Kung isa kang music artist sa YouTube, posibleng kwalipikado kang itampok ang mga listing ng iyong paparating na concert sa YouTube.
Awtomatikong naka-enable sa mga kwalipikadong channel ng artist ang mga shelf ng ticket. Kapag na-enable na ito, ang mga nanonood ng opisyal na content na musika mula sa iyong channel sa YouTube ay makakakita ng mga link sa mga ticket para sa mga available na petsa ng event sa mga page ng video. Ipapakita namin ang event na pinakamalapit sa iyo, at ang iba pang petsa ng event.
Hindi ipinapakita ang mga feature sa pagbebenta ng ticket sa fans na nanonood mula sa mga mobile browser o device sa sala. Sa desktop, direktang lalabas sa ibaba ng video player ang shelf ng pagbebenta ng ticket. Sa YouTube Main mobile app, lalabas sa loob ng mobile watch feed ang pagbebenta ng ticket. Hindi ipapakita sa shelf ang mga sold out na event.
Pagiging Kwalipikado ng Channel
Para maisaalang-alang para sa mga feature sa pagbebenta ng ticket, dapat kang:
- Magkaroon ng Opisyal na Channel ng Artist sa YouTube
- Magkaroon ng music attraction ID sa alinman sa mga sinusuportahang ticketer (nakalista sa ibaba)
- Magkaroon ng mga paparating na concert sa alinman sa mga sinusuportahang bansa kung saan makikita ng mga manonood ng iyong mga video ang shelf ng pagbebenta ng ticket (nakalista sa ibaba)
Mga sinusuportahang ticketer
- AXS
- Eventbrite
- SeeTickets
- Ticketmaster
- DICE
Ang sinusuportahang ticketer (hindi ang Google) ang responsable para sa lahat ng aspeto ng pagbebenta ng ticket kasama ang, pero hindi limitado sa, pagkumpleto ng order, mga refund, customer service, pamamahala ng imbentaryo, at pagbabayad.
Posible kaming magdagdag ng mga bagong ticketer na puwedeng kunin bilang partner sa hinaharap, kaya bumalik sa ibang pagkakataon para sa mga update.
Mga sinusuportahang bansa
Makikita ng mga manonood na nasa mga sumusunod na bansa/rehiyon ang mga feature sa pagbebenta ng ticket:
- Australia
- Canada
- Ireland
- New Zealand
- United Kingdom
- United States
Mag-opt in o mag-opt out sa mga feature sa pagbebenta ng ticket
Naka-opt in sa mga feature sa pagbebenta ng ticket ang lahat ng kwalipikadong channel ng artist. Kung sa tingin mo ay kwalipikado ka, makipag-ugnayan sa iyong Partner Manager sa YouTube o magpadala ng feedback.
Para i-disable ang pagbebenta ng ticket sa iyong channel ng artist:
- Mag-sign in sa YouTube Studio.
- Sa kaliwang menu, i-click ang Mga Concert.
- Sa tabi ng “Magbenta ng mga ticket sa pamamagitan ng YouTube," i-off ang opsyon sa pagbebenta ng ticket .
Para ibalik ang mga feature sa pagbebenta ng ticket sa iyong channel, i-on ang opsyon sa pagbebenta ng ticket .
Mga patakaran sa pagbebenta ng ticket
Dapat ay sumunod ang iyong paggamit ng mga feature sa pagbebenta ng ticket sa Mga Tuntunin ng Serbisyo ng YouTube, kabilang ang Mga Alituntunin ng Komunidad ng YouTube.
Ang mga paglabag sa mga tuntunin at patakarang ito ay posibleng humantong sa pagsususpinde o pagwawakas ng iyong paggamit ng mga feature sa pagbebenta ng ticket (kabilang ang anumang kaugnay na feature) o sa pagwawakas sa account, alinsunod sa mga patakarang iyon.
Kung hindi ka sumasang-ayon sa alinman sa itaas, huwag gamitin ang mga feature sa pagbebenta ng ticket. Puwede mo ring i-disable ang mga feature sa pagbebenta ng ticket anumang oras.
Pagbabahagi ng data at mga sukatan ng event
Hindi na available sa YouTube Studio ang data ng mga benta ng ticket at kita. Para makita ang data na ito, direktang makipag-ugnayan sa iyong provider sa pagbebenta ng ticket.