar ekki fyrir flesta auglýsendur samkvæmt leiðbeiningum um auglýsingavænt efni gæti vídeóið fengið takmarkaðar eða engar auglýsingar.

Athugaðu: Hafðu í huga að þessar tillögur byggja á uppsöfnuðum árangri alls staðar á YouTube. Þær tryggja ekki ákveðna niðurstöðu í þínu tilviki.