Skilningur á gögnum stakra áhorfenda

Þú getur notað gögn stakra áhorfenda til að fá skýrari mynd af áhorfendafjölda þínum eða áætluðum fjölda áhorfenda sem horfðu á vídeóin þín yfir tiltekið tímabil. Áhorfandinn telst sem einn stakur áhorfandi, sama hvort hann horfir í tölvu eða farsíma eða horfir oftar en einu sinni.

Athugaðu að þessum mæligildum er ætlað að veita almennar upplýsingar um markhópinn og útbreiðsluna hjá þér. Þú getur farið yfir önnur mæligildi fyrir rásina og vídeó til að fá yfirlit yfir frammistöðuna þína.

Gögnin mæla heildarútbreiðslu vídeós með því að reikna með tilfelli þar sem áhorfandi kann að horfa á efni í ólíkum tækjum eða þegar margir áhorfendur deila sama tæki. Kerfið innifelur gögn frá tækjum og innifelur bæði innskráð og útskráð gögn til að áætla fjölda áhorfenda.

Heildarfjöldi stakra áhorfenda er einungis tiltækur fyrir tímabil allt að 90 dögum aftur í tímann til að tryggja gagnagæði. Þú getur borið saman ólík 90 daga tímabil til að sjá breytingar með tímanum. Gögn fyrir staka áhorfendur eru tiltæk frá 1. ágúst 2017.

Finna gögn um staka áhorfendur

1. Skráðu þig inn í YouTube Studio.
2. Veldu Greining í vinstri valmyndinni.
3. Smelltu á flipann Áhorfendur til að sjá staka áhorfendur.

 Algengar spurningar um staka áhorfendur

Hvernig get ég notað þessi gögn?

Hér eru nokkrar leiðir til að nota gögnin um „staka áhorfendur“:

• Þú getur athugað meðalfjölda stakra áhorfenda sem hafa horft á rásina þína með því að skoða mæligildið „Meðaláhorf á hvern áhorfanda“ í flipanum SJÁ MEIRA.
• Berðu áhorfendafjölda saman við fjölda áskrifenda þinna og finndu vídeó sem geta hjálpað þér að finna breiðari áhorfendahóp fyrir utan áskrifendur þína.
• Greindu tilfelli þar sem vídeóið þitt höfðaði til nýrra áhorfenda með því að bera saman staka áhorfendur á rásina þína fyrir og eftir að þú birtir vídeóið.
• Þú getur notað þessar upplýsingar til að stýra efnisáætlun þinni.

Hvers vegna sé ég færri staka áhorfendur heldur en þegar ég legg saman áhorfendur fyrir vídeóin mín?

Ef áhorfandi horfir á fleiri en eitt vídeó á rásinni þinni birtist hann sem stakur áhorfandi fyrir hvert vídeó. Þessar áhorfstölur verða lagðar saman í einn stakan áhorfanda fyrir rásina þína.

Hvers vegna er ég með færri staka áhorfendur heldur en fjölda áskrifenda?

Fjöldi áskrifenda er ekki nákvæmasta leiðin til að áætla áhorfendafjöldann þinn. Áhorfendur eru yfirleitt með áskrift að fjölda rása og horfa ekki alltaf á öll ný vídeó á rásum sem þeir eru áskrifendur að.

Ef þú ert með færri áhorfendur en áskrifendur getur það verið vegna þess að áskrifendur þínir eru ekki með kveikt á rásartilkynningum eða horfa ekki strax á nýjasta efnið sem þú hleður upp.