Biðtími í beinstreymi

Biðtími í streymi er sá tími sem líður frá því að myndavélin tekur upp þar til upptakan birtist áhorfendum. Þegar þú undirbýrð beinstreymi skaltu velta því fyrir þér hvaða áhrif lengd biðtíma gæti haft á áhorfendur.

Fyrir spjall við áhorfendur í beinni er best að hafa stuttan biðtíma til að svara ummælum og spurningum áhorfenda. Hafðu í huga að þegar biðtíminn er styttri gætu áhorfendur upplifað meiri tafir á spilun.

Ef þú átt ekki samskipti við áhorfendur er lengri biðtími ekki vandamál.

Af hverju hefur biðtíminn áhrif á gæði?

Eftir því sem biðtíminn er styttri, þeim mun minna getur vídeóspilarinn hlaðið í biðminnið. Hversu mikið hægt er að hlaða í biðminnið er mjög mikilvægt þar sem biðtími í streymi byggir á því. Ef biðtíminn er stuttur er líklegra að áhorfendur lendi í vandræðum með samspil kóðara og spilara.

Teppa í netkerfi og aðrir þættir geta einnig valdið vandamálum í beinstreymi og valdið töfum á streyminu. Tafir geta átt sér stað jafnvel þótt þú sért með mjög gott netkerfi sem ræður við meðalbitahraða streymisins.

Að öllu jöfnu ráða spilarar áhorfenda við þessar breytingar á nethraða með því að geyma viðbótargögn fyrir beinstreymi. Þessi eiginleiki er kallaður Biðminnisheilsa í Tölfræði fyrir nörda.

Hvernig þú breytir biðtíma fyrir beinstreymi

Í stjórnherbergi beinna útsendinga:

1. Farðu í YouTube Studio. Efst til hægri skaltu smella á Búa til  Hefja beina útsendingu.
2. Efst skaltu smella á Streymi eða Stjórna. Búðu til streymi eða opnaðu áætlaðan straum.
3. Í stjórnborði straumsins skaltu smella á Streymi Stillingar.
4. Veldu lengd biðtíma undir „Biðtími streymis“.

Streymi úr vefmyndavélum og snjalltækjum eru alltaf stillt fyrir gagnvirkni. Þú getur ekki valið biðtíma í beinstreymi fyrir streymi af þessu tagi.

Þrír valkostir eru í boði fyrir biðtíma í beinstreymi:

Venjulegur biðtími

Best fyrir: beinstreymi án gagnvirkni

Veldu „Venjulegan biðtíma" ef þú gerir ekki ráð fyrir að eiga samskipti við áhorfendur í beinstreyminu. Þessi valkostur hefur í för með sér mestu gæðin fyrir áhorfendur þar sem hann felur í sér minnstu truflanirnar á spilun.

Allar upplausnir og eiginleikar fyrir beinar útsendingar styðja Venjulegan biðtíma.

Lítill biðtími

Best fyrir: takmörkuð samskipti við áhorfendur

Veldu þennan valkost ef þú áætlar að eiga takmörkuð samskipti við áhorfendur og þarft ekki að bíða eftir svörum, eins og fyrir kannanir. Flestir sem horfa á straum með litlum biðtíma munu upplifa biðtíma sem er innan við 10 sekúndur. Þessi stilling er ágætis jafnvægi milli hinna tveggja kostanna.

Stillingin styður ekki 4K -upplausn.

Mjög lítill biðtími

Best fyrir: beinstreymi með miklum samskiptum við áhorfendur í rauntíma

Veldu þennan kost ef þú vilt spjalla við áhorfendurna. Flestir sem horfa á straum með mjög litlum biðtíma munu upplifa biðtíma sem er innan við fimm sekúndur. Þessi stilling getur haft í för með sér auknar líkur á töfum á spilun fyrir áhorfendur.

Stillingin styður ekki 4K -upplausn.

Athugaðu: Vandamál við innflutning á beinstreymi sem tengjast netkerfinu þínu hafa meiri áhrif á áhorfendur ef þessi stilling er valin. Gakktu úr skugga um að nettengingin þín geti viðhaldið streymi á þeim bitahraða sem þú velur. Fyrir sem bestar niðurstöður skaltu nota AV1 eða HEVC fyrir bestu gæði og stöðugleika við hvaða bitahraða sem er og fylgja ráðleggingum YouTube í beinni fyrir kóðara hér.